Thursday, February 25, 2016
بورک سے لائٹننگ رج
ایک فکر کے
سلسلے کا کالم
کالم شمار دو
سو انہتر
فروری
بیس، دو ہزار سولہ
بورک سے
لائٹننگ رج
ہم برسبین جارہے
تھے اور راستے میں لاءٹننگ رج نامی قصبہ پڑتا تھا۔ اتنے دلچسپ نام والے قصبے میں
قیام کیوں نہ کیا جاءے؟
لوگ کسی جگہ کیوں
رہتے ہیں اور پھر ان کی اگلی نسل وہاں رہنے کا فیصلہ کرتی ہے یا نہیں، اس کا
دارومدار بہت سے عوامل پہ ہوتا ہے۔ ان عوامل میں سب سے اول شمار موقع معاش ہے۔ اگر
کسی جگہ لوگوں کو روزگار کے مواقع حاصل ہوں تو پھر لوگ نسل در نسل وہیں رہتے ہیں۔
آسٹریلیا کے دوسرے
قصبوں کی طرح لاءٹننگ رج بھی کوءی بہت پرانی بستی نہیں ہے۔ دراصل شکاری بٹوریے
[ہنٹر گیدرر] بستیاں نہیں بساتے۔ آسٹریلیا کے قدیم باشندے ایب اورجنی جس طرح کی
زندگی گزارتے تھے اس میں ایک جگہ ٹہرنا ممکن نہ تھا۔ انسان نے بستیاں اس وقت بسانا
شروع کیں جب اس نے زراعت ایجاد کی۔ آسٹریلیا کی دوسری بستیوں کی طرح لاٹننگ رج کو
بھی یورپی نواواردوں نے بسایا تھا۔ لاءٹننگ رج قیمتی پتھروں کی کان کنی کے لیے
مشہور ہے۔ لاءٹننگ رج میں آج تک عالمی شہرت یافتہ کالے اوپل کی کان کنی ہوتی ہے
مگر وہاں آنے والے سیاحوں کو دیکھ کر اندازہ ہوا کہ لاءٹننگ رج میں شاید اتنے کان
کن نہیں ہوں گے جتنے وہاں سیاح تھے۔
ہم بورک سے
لاءٹننگ رج پہنچے تو ہوٹل کے کمرے میں کچھ دیر آرام کرنے کے بعد باہر نکلے۔
لاءٹننگ رج نے سیاحوں سے پیسے بنانے کا بھرپور انتظام کیا تھا۔ ہوٹل کے استقبالیے
پہ ہمیں لاءٹننگ رج کا نقشہ دیا گیا تھا اور بتایا گیا کہ ہم اس قصبے میں کون کون
سے ٹور کر سکتے تھے۔ وہ سارے ٹور کانوں سے متعلق تھے۔ شام ہوچلی تھی، اس کے باوجود
ہم دیکھنا چاہتے تھے کہ سیاحوں کو جن مختلف راستوں پہ روانہ کیا جارہا تھا وہ کہاں
تھے۔ ہم نے نقشے پہ موجود قابل دید راستوں میں سے ایک کا انتخاب کیا اور اس طرف چل پڑے۔ اس راستے کے داخلے پہ پہنچے تو ایک
کچی پگڈنڈی کانوں کی طرف جاتی نظر آءی۔ بات واضح تھی۔ آپ ٹکٹ خریدیں، اس راستے پہ چلتے جاءیں اور
وہاں لگے ساءن کی مدد سے اس علاقے میں کان کنی کی تاریخ کے بارے میں پڑھتے جاءیں۔
ہم مرکز شہر واپسی کے لیے پلٹے تو سورج غروب ہوچکا تھا۔ لاءٹننگ رج جنوبی ساحل سے
اس قدر فاصلے پہ تھا کہ وہاں فضاءی آلودگی نہ ہونے کے برابر تھی۔ لاءٹننگ رج کا
آسمان ستاروں سے کھچا کھچ بھرا ہوا تھا۔ ایسا نظارہ بہت عرصے بعد دیکھا تھا۔ ہم نے
گاڑی سڑک سے اتار کر کچے میں کھڑی کی اور آسمان کو تکنے لگے۔ پہلا خیال تو یہ آیا
کہ یہ وہی ستارے تھے جن کو ہزاروں سال سے ہمارے آبا و اجداد دیکھتے آرہے تھے۔ مگر
پھر فورا ہی اپنی تصیح کی۔ کم از کم پچھلی چار نسلوں سے تو ہمارا خاندان جنوبی
ایشیا ہی میں رہ رہا ہے۔ مجھے اچھی طرح معلوم ہے کہ میں اپنے خاندان کا پہلا شخص
تھا جو خط استوا پار کر کے جنوبی کرے میں پہنچا تھا۔ تو پھر ہمارے جد جنوبی کرے کے
ان ستاروں کا کیسے مشاہدہ کرسکتے تھے؟
شمالی کرے میں
شمال کا تعین کرنے کے لیے قطبی ستارہ موجود ہے اور خود قطبی ستارے کی شناخت دب
اکبر کی مدد سے کی جاتی ہے۔ شمالی آسمان میں ستاروں کا ایک مجموعہ ایک بڑے ڈونگے
کی شکل میں نظر آءے تو ڈونگے کے آخری سرے سے آسمان میں ایک فرضی لکیر کھینچیں۔ یہ
لکیر جس روشن ستارے سے ٹکراءے بس وہی قطبی ستارہ ہے جو شمال کی سمت ظاہر کررہا ہے۔
جنوبی کرے میں ایسا کوءی ستارہ نہیں ہے جو جنوب کی سمت بتاءے مگر جنوبی صلیب نامی
ستاروں کے مجموعے کی مدد پھر بھی حاصل کی جاسکتی ہے۔ لاءٹننگ رج کے لدے پھندے
آسمان میں اتنے سارے ستاروں کی موجودگی میں جنوبی صلیب نامی مجموعے کی شناخت مشکل
تھی مگر تھوڑی سی کوشش سے ہم اس صلیب کو شناخت کرنے میں کامیاب ہوگءے۔
ہم اس وقت
آسٹریلیا کے ایسے علاقے میں تھے جہاں خان سوپا آءی جی اے نامی اسٹور تواتر سے مل
رہے تھے۔ یہ اسٹور اشیاءے خوردونوش فروخت کرتے تھے۔ لاءٹننگ رج میں ہم نے ایسے ہی
ایک اسٹور سے خریداری کی۔ کیش رجسٹر پہ ایک دیسی خاتون نے ہمارا حساب کتاب کیا۔ ان
کے بلے پہ ان کا نام روبینہ بتایا گیا تھا۔ ہم فورا ان سے اردو میں بات کرنے لگے۔
روبینہ نے بتایا کہ خان سوپا کے مالکین ایک عرصے سے آسٹریلیا میں رہ رہے تھے۔ شاید
یہ لوگ جنوبی ایشیا سے لاءے جانے والے اونٹوں کے ساتھ وہاں آءے تھے۔
ہمیں جلد ہی
اندازہ ہوگیا کہ لاءٹننگ رج میں دیسی کافی تعداد میں تھے۔ اگلے روز ایک پیٹرول پمپ
سے تیل لیا تو وہاں بھی ایک دیسی مرد اور عورت کو موجود پایا۔ ان سے بات چیت شروع
ہوگءی۔ انہیں پنجاب سے آسٹریلیا پہنچے زیادہ عرصہ نہیں ہوا تھا۔ آدمی کا ایک بھاءی
برسبین میں ریستوراں چلا رہا تھا۔ ہم نے ایک دن پہلے ملنے والی روبینہ کے بارے میں
انہیں بتایا تو معلوم ہوا کہ وہ روبینہ کو جانتے تھے۔ انہوں نے بتایا کہ روبینہ
لاہور کی رہنے والی عیساءی تھی اور اس کا شوہر ایک آسٹریلوی سفید فام آدمی تھا۔ ہم
ان دونوں سے رخصت لینے کے بعد سوچتے رہے کہ اس اضافی معلومات کی کیا ضرورت تھی کہ
روبینہ کا مذہب کیا تھا اور اس نے کس نسل کے آدمی سے شادی کی تھی۔ لوگوں کی باتیں
دراصل ان کا ذہنی قارورہ ہوتی ہیں۔ اس قارورے کی مدد سے آپ جان سکتے ہیں کہ ان کی
نظروں میں کس چیز کی اہمیت ہے اوران کے ذہن میں کیا کھچڑی پک رہی ہے۔
Labels: Black Opel, Bourke to Lightning Ridge, Khan Supa IGA, Mining Town, Pakistanis in Australia
Thursday, January 28, 2016
ٹوٹی پہاڑی
۔
ایک فکر کے
سلسلے کا کالم
کالم شمار دو
سو پینسٹھ
جنوری
بیس، دو ہزار سولہ
ٹوٹی پہاڑی
صبح الارم سے آنکھ کھل گئی مگر سردی کڑاکے
کی تھی اور بستر سے نکلنے کا موڈ نہ تھا۔ ہمارا کمرہ سڑک سے اتنے فاصلے پہ تھا کہ وہاں سڑک کا شور
سنائی نہیں دیتا تھا۔ ہم ایک
روز پہلے ہی ایلس اسپرنگس سے ایڈی لیڈ پہنچے تھے۔ اور وہاں پہنچنا اچھا لگا
تھا۔ اب ہم دوبارہ ایک ہوٹل ایک گاڑی کے فارمولے پہ آگئے
تھے۔ اگلا مرحلہ ایڈی لیڈ سے برسبین پہنچنے کا تھا۔ اس اگلے سفر میں ہمیں کئی
چھوٹے چھوٹے قصبوں سے گزرنا تھا۔ یہی کچھ سوچتے کچھ دیر بعد دوبارہ گھڑی کی طرف دیکھا تو اندازہ ہوا کہ کافی
وقت گزر چکا تھا۔ ہمیں شام ہونے سے پہلے بروکن ہل نامی قصبے تک پہنچنا تھا۔ ہم نے
ہڑبڑا کر بستر چھوڑا اور تیزی تیزی کام نمٹانے شروع کیے۔
کچھ دیر بعد جب چیک آئوٹ کے لیے نیچے گئے تو معلوم ہوا کہ ہم نے رات گاڑی غلط
جگہ کھڑی کر دی تھی۔ بے چارہ اسکاٹ، اس ہوٹل کا مینیجر، اچھا آدمی ہے۔ میں نے اس
سے جھوٹی موٹی شکایت کی کہ اس نے آ کر میرا دروازہ کھٹکھٹایا کر کیوں نہ مجھے
بتایا کہ میں نے گاڑی غلط کھڑی کی تھی۔ اسکاٹ کا کہنا تھا کہ وہ سمجھ نہ پایا تھا
کہ وہ گاڑی کس کی تھی۔ مجھے خیال ہوا کہ وہ لحاظ کررہا ہے کیونکہ وہ گاڑی تو ایک عرصے سے اسی ہوٹل میں کھڑی رہی تھی، خاص
طور پہ اس وقت جب ہم وہاں گاڑی کھڑی کر کے ایلس اسپرنگس روانہ ہوگئے تھے۔
اس وقت تک تجربے سے یہ ثابت ہو چکا تھا کہ
ہمیں جو راہ نما، جی پی ایس، ملا تھا اس پہ مکمل انحصار نہیں کیا جا سکتا۔ یہ آلہ
بیشتر وقت راہ کی صحیح نشاندہی کرتا تھا مگر کبھی کبھی یوں ہی چکر دے دیتا تھا۔ اسی
لیے اگلی منزل کے لیے روانہ ہونے سے پہلے ہم کمپیوٹر پہ نقشہ دیکھ کر راستے کا
عمومی تعین کرلیتے تھے اور خاص خاص شاہ راہوں کے نمبر یاد کر لیتے تھے۔ پھر جی پی
ایس کا استعمال اسی خاکے کو ذہن میں رکھتے ہوئے کیا جاتا تھا۔
ہم شمال کی طرف جارہے تھے۔ ایڈی لیڈ سے نکلتے
ہی ہمیں زرعی قطعات ملے۔ ظاہر ہے کہ انگریزوں کے یہاں آنے سے پہلے اس علاقے میں
زراعت نہیں ہوتی تھی۔ کاشت کاری کا یہ سلسلہ بررا نامی قصبے تک چلا۔ پھر جھاڑیاں
اور بیاباں شروع ہوگیا۔ یہاں روڈ پہ کچھ کچھ فاصلے پہ مرے ہوئے کینگرو بھی ملنے
لگے۔ یہ جانور گاڑی اور ٹرک کی ٹکر سے ہلاک ہوئے تھے۔ کچھ اور آگے چلے تو ہمیں
ٹولیوں کی صورت میں دانہ چگتے ایمو نظر آئے۔ ایمو شترمرغ کا رشتہ دار ہے۔ اتنے
بڑے جثے کے پرندوں کی تقسیم یوں ہے کہ افریقہ میں شترمرغ، جنوبی امریکہ میں رییا، اور آسٹریلیا میں ایمو۔ آج کے دور میں
ان تینوں بڑے پرندوں کی گلہ بانی ہوتی ہے۔ امریکہ میں ان تینوں پرندوں کے انڈے
معمولی کوشش سے حاصل کیے جاسکتے ہیں۔ ہم نے ایک دفعہ ڈاک سے ایمو کے دو انڈے
منگائے تھے۔ ہر انڈے پہ ایک آملیٹ پارٹی کی گئی اور مہمانوں نے اتنے بڑے انڈے کے
ٹوٹنے کا تماشہ شوق سے دیکھا اور تیار ہونے والے بڑے آملیٹ کا لطف اٹھایا۔ بروکن
ہل کے اس راستے میں ہمیں سڑک کے
ساتھ بکریاں اور بھیڑیں بھی چرتی نظر آئیں۔ خیال ہوا کہ شاید ان جانوروں کو بھی
جنگلی ہی چھوڑ دیا گیا تھا۔
ہم دن کی روشنی میں برکن ہل پہنچنے میں
کامیاب ہوگئے، مگر کچھ ہی دیر میں سورج غروب ہوگیا۔ بروکن ہل ایسا قصبہ ہے جہاں
شام ہوتے ہی سناٹا ہوجاتا ہے۔ ہم لوگ سارا دن گاڑی میں بیٹھے
بیٹھے تنگ آگئے تھے اس لیے ہوٹل کے کمرے میں سامان رکھ کر اس شہر سے تعارف کے لیے
پیدل نکل پڑے۔ بروکن ہل کے مرکز شہر میں گھومتے پھرتے ہمیں اندازہ ہوا کہ گو کہ
بروکن ہل میں کان کنی کا کام قریبا ختم ہوچکا ہے مگر بروکن ہل اپنے اس ماضی سے
پیسے بنانے کی پوری کوشش کررہا ہے۔ وہاں جگہ جگہ دلچسپ سائن کی مدد سے اس قصبے کی
تاریخ سمجھائی گئی تھی۔ ان سائن کو پڑھ کر آپ یہ جان سکتے تھے کہ بروکن ہل کے
علاقے سے چاندی، نکل، اور دوسری دھاتوں کی کب اور کس طرح کان کنی کی گئی۔ ایک دن
پہلے ہم نے ٹی وی پہ ایک پروگرام دیکھا تھا جس میں بتایا گیا تھا کہ ایلوس پرسلے
کی بیٹی کس طرح ایلوس پرسلے کی یادداشتوں کو ایک نمائش کی شکل دے کر اس سے رقم
بنائی رہی تھی۔ وہ بھی ماضی سے آمدنی پیدا کرنے کا ایک طریقہ تھا۔ ہر امریکی صدر
وہائٹ ہائوس سے فارغ ہونے کے بعد ایک کتاب ضرور لکھتا ہے۔ یہ بھی ماضی سے پیسہ
بنانے کی ایک ترکیب ہے۔ اور یہی چیلنج ہم سب کے لیے ہے۔ کیا ہم اپنے ماضی سے رقم
بنانے کا طریقہ جانتے ہیں؟
Labels: Australia, Broken Hill, Elvis Presley Museum, Mining Town
