سمندطور کی اردو دنیا

امراءو طارق، زرداری کی علالت، ، اور نشتر پارک

2011-12-20T13:13:00.000-08:00

دسمبر گیارہ، دو ہزار گیارہ

ایک فکر کے سلسلے کا کالم

کالم شمار ترسٹھ

امراءو طارق، زرداری کی علالت، اور نشتر پارک

علی حسن سمندطور

میرے استاد، میرے محسن، امراءو طارق علالت کے کءی سال گزارنے کے بعد دسمبر آٹھ کو دنیا سے کوچ کر گءے۔ میرا دل بجھ گیا۔ نوے کی دہاءی کے وسط میں انجمن ترقی اردو کے دفتر میں امراءو طارق کا کمرہ کتابوں کی اشاعت کے سلسلے میں میری درس گاہ تھی۔ "تم سرشار صدیقی سے ضرور ملو اور ان سے اپنی کتاب پہ تبصرہ لو"، وہ مختلف اہل قلم کے نام گنواتے اور پھر ساتھ ہی اپنی ٹیلی فون ڈاءری اٹھاتے اور مجھے بتلاءے گءے لوگوں کے فون نمبر لکھواتے۔ امراءو طارق کے توسط ہی سے میں فردوس حیدر، ڈاکٹر یونس حسنی، ڈاکٹر محمد علی صدیقی، سحر انصاری، سرشار صدیقی، ڈاکٹر فرمان فتح پوری، اور ڈاکٹر ممتاز احمد خان جیسے نقاد اور سخنوران سے ملا۔ چند ماہ پہلے مجھ تک امراءو طارق کی علالت کی اطلاع پہنچ چکی تھی۔ میرا ارادہ تھا کہ اب کی دفعہ کراچی گیا تو اپنے محسن کی تیمارداری کروں گا اور ساتھ ہی ان پہ ایک مختصر فلم بناءوں گا۔ مگر سارے ارادے دھرے دھرے کے رہ گءے اور وہ عمدہ قلمکار اور شفیق استاد اس دنیا سے آگے بڑھ گیا۔ امراءو طارق کے انتقال کی خبر سننے کے بعد میں اب تک کف افسوس مل رہا ہوں کہ کاش مجھے ان کے ساتھ گزارنے کے لیے کچھ اور وقت مل جاتا۔ ایک خوش خیال دل میں رکھتا ہوں کہ شاید موت ایک ایسا دروازہ ہے جس سے گزر کر انسان بلند آگہی کی ایک ایسی منزل تک پہنچ جاتا ہے جہاں سے اس کاءنات کے وہ بہت سے راز و اسرار جو دنیاوی زندگی میں سمجھ نہیں آءے ہوتے اچانک آشکار ہو جاتے ہیں۔
پچھلے ہفتے آصف علی زرداری غیر متوقع طور پہ دبءی پہنچے تو پاکستانی میڈیا طرح طرح کی افواہوں سے بھر گیا۔ ٹی وی پہ بہت سے ایسے 'صحافی' ہیں جو زرداری سے بلا کا بغض رکھتے ہیں؛ زرداری کی علالت سے ان لوگوں کے دلوں میں لڈو پھوٹنے لگے اور انہوں نے قیاس آراءی کہ کہ بس اب زرداری مستعفی ہوا ہی چاہتے ہیں۔ آصف علی زرداری خراب شہرت کے مالک ہیں۔ بد اچھا، بدنام برا۔ چنانچہ زرداری سے کسی قسم کی ہمدردی رکھنا ذرا مشکل کام ہے مگر زرداری سے وفاداری نہ رکھنے کے باوجود جمہوری عمل سے وفاداری رکھنی چاہیے اور اس بلند تر وفاداری کے تحت سوچنے سمجھنے والے لوگوں کی یہ خواہش ہونی چاہیے کہ موجودہ حکومت اپنی مدت پوری کرے اور اگلے انتخابات ٹھیک وقت پہ ہوں۔ جہموریت کی گاڑی ایک دفعہ چل پڑی اور جمہوری ادارے مضبوط ہو گءے تو رفتہ رفتہ کر کے چیزیں صحیح ڈگر پہ آنا شروع ہو جاءیں گی۔ مگر ایک شخص سے بغض رکھ کر اس بات کی خواہش اور کوشش کرنا کہ حکومت ختم ہو جاءے اور غیر جمہوری ادارے ملک کا نظام سنبھال لیں، انتہاءی حماقت کی بات ہے۔
اگلے انتخابات کی بات آءی ہے تو اس پچیس دسمبر کو کراچی میں ہونے والے عمران خان کے جلسے کا تذکرہ نہ کرنا ممکن نہی ہے۔ خبر ہے کہ عمران خان کا یہ جلسہ نشتر پارک میں ہوگا اور اس کی تیاریاں زور و شور سے جاری ہیں۔ پچھلے کالم میں جلسے جلوسوں کے حوالے سے پاکستان کے موجودہ حالات کے حساب سے لاحق خطرات کے متعلق لکھا تھا۔ اسی سلسلے میں آج جلسے جلوسوں کے ایک اور پہلو کے متعلق بات کرنا چاہوں گا۔ امید ہے کہ نشتر پارک کے جلسے کی تیاریوں میں تحریک انصاف کے کارکنان صرف اپنے قاءد عمران خان کی حفاظت ہی پہ توجہ نہیں دے رہے ہوں گے بلکہ شرکا کی حفاظت کی طرف بھی دھیان دے رہے ہوں گے۔ ہمارا ملک جس کم تر شرح خواندگی کا حامل ہے اس کا مظاہرہ سڑکوں پہ، بازاروں میں، اور ہر رش کی جگہ پہ بار بار نظر آتا ہے۔ ہم قطار بنانے کے عادی نہیں ہیں اور جھمگٹا لگا کر کھڑے ہوجاتے ہیں۔ عمران خان کے لاہور کے جسلے سے متعلق ایک شکایت سننے میں آءی تھی کہ جلسے میں پہلے آنے والے لوگ پھنس کر رہ گءے تھے۔ یعنی اگر جلسہ گاہ کے درمیان میں موجود ایک شخص کسی وجہ سے نکلنا چاہتا تو وہاں سے باہر نکلنے کا کوءی طریقہ نہ تھا۔ یہ بہت تشویشناک بات ہے۔ زیادہ لوگوں کے مجمعے میں اس بات کی گنجاءش ہونی چاہیے کہ اگر کسی ہنگامی صورتحال کا سامنا ہو تو نہ صرف یہ کہ لوگوں کے بیچوں میں بیچ موجود ایک شخص تک ہنگامی امداد پہنچاءی جا سکے بلکہ اگر کسی وجہ سے جلسہ گاہ اچانک خالی کرنا پڑے تو لوگ تمیز سے بغیر بھگدڑ مچاءے باہر نکل سکیں۔ جہاں جہاں بڑے مجمعے میں ان بنیادی باتوں کا خیال نہیں رکھا جاتا وہاں اس بات کا امکان رہتا ہے کہ مجمعے میں بھگدڑ سے لوگ زخمی یا ہلاک ہو جاءیں گے۔ عمران خان کیونکہ تحریک انصاف چلا رہے ہیں اس لیے انہیں چاہیے کہ اس تحریک کے نام کا خیال رکھتے ہوءے اپنے کارکنوں کو نظم و ضبط کی تربیت دیں۔ عمران خان بریڈفورڈ یونیورسٹی کے چانسلر بھی ہیں، انہوں نے دنیا دیکھی ہے اور یقینا اس بات کا مشاہدہ کیا ہوگا کہ مغرب میں کھیلوں کے مقابلوں یا موسیقی کے کانسرٹ کے موقع پہ جمع ہونے والوں کو کس طرح نظم و ضبط سے ایک دوسرے سے محفوظ رکھا جاتا ہے۔ امید ہے کہ عمران خان نے اپنے کارکنوں کو اس بات کی تعلیم دی ہوگی کہ جلسہ گاہ میں چونے سے قطاریں بناءی جاءیں۔ ایک صف میں بیس لوگوں سے زیادہ نہیں کھڑے ہوں، آگے پیچھے دو صفوں کے درمیان تین فٹ کا فاصلہ ہو اور برابر برابر دو صفوں کے درمیان پانچ فٹ چوڑی راہ داری ہو تاکہ کسی بھی صف سے کوءی شخص نکل کر جلسہ گاہ سے باہر نکل سکے یا اس تک ہنگامی امداد پہنچاءی جا سکے۔

فوجی مداخلت، نامنظور

2011-12-20T13:09:00.000-08:00

میمو گیٹ نامی جھوٹا طوفان کا زور پاکستان میں تھمنے کا نام نہیں لیتا۔ دراصل اس طوفان کو کھڑا کرنے والے وہ مخصوص لوگ ہیں جو پی پی پی سے عمومی اور آصف علی زرداری سے خصوصی عناد رکھتے ہیں۔ پاکستان ٹی وی میڈیا میں شامل چند نام نہاد صحافی میموگیٹ پہ مستقل تبصرہ کر رہے ہیں۔ چنانچہ جب زرداری کسی وجہ سے پاکستان سے دبءی پہنچے تو انہیں صحافیوں نے شور مچا دیا کہ زرداری ملک سے فرار ہو گءے ہیں۔ یہ افواہ اڑاءی گءی کہ زرداری استعفی دینے والے ہیں اور اب وہ واپس پاکستان قدم بھی نہیں رکھیں گے۔ پچھلے کالم میں اس بارے میں بات ہوءی تھی کہ اگر فوج کے زور پہ زرداری سے استعفی لیا گیا تو ایسا عمل پاکستان میں جمہوریت کے لیے مضر ہوگا۔ آج اسی بات کو آگے بڑھاتے ہیں۔
کہی بات کا اثر ہوتا ہے اور اسی لیے ذراءع ابلاغ اپنے اندر زبردست طاقت رکھتے ہیں۔ وہ جس طرح حالات کا نقشہ پیش کرتے ہیں، بہت سے لوگ اس نقشے کو من و عن قبول کر لیتے ہیں۔ چنانچہ پاکستانی میڈیا کے چند غیرذمہ دار صحافیوں نے میموگیٹ کے حوالے سے جو شور مچایا اس کا اثر ان لوگوں نے قبول کیا جو مستقل پاکستانی ٹی وی دیکھتے ہیں۔ کچھ دن پہلے ہمارے ایک دوست نے جو پاکستان کے سیاسی حالات پہ گہری نظر رکھتے ہیں جب اپنے سر کو داءیں باءیں ہلا کر ہمیں بتایا کہ بس اب حکومت گءی تو ہم نے پوچھا کہ ان کی یہ بات ایک پیش گوءی ہے یا دلی خواہش؟ آخر اچھے بھلے، پڑھے لکھے لوگ ایسی خواہش کیوں رکھتے ہیں کہ پاکستانی فوج ڈنڈے کے زور پہ جس منتخب نماءندے کو چاہے چلتا کرے؟ اچھا یہ ہوا کہ جب جمہوریت مخالف قوتوں نے میموگیٹ کے جھوٹے طوفان کا زیادہ شور مچایا تو بالاخر دوسری طرف کے لوگ بھی کھڑے ہوءے۔ محنت کشوں کے نماءندوں اور دانشوروں نے کل ایک بیان کے ذریعے باور کیا کہ پاکستان کےعام لوگ جمہوری عمل کی رکاوٹ میں کسی بھی فوجی مہم جوءی کو برداشت نہیں کریں گے۔ اور اب تھوڑی دیر پہلے خبر آءی ہے کہ آصف علی زرداری واپس کراچی پہنچ گءے ہیں۔ زرداری کی واپس پاکستان آمد سے یقینا میڈیا میں شامل بہت سے لوگوں کے منہ لٹک گءے ہوں گے۔ ہم امید کرتے ہیں کہ زرداری یا تو یونہی صدارت کی کرسی پہ موجود رہیں گے، یا اگر انہیں کرسی سے ہٹانے کی کوشش کی گءی تو وہ جمہوری عمل سے کی جاءے گی نا کہ فوج کے ڈنڈے کے زور پہ۔ امید ہے کہ پاکستان کی عسکری قیادت کو بھی یہ بات سمجھ میں آچکی ہوگی کہ وہ زمانے گزر گءے جب پاکستانی فوج کی جمہوری حکومت سے بغاوت پہ چند لوگ خوشیاں مناتے تھے اور بازاروں میں مٹھاءیاں تقسیم کرتے تھے۔ پاکستانی فوج پاکستانی حکومت کے بہت سے اداروں میں سے ایک ادارہ ہے۔ اس ایک ادارے کو ہرگز یہ اختیار نہیں ہے کہ وہ اپنے طور پہ فیصلہ کرے کہ پاکستان کے 'وسیع تر مفاد' میں کیا ہے اور کیا نہیں۔
میموگیٹ کا طوفان جھوٹا طوفان کیوں ہے؟ اس لیے کہ منصور اعجاز کے توسط سے منظر عام پہ آنے والے اس میمو میں کوءی جان نہیں ہے۔ سب سے بڑا سوال یہ ہے کہ حسین حقانی اور زرداری تو براہ راست امریکی فوجی قیادت سے ملتے رہے ہیں؛ وہ اتنی اہم بات کہنے کے لیے منصور اعجاز کا سہارا کیوں لیں گے اور براہ راست یہ بات امریکی چیف آف اسٹاف سے کیوں نہیں دیں گے؟ دوسرا سوال یہ کہ آخر امریکی فوج کا پاکستانی فوج پہ کیا زور چلتا ہے۔ کیا امریکی فوج پاکستانی فوج کی قیادت کے بازو مروڑ کر اسے اس بات پہ راضی کر سکتی ہے کہ وہ عوامی حکومت کی بالادستی کو قبول کرے اور اس کے سامنے چوں بھی نہ کرے؟ اور سب سے آخری سوال یہ کہ کیا حسین حقانی اور زرداری کو یہ حقیقت اظہرمن الشمس نظر نہیں آرہی کہ امریکی فوج کے پاکستانی فوج سے براہ راست روابط ہیں، کہ پاکستانی جرنیل مسقل امریکہ کے چکر لگاتے رہتے ہیں، کہ امریکی فوج کو پاکستانی فوج سے یہ براہ راست تعلق بہت پسند ہے، کہ امریکی انتظامیہ جمہوری حکومتوں سے روابط نہیں چاہتی، وہ تو ہر جگہ براہ راست فوج سے معاملہ کرنا چاہتی ہے کیونکہ فوج سے مضبوط روابط امریکی انتظامیہ کے وسیع تر مفاد میں ہوتے ہیں؛ جمہوری حکومت تو پل میں تولہ، پل میں ماشہ ہوتی ہے۔ تو یہ ساری باتیں جانتے بوجھتے حقانی یا زرداری امریکی فوج تک ایسا میمو کیوں پہنچاءیں گے جسے محض ظریف تحریر پڑھ کر ہنسا ہی جا سکتا ہے۔

حسن نثار کا عمران خان کو مفت مشورہ

2011-11-27T23:09:00.000-08:00

نومبر ستاءیس، دو ہزار گیارہ

حسن نثار ایک نامی گرامی کالم نویس ہیں اور وسیع مطالعہ رکھنے کی وجہ سے بہت سے دیگر پاکستانی کالم نویسوں کے مقابلے میں کہیں زیادہ ذکی اور ترقی پسند ہیں۔ حسن نثار نے حال میں ایک کالم لکھا ہے جس کا عنوان ہے 'بن مانگے مفت مشورے۔' اس کالم میں حسن نثار نے خدشہ ظاہر کیا ہے کہ کہیں سیاسی میدان میں عمران خان سینچری بناءے بغیر ننانوے کے اسکور پہ نہ آءوٹ ہو جاءیں۔ حسن نثار کا کہنا ہے کہ اب عمران خان کو صرف عمران خان مار سکتا ہے۔ اس کالم کا اول حصہ ایسا پیچیدہ ہے کہ آپ سمجھتے ہی رہ جاءیں کہ آخر حسن نثار صاحب کیا کہنے کی کوشش کر رہے ہیں۔ آخر عمران خان اپنے آپ کو کیسے مارے گا؟ مگر کالم کے آخر میں بات واضح ہوتی ہے کہ حسن نثار عمران خان کو تنظیم سازی کا مشورہ دے رہے ہیں۔ حسن نثار کی راءے میں عمران خان کو ان لوگوں سے ہوشیار رہنا چاہیے جو عمران خان کے آس پاس موجود ہیں اور پارٹی میں نءے آنے والوں کے لیے مزاحمت پیدا کر رہے ہیں۔ حسن نثار کا خیال ہے کہ عمران خان کو پارٹی کے ہر رکن سے ذاتی رابطہ رکھنا چاہیے۔ حسن نثار کے عمران خان کو یہ مشورے یقینا پرخلوص ہیں اور واضح ہے کہ حسن نثار کی خواہش ہے کہ تحریک انصاف ایک مضبوط سیاسی جماعت بن جاءے اور اگلے انتخابات میں ملک گیر کامیابی حاصل کرے۔

یوں تو پاکستان کی بیشتر سیاسی جماعتیں شخصیات کے گرد گھومتی ہیں مگر ایک پارٹی جو اپنے آپ کو تحریک انصاف کہے اس سے لوگ یہ امید رکھتے ہیں کہ وہ دوسری سیاسی جماعتوں سے مختلف ہوگی۔ کہ اس پارٹی میں شخصیت پرستی کو چھوڑ کر ادارہ سازی پہ زور دی جاءے گی۔ انسان فانی ہے اور تھوڑا سا دم خم دکھا کر دنیا سے رخصت ہو جاتا ہے مگر ادارے قاءم رہتے ہیں؛ اسی لیے اداروں کو مضبوط بنانا اچھا ہوتا ہے۔ جہاں ادارے مضبوط ہوں اور ادارے میں بہت سے لوگ قیادت کی مختلف سیڑھیوں پہ موجود ہوں وہاں اس بات کا امکان رہتا ہے کہ خدانخواستہ ادارے کا سب سے بڑا قاءد نہ بھی رہا تو ادارہ قاءم رہے گا،نءی قیادت معاملات کو سنبھال لے گی اور ادارہ ان خطوط پہ چلتا رہے گا جس کا خاکہ گزر جانے والے قاءد نے پیش کیا تھا۔ تحریک انصاف سے اس عوامی امید کے باوجود اب تک تحریک انصاف کے واحد نامور قاءد عمران خان ہی ہیں۔ کاش حسن نثار اپنے دوست عمران خان کو یہ مشورہ دیتے کہ وہ تنظیم سازی کے دوران اپنی جماعت میں نءی قیادت کو ابھارنے کے لیے بھی کام کریں۔ تحریک انصاف کے اندر مستقل ایسی ورکشاپ ہو رہی ہوں جن میں کارکنوں کی قاءدانہ صلاحیت کو پروان چڑھایا جاءے، ان لوگوں کو بتایا جاءے کہ انہیں تحریک انصاف کے منشور کو سامنے رکھتے ہوءے اپنی تقریر میں کس طرح کی باتیں کرنی ہیں، جماعت میں نظم و ضبط کیسے لانا ہے، وغیرہ، وغیرہ۔ ممکن ہے کہ عمران خان اپنے کارکنوں کو واقعی یہ باتیں روز بتاتے ہوں مگر ایسی خبر اب تک عوام تک نہیں پہنچی ہے۔

کوءی بھی شخص جو ملک کے حالات سے عاجز ہے اور خواہش رکھتا ہے کہ وہ سیاسی طور پہ مضبوط بن کر انتخابات کے ذریعے لوگوں کا اعتماد حاصل کرے اور پھر ملک کی باگ دوڑ سنبھال کر ملک کو صحیح رخ پہ لاءے، اسے اپنے آپ سے سوال کرنا چاہیے کہ اس کے اصل اہداف کیا ہیں اور ان اہداف تک جلد از جلد کس طرح پہنچا جا سکتا ہے۔ اگر ایک شخص مقبول ہے اور لوگ جوق در جوق اس کے پیچھے آرہے ہیں تو اس کے پاس پہلے ہی بڑی قوت موجود ہے۔ وہ اپنے حمایتیوں کی طاقت استعمال کرتے ہوءے اپنے اہداف پا سکتا ہے۔

ہم، جنوبی ایشیا سے تعلق رکھنے والے لوگ، جذباتی واقع ہوءے ہیں۔ جس کے پیچھے چل پڑے سو چل پڑے۔ ذوالفقار علی بھٹو نے روٹی، کپڑا، اور مکان کا نعرہ لگایا تو پاکستان میں رہنے والے بہت سے لوگوں کو یہ نعرہ اچھا لگا اور وہ بھٹو کے پیچھے دیوانہ وار چلنا شروع ہو گءے۔ مگر بھٹو اس عوامی حمایت کا فاءدہ اٹھانے میں ناکام رہے۔ اسی طرح سنہ پچاسی میں کراچی کے بہت سے لوگ الطاف حسین کے پیچھے چل پڑے۔ اس وقت الطاف حسین کے حمایتی، جذبات میں اس قدر بہے جا رہے تھے کہ اگر الطاف حسین انگلی کے اشارے سے ایک خالی میدان کی طرف اشارہ کرتے کہ، 'کل یہاں ایک بہترین اسکول ہونا چاہیے جہاں مفت تعلیم دی جاءے' تو اس بات کا امکان تھا کہ ان کے چاہنے والے راتوں رات اس جگہ ایک اسکول کھڑا کر دیتے۔ مگر افسوس کہ الطاف حسین نے بھی عوامی حمایت کا مثبت فاءدہ نہ اٹھایا اور اس راہ پہ چل دیے جہاں قاءد کو درخت کے پتوں پہ اپنی شبیہ نظر آنا شروع ہوجاتی ہے۔ آج کے پاکستان میں لوگ مایوسی کا شکار ہیں۔ جہموری نظام ان کے لیے وہ نسخہ کیمیا نہیں بن سکا ہے جس کی کہ انہیں امید تھی۔ نہ صرف یہ کہ آج بہت سے پڑھے لکھے لوگ عمران خان کی طرف امید کی نظر سے دیکھ رہے ہیں بلکہ بہت سے جذباتی نوجوان عمران خان کے پیچھے دیوانہ وار چل پڑے ہیں۔ یہ وقت ہے عوامی حمایت کو صحیح طور پہ استعمال کرنے کا۔ یہ وقت ہے سوچنے کا کہ اصل اہداف کیا ہیں اور عوامی حمایت استعمال کرتے ہوءے ان اہداف تک جلد از جلد کیسے پہنچا جا سکتا ہے۔ کیا ہی اچھا ہو کہ عمران خان اپنے حمایتیوں سے کہہ دیں کہ وہ گلیوں اور محلوں کی سطح پہ منظم ہو جاءیں، کہ تحریک انصاف کے کارکن اپنے اپنے محلے کو جرم سے پاک کر دیں، کہ جہاں عمران خان کے ماننے والے لوگ موجود ہیں وہاں لوگ صفاءی ستھراءی سے رہیں گے اور اس محلے میں جگہ جگہ کچرا نظر نہ آءے گا، کہ جہاں تحریک انصاف کا زور ہے وہاں عورتوں پہ کسی قسم کا ظلم نہ ہوگا، وہاں ہر بچہ تعلیم حاصل کرے گا، وہاں مذہب کے نام پہ فتنہ نہ پھیلایا جاءے گا اور ہر شخص کو آزادی ہوگی کہ وہ اپنے مذہب و مسلک پہ بلاخوف چل سکے، کہ تحریک انصاف کے اثر والے محلے میں لوگ اس بات کی یقین دہانی کریں گے کہ کوءی شخص بھوکا نہ سوءے گا۔ کاش کہ عمران خان اپنی سیاسی جماعت کو واقعی ایسی تحریک انصاف بنا دیں جو اس سطح پہ بنیادی انصاف لے کر آءے جو عام لوگوں پہ سب سے زیادہ اثر انداز ہوتی ہے اور جس کا تعلق حکام اعلی کے کرتوت سے محض واجبی ہے۔

میموگیٹ کا جھوٹا طوفان

2011-11-27T23:06:00.000-08:00

نومبر بیس، دو ہزار گیارہ

مولا تیرا شکر ہے

ایک زمانہ تھا کہ مجھے ماں کا دن، باپ کا دن، شکریے کا دن، وغیرہ کے مختص کرنے کا معاملہ سمجھ میں نہ آتا تھا۔ ماں کا احسان، باپ کا احسان تو ہر روز ماننا چاہیے، اور اسی طرح ہر لمحے اور ہر حال میں مولا کا شکرادا کرنا چاہیے تو پھر ان معاملات میں دنوں کے اختصاص کی کیا ضرورت ہے؟ میں اپنے آپ سے سوال کرتا تھا۔ مگر وقت گزرنے کے ساتھ مجھے یہ بات سمجھ میں آءی کہ اس اختصاص کی یقینا اہمیت ہے۔ ٹھیک ہے کہ ہر وقت اپنے اوپر برسنے والی نعمتوں کو یاد کرنا چاہیے مگر اس کے ساتھ اگر سال میں شکرانے کا ایک دن مختص کیا جاءے تو اس میں کوءی حرج نہیں ہے کہ شاید کچھ لوگ ایسے ہوں جنہیں ہر حال میں شکر کرنے کا موقع نہ ملتا ہو۔ ایسے ناشکرے اس مخصوص دن ہی سب کے ساتھ اپنے رب کے شکرگزار ہو جاءیں۔ سنہ ۲۰۰۴ کے تھینکس گونگ دن کے موقع پہ لکھا جانے والا ایک خیال حاضر خدمت ہے۔ ہزار برکتیں، لکھوکھا احسانات۔ زندگی کی دوڑ میں بہت آسان ہے کئی واضح باتیں بھلا دینا۔ یہ بھول جانا کہ ہم بہت خوش قسمت ہیں، کہ ہم پہ ہزارہا برکتوں کی بارش مستقل ہو رہی ہے، کہ نہ جانے کتنے لوگ ہیں جن کے احسانات کا سہارا لیے ہم آج اس مقام پہ پہنچے ہیں۔ بہت آسان ہے یہ ساری باتیں بھلا دینا اور پھر قسمت سے گلہ کرنا کہ ہمیں وہ کچھ نہیں ملا جو ہم نے چاہا تھا۔ بہت آسان ہے شکایت کرنا اور ان ساری چیزوں کی خواہش کرنا جو ہماری دسترس سے بہت دور ہیں۔

میں مستقل برکتوں کی بارش میں جیتا ہوں۔ میں نے مستقل لوگوں سے ان کے احسانات کی بھیک مانگی ہے۔ اور نہ جانے کتنے ایسے ہیں جو میرے بھیک مانگنے سے پہلے مجھے اپنی محبت سے نوازتے ہیں۔ میں اچھی طرح سمجھتا ہوں کہ برکتوں کا ساون گزر گیا اور لوگوں نے مجھے اپنی مہربانی کی بھیک ڈالنا بند کر دی تو میں کہیں کا نہ رہوں گا۔ میں ڈرتا ہوں ایسی خشک سالیء الفت کے موسم سے۔

ایک پراسرار خط۔

آج کل ایک پراسرار خط پاکستانی میڈیا کی زینت بنا ہوا ہے اور اس پراسرار خط سے زبردستی اٹھاءے جانے والے سیاسی طوفان کو میموگیٹ کا نام دیا جا رہا ہے۔ اس خط پہ کوءی تاریخ درج نہیں ہے مگر عبارت سے واضح ہے کہ یہ خط اسامہ بن لادن کی ایبٹ آباد میں ہلاکت کے تین چار دن کے اندر لکھا گیا تھا، گویا مءی چار یا اس کے آس پاس۔ اس پراسرار خط پہ کسی کے دستخط بھی موجود نہیں ہیں مگر یہ واضح ہے کہ یہ خط اس وقت کے امریکی جواءنٹ چیف آف اسٹاف جنرل ماءک ملن کے نام ہے۔ اس خط میں ماءک ملن سے درخواست کی گءی ہے کہ وہ جنرل کیانی کو تنبیہ کریں کہ وہ سویلین حکومت کو دھمکیاں نہ دیں۔ اس کے ساتھ ملن کو تجویز پیش کی گءی ہے کہ وہ پاکستانی فوج پہ دباءو ڈالیں اور نیشنل سیکیورٹی کونسل میں تبدیلیاں لاءی جاءیں اور اس میں ایسے لوگ شامل کیے جاءیں جو امریکی مفادات کا تحفظ کر سکیں۔ اس پراسرار خط کو پاکستانی فوج کےخلاف ایک بغاوت کے طور پہ پیش کیا جارہا ہے اور جب سے یہ خط منظر عام پہ آیا ہے پاکستان کا مادر پدر آزاد میڈیا صبح و شام اس خط کا تجزیہ کر رہا ہے اور مختلف حکومتی عہدیداروں کو ہٹانے کے مطالبات کر رہا ہے۔ اس خط کو عام کرنے والے شخص کا نام منصور اعجاز ہے جو پاکستانی نژاد امریکی ہے۔ آپ خود اس خط کو پڑھیے اور پھر اپنا سر دھنیے کہ نہ جانے اس حماقت بھرے خط کو اتنی اہمیت کیوں دی جارہی ہے؟ یہ خط یقینا ایک ایسے شخص نے لکھا ہے جو اچھا لکھنے کے فن سے نابلد ہے۔ پھر اس خط کے متن میں جو تجویزات ہیں ان کو پڑھ کر ہنسی آتی ہے۔ وہ کون احمق ہے جس کا خیال ہے کہ ماءک ملن اگر جنرل کیانی کو سختی سے تنبیہ کریں گے تو کیانی ان کے سامنے بھیگی بلی بن کر ان کی ہر بات ماننے کو تیار ہو جاءیں گے؟ کوءی اور ملک ہوتا تو اس قسم کے فراڈ خط کو ذرا اہمیت نہ دی جاتی اور ایسے خط کو میڈیا میں پیش کرنے والے شخص کو نوسر باز اور سستی شہرت کا طالب ہی سمجھا جاتا مگر پاکستانی میڈیا میں بہت سے لوگ ہیں جن کو آصف علی زرداری ایک آنکھ نہیں بھاتے۔ یہ لوگ زرداری اور ان کے ساتھیوں کو بدنام کرنے کا کوءی موقع ہاتھ سے جانے نہیں دیتے۔ اس خط کی شکل میں ان لوگوں کو ایک نیا شوشہ میسر آیا ہے چنانچہ صبح و شام اس حماقت بھرے خط کو ٹی وی پہ آنے والے مختلف اینکر اچھال رہے ہیں۔ اتنا کافی تھا کہ ماءک ملن سے پوچھا جاتا کہ آیا تمھیں یہ خط حسین حقانی نے بھیجا تھا؛ وہ جواب دیتے کہ نہیں تو بس بات ادھر ہی ختم کر دی جاتی۔ کہ منصور اعجاز نامی بہت سے لوگ ہیں جو اپنے روپے پیسے کی وجہ سے اہم لوگوں کے قریب آ سکتے ہیں اور پھر کسی کے نام سے بھی ایک خط لکھ کر کسی اہم عہدیدار تک پہنچا سکتے ہیں۔ صبح و شام میموگیٹ کا راگ الاپنے والے یہ نام نہاد صحافی اپنی صحافیانہ ذمہ داری پوری کرنے کے لیے تیار نہیں کہ اگر وہ منصور اعجاز کو غیراہم اور چال باز سمجھ کر نظرانداز نہیں کر سکتے تو کم از کم اس شخص سے تیڑھے ترچھے سوالات ہی کریں۔ اس سے پوچھیں کہ اگر تم حسین حقانی کے اتنے قریبی ساتھی تھے کہ حقانی نے ماءک ملن تک یہ خط پہنچانے کے لیے تمھیں استعمال کیا تھا تو آج تم اس خط کو میڈیا میں اچھال کر اپنے 'حلیفوں' کو کیوں بدنام کر رہے ہو؟ اس کے ساتھ اس شخص سے ہر بات کا دستاویزی ثبوت مانگا جاءے کہ تمھیں پاکستانی سفارت خانے کے کن لوگوں سے کس طرح کی تحریری ہدایات ملی تھیں۔ اسی قسم کے بے باک سوالات سے ذرا سی دیر میں معاملے کی تہہ تک پہنچا جا سکتا ہے مگر اتنی تکلیف برداشت کرنے کے لیے یہ صحافی تیار نہیں ہیں۔

عمران خان کا تاریخی جلسہ

2011-11-27T23:03:00.000-08:00

نومبر تیرہ، دو ہزار گیارہ

عمران خان نے تیس اکتوبر کے روز لاہور میں مینار پاکستان کے مقام پہ ایک کامیاب جلسے سے خطاب کیا۔ تخمینہ لگایا جاتا ہے کہ اس جلسے میں ایک لاکھ سے اوپر لوگ شریک ہوءے۔ اس جلسے کے بعد پاکستانی ذراءع ابلاغ میں ایک زور دار شور مچا۔ یوں تو ایک عرصے سے عمران خان پاکستانی میڈیا کے چہیتے رہے ہیں مگر ان کے حالیہ جلسے نے تو انہیں پاکستانی میڈیا کی آنکھوں میں اوتار کا درجہ دے دیا۔ پاکستان کے مختلف ٹی وی چینل پہ نظر آنے والے مبصرین کو سنیں تو یوں معلوم ہوتا ہے کہ جیسےعمران خان نے لاہور میں کامیاب جلسہ کر کے اگلے انتخابات جیت لیے ہیں اور وہ پاکستان کے وزیر اعظم منتخب ہو چکے ہیں۔ اکتوبر تیس کے جلسے میں اتنی بڑی تعداد میں لوگ کیوں شریک ہوءے، اس بارے میں وثوق سے نہیں کہا جاسکتا۔ لوگ نہ جانے تجسس میں وہاں پہنچے، یا تفریح کے اور مواقع نہ میسر ہونے کی وجہ ان کی جلسے میں شمولیت کا سبب بنی، یا پھر وہ عمران خان کو ایک نظر دیکھنے کے لیے وہاں پہنچے، یا وہ واقعی تحریک انصاف نامی سیاسی جماعت کو دل و جان سے چاہتے ہیں اور اگلے انتخابات میں عمران خان کی تحریک انصاف کو جیتتا دیکھنا چاہتے ہیں، اس بارے میں یقین سے کچھ نہیں کہا جا سکتا۔ میں اور لوگوں کے بارے میں جانوں یا نہ جانوں، اپنے بارے میں اچھی طرح جانتا ہوں۔ میں اگر اگلے انتخابات میں تحریک انصاف کے کسی امیدوار کو ووٹ دوں گا تو اس لیے نہیں کہ مجھے عمران خان کے سیاسی نظریات سے مکمل اتفاق ہے بلکہ میں ایسا اس لیے کروں گا کیونکہ دوسری جماعتوں کے قاءدین کے مقابلے میں عمران خان کا دامن صاف نظر آتا ہے۔

مگر آج کے اس کالم کا مقصد عمران خان کی اندھی مدح سراءی نہیں ہے بلکہ اس کا مقصد عمران خان کو تنقیدی نظر سے دیکھنا ہے۔ عمران خان پہ سب سے بڑی تنقید یہ ہے کہ وہ مطلق العنان ہیں اور کسی قسم کی مشاورت میں یقین نہیں رکھتے۔ کہا جاتا ہے کہ وہ ان لوگوں میں ہیں جن کا اپنے بارے میں خیال ہے کہ، مستند ہے میرا فرمایا ہوا۔ اور اسی لیے ان کی تحریک انصاف میں صرف وہی کارکن کام کر سکتے ہیں جو عمران خان کو اپنا خدا مانیں اور ان کے ہر حکم کے آگے سرتسلیم خم کریں۔ وہ لوگ جو عمران خان کے سحر میں گرفتار ہوں اور ان کی موجودگی میں اس قدر ڈرے، سہمے اور سحر زدہ ہوں کہ منہ کھولنے کی جسارت نہ کریں۔ جب تک آپ عمران خان کی ہر بات پہ آمنا و صدقنا عمل کرتے رہیں آپ تحریک انصاف میں کامیابی سے چلتے رہیں گے۔ اگر آپ نے عمران خان سے اختلاف کیا تو تحریک انصاف میں آپ کے لیے کوءی انصاف نہیں ہے۔

تحریک انصاف بننے کے بعد اس میں کءی مقتدر سیاسی شخصیات نےشمولیت اختیار کی مگر کچھ ہی عرصے میں یہ لوگ عمران خان سے اختلافات کی وجہ سے تحریک انصاف سے مستعفی ہو گءے ۔ ان ممتاز سیاسی راہ نماءوں میں جو تحریک انصاف میں شامل ہوءے اور پھر عمران خان سے اختلاف کی بنا پہ تحریک سے علیحدہ ہوءے، معراج محد خان کا نام بہت بلند ہے۔

بات سمجھنے کی یہ ہے کہ گیارہ نوجوانوں کی ایک ٹیم کو تو مطلق العنانی سے چلایا جا سکتا ہے؛ ایک خیراتی اسپتال کے بورڈ کے کرتا دھرتا بن کر اس اسپتال کے انتظام کو چلانا بھی اتنا مشکل نہیں ہے؛ مگر اٹھارہ کروڑ لوگوں کے ایک ملک کو چلانے کے لیے بہت سے صاحب الراءے افراد کو ساتھ لے کر چلنا ہوتا ہے۔ کسی ملک کی سربراہی کے کام میں اکڑفوں کو ایک طرف رکھ مشاورت کی راہ اپنانی ہوتی ہے۔ جو لوگ جمہوری عمل سے اقتدار میں آءیں، جمہور ان سے توقع کرتی ہے کہ وہ من مانی نہیں کریں گے بلکہ عوام کی مرضی سے قدم آگے بڑھاءیں گے۔

سامان سو برس کا ہے

2011-11-11T21:50:00.000-08:00

وال اسٹریٹ پہ قبضہ نامی تحریک نیو یارک سے شروع ہوءی، امریکہ کے مختلف شہروں میں پہنچی اور اب مغربی دنیا کے بیشتر شہروں میں پھیل چکی ہے۔ یہاں کیلی فورنیا میں اور دوسرے شہروں کے مقابلے میں اوک لینڈ پہ قبضہ والی مہم اوک لینڈ پولیس کی زیادتیوں کی وجہ سے عالمی سطح پہ مشہور ہو گءی ہے۔ ان قبضہ تحریکوں کے ناقدین کا اعتراض ہے کہ قبضہ تحریک چلانے والوں کے سامنے کوءی واضح سمت نہیں ہے۔ کہ یہ واضح نہیں ہے کہ یہ لوگ اپنی اس تحریک کے ذریعے حکومت سے کیا منوانا چاہتے ہیں۔ بڑا میڈیا جو بڑے کاروبار کا حصہ ہے اور اس مالی سانجھے میں شامل ہے جس کے خلاف یہ قبضہ تحریک ہے، پوری کوشش کرتا نظر آرہا ہے کہ قبضہ تحریک کے متعلق شک و شبہات عام لوگوں کے ذہنوں میں رہیں۔ عوام کو قبضہ تحریک کے بارے میں معلومات حاصل نہ ہوں اور اگر کچھ معلوم ہو بھی تو صرف منفی خبروں کے حوالے سے۔ کوشش ہے کہ قبضہ تحریک کو یہ کہہ کر بدنام کیا جاءے کہ اس تحریک میں شامل لوگ جراءم پیشہ ہیں اور محض لوٹ مار اور توڑ پھوڑ کرنا چاہتے ہیں۔ اس صورت میں قبضہ تحریک میں شامل لوگوں پہ فرض ہے کہ وہ انٹرنیٹ کے ذریعے اپنی تحریک کے اغراض و مقاصد عام لوگوں تک پہنچاءیں۔ اس سلسلے میں یقینا کام ہو رہا ہے مگر تحریک چلانے والے ان لوگوں کے پاس ٹی وی کی طاقت نہیں ہے کہ اپنی آواز ذرا سی دیر میں امریکہ کے گھر گھر پہنچا دیں، اس لیے موثر خبررسانی کی ضرورت بہت زیادہ ہے۔

قبضہ تحریک دراصل غم و غصے کی تحریک ہے۔ اس وقت امریکہ کے نوجوانوں میں بے روزگاری کی جو شرح ہے ایسی روزگاری تاریخ میں کبھی نہ رہی۔ لوگوں کو غصہ اس بات پہ ہے کہ امریکہ کی جمہوریت پہ بڑے کاروبار نے قبضہ کر کے اسے ایک مذاق بنا دیا ہے۔ یہ جمہوریت ایک فراڈ بن گءی ہے جس میں کوءی کم پیسے والا شخص انتخابات جیت ہی نہیں سکتا۔ انتخابات جیتنے کے لیے بڑے کاروبار کے مالی تعاون کی ضرورت پڑتی ہے۔ اور بڑا کاروبار انتخابی چندہ ان امیدواروں کو دیتا ہے جو منتخب ہونے کے بعد بڑے کاروبار کا ساتھ دیں اور بڑے بیوپاری مالدار سے مالدار ہوتے جاءیں۔ چنانچہ ستم ظریفی یہ ہے کہ جن کاروباروں کی وجہ سے ملک کی معیشت کسادبازاری کا شکار ہوءی ہے،آج ان ہی بیوپار کو حکومت مالی مدد فراہم کر رہی ہے۔ جب کہ غریب آدمی اس وقت کے انتظار میں ہے جب حکومت کی جانب سے خرچ کیا جانے والا یہ پیسہ رستا رستا نیچے اس تک پہنچے گا۔

اگر موجودہ سرمایہ داری نظام کی تہہ تک جاءیے تو پورا نظام لالچ کے جذبے پہ چل رہا ہے۔ لالچ کے کوڑے سے لوگ بگٹٹ بھاگتے ہیں اور اپنی بنیادی ضروریات پوری ہونے کے بعد بھی دولت کے انبار لگاتے جاتے ہیں۔ پھر کچھ لوگ ایسے بھی ہوتے ہیں کہ اتنا کچھ مال جمع کر لیتے ہیں کہ ان کی اگلی دس پشتیں بھی بیٹھ کر کھاءیں تو ان کا خزانہ کم نہ ہو۔ لوگوں کی ہوس دیکھ کر ہنسی آتی ہے کہ وہ زندگی کی بے ماءیگی کو نہیں پہچانتے۔ سامان سو برس کا ہے، پل کی خبر نہیں۔ اسٹیو جابز ارب پتی شخص تھا مگر ایک دن وہ بھی مر گیا۔

مغربی دنیا میں جو ٹیکس کا نظام راءج ہے اس میں ٹیکس آمدنی پہ لگتا ہے، جمع پونجی پہ نہیں۔ اور یہی وجہ ہے کہ جو لوگ کسی طرح اپنا خزانہ وسیع کرتے جاتے ہیں انہیں فکر نہیں ہوتی کہ ان کے جمع شدہ خزانے کا ذرا سا حصہ بھی حکومت کی طرف جاءے گا۔ لوگ اپنی جمع پونجی کو اپنا تحفظ خیال کرتے ہیں اور لالچ کے جذبے کے تحت اس نام نہاد تحفظ کو پختہ سے پختہ کرتے جاتے ہیں۔ ضرورت اس بات کی ہے کہ اس ٹیکس کے انتظام میں بنیادی تبدیلی لاءی جاءے اور ٹیکس آمدنی کے بجاءے یا آمدنی کے ساتھ جمع پونجی پہ لگایا جاءے۔ واضح رہے کہ اسلام میں ٹیکس کا نظام ان ہی خطوط پہ کام کرتا ہے۔ جمع پونجی پہ ٹیکس لگانے سے لالچ کے اس جذبے پہ جس میں انسان دولت کے انبار لگاتا چلا جاتا ہے ضرب لگے گی۔ اس وقت امریکی عوام ذہنی طور پہ نظام میں بنیادی تبدیلیوں کے لیے تیار ہیں۔ قبضہ تحریک کے مطالبات میں دھن پہ ٹیکس کا مطالبہ برمحل بھی ہوگا اور موجودہ حالات میں اس مطالبے کی کامیابی کے امکانات بھی روشن نظر آتے ہیں۔

پاکستان کے غیر ملکی مسیحا

2011-11-11T21:44:00.000-08:00

سان فرانسسکو بے ایریا میں بسنے والے بیشتر پاکستانی نہ صرف یہ کہ اصحاب ثروت ہیں بلکہ دل میں انسانیت کا درد بھی رکھتے ہیں۔ بہت مختف وجوہات کی وجہ سے اس سال پاکستان میں آنے والے سیلاب کی تباہ کاریاں ٹی وی، اخبارات، اور انٹرنیٹ کی زینت اس طرح نہ بنیں جس طرح پچھلے سال کے سیلاب کی خبریں بنیں تھیں۔ مگر میڈیا میں اس خبر کی شدت میں کمی کے باوجود سیلاب سے وابستہ پریشانیوں کی شدت متاثرین میں بھرپور طریقے سےموجود ہے۔ بڑھتے پانی کے ریلے سے لاکھوں لوگ بے گھر ہو گءے ہیں۔ سیلاب سے بے گھر متاثرین کسمپرسی کی زندگی گزار رہے ہیں اور مختلف بیماریوں کا شکار ہیں۔ پریشانی کی اس حالت میں یہ لوگ سوالیہ نظروں سے باقی پاکستانیوں کی طرف دیکھ رہے ہیں۔ سان فرانسسکو بے ایریا کے پاکستانیوں نے ان سوالیہ نظروں کی چبھن محسوس کی ہے۔ وہ اچھی طرح سمجھتے ہیں کہ یہ محض ایک اتفاق ہی تو ہے کہ وہ ایسی کسی قدرتی آفت سے بچے ہوءے ہیں ورنہ مصیبت آنے میں کتنی دیر لگتی ہے۔ یہ محض اتفاق ہی تو ہے کہ وہ ایک نسبتا پرسکون زندگی گزار رہے ہیں ورنہ زندگی کی بازی پلٹنے میں کتنی دیر لگتی ہے۔ سیلاب سے متاثر اپنے ہم وطنوں کی مدد کے لیے کءی بااثر افراد اور فلاحی ادارے اکھٹا ہوءے اور سیلاب زدگان کے لیے چندہ اکھٹا کیا گیا۔ پھر ایک ایسی تقریب کا اہتمام کیا گیا جس میں چندہ دینے والے بیشتر لوگ شریک ہوءے۔ واضح رہے کہ ساءتھ ایشیا ریلیف کے جھنڈے تلے چلنے والی اس مہم میں چندہ کسی ایک فلاحی تنظیم کو نہیں دیا گیا تھا بلکہ چندے کے لیے فلاحی اداروں کی ایک فہرست متمول افراد کو فراہم کر دی گءی تھی کہ وہ جس تنظیم کو چاہیں چندہ دیں۔ سنیچر، اکتوبر ۲۹ کو کمپیوٹر ہسٹری میوزیم میں جو تقریب منعقد کی گءی اس کا مقصد لوگوں کو ایک بار پھر سیلاب کی آفات سے مطلع کرنا تھا۔ اس تقریب کی نظامت عمر خان نے کی۔ اس محفل میں شاءن ہیومینٹی نامی ایک فلاحی تنظیم کے روح رواں ٹاڈ شے مہمان اعزاز تھے۔ تقریب میں جب ٹاڈ شے کا تعارف یہ کہہ کر کرایا گیا کہ اب ٹاڈ کی انتہاءی دلچسپ داستان سنیے تو ایک لمحے کو میرا دل ڈوب گیا۔ میرا دھیان فورا گریگ مورٹینسن کی طرف گیا۔ ان کا تعارف بھی قریبا ایسے ہی الفاظ سے کیا جاتا تھا کہ، آءیے اب گریگ مورٹینسن سے ان کی انتہاءی حیرت انگیز اور قابل ستاءش کہانی سنیے۔ سنیچر کی تقریب میں ٹاڈ شے ماءکروفون تک پہنچے تو دل میں خیال آیا کہ دلچسپ داستانیں تو ہم سنتے ہی آءے ہیں، کاش یہ ساری کہانیاں سچی ہوتیں۔ ٹاڈ شے نے تصویروں کے ذریعے حاضرین کو اپنے فلاحی کاموں کے بارے میں بتایا اور خوب داد وصول کی۔ مگر مجھے ان کی اس دیانت نے متاثر کیا جس کا اظہار انہوں نے اپنی تقریر کے آخر میں کیا۔ انہوں نے کہا کہ، "میں بہت سے ایسے پاکستانیوں سے ملا ہوں جو پچھلے تیس چالیس سال سے اپنے ہم وطنوں کی خدمت کر رہے ہیں مگر ان کے کام کا چرچا نہیں ہوتا، نیویارک ٹاءمز ان کے کارناموں کی خبر نہیں لگاتا اور نہ ہی وہ عاطف اسلم کے دوست ہیں، اور اس کی وجہ یہ ہے کہ وہ گورے نہیں ہیں اور ان کا تعلق امریکہ سے نہیں ہے۔ مگر ان کا کام اہم ہے اور انہوں نے میرے مقابلے میں کروڑ گنا زیادہ کام کیا ہے۔ اس لیے میں آپ سے درخواست کروں گا کہ آپ ان لوگوں کو بھی سراہیں اور ان کی مدد کریں۔"

ٹاڈ شے کے یہ مشاہدات برمحل ہیں۔ یقینا ایسا ہی ہے۔ امریکہ میں بسنے والے بہت سے پاکستانی یقینا پاکستان کے غیرملکی مسیحاءوں کو ملکی مسیحاءوں پہ ترجیح دیتے ہیں۔ جب گریگ مورٹینسن کا جادو چڑھ کر بول رہا تھا تو پاکستانیوں کا ایک بڑا گروہ مورٹینسن کو اپنا پیر سمجھتا تھا اور مستقل ان کے آگے پیچھے لگا رہتا تھا۔ مورٹینسن کے بہت سے معتقدین ایسے تھے جن سے پوچھا گیا کہ تم نے مورٹینسن کے بناءے ہوءے کتنے اسکولوں کا دورہ کیا ہے۔ اس سوال کا جواب تھا، صفر۔ مگر اس کے باوجود مورٹینسن ایک سفید فام امریکی تھا اس لیے ان لوگوں کی نظروں میں واقعی سچا تھا۔ جھوٹ تو یہ کالے پیلے لوگ بولتے ہیں۔ یہاں یہ بات بالکل واضح ہونی چاہیے کہ فلاحی کام کسی رنگ و نسل کا مرد یا زن کرے اس میں کسی قسم کا حرج نہیں ہے اور ہمارے دل میں ہر طرح کے اچھے لوگوں کے لیے مساوی عزت ہونی چاہیے۔ مگر لوگوں کے رنگ و نسل سے متاثر ہو کر سوال کرنے کی طاقت کھو دینا مناسب نہیں ہے۔ اس کالم کے قاری جب کسی فلاحی تنظیم کو چندہ دینا چاہیں تو چندے کا چیک کاٹنے سے پہلے فلاحی تنظیم کے متعلق یہ بنیادی سوال کریں۔ کیا یہ فلاحی تنظیم اس جگہ اتنی ہی مقبول ہے جتنی مقبول یہ چندہ جمع کرنے والوں کے درمیان ہے؟ مثلا، گریگ مورٹینسن کی شہرت پاکستان کے مقابلے میں امریکہ میں کہیں زیادہ تھی اور پاکستان میں ڈھونڈے سے ایسے لوگ نہ ملتے تھے جو مورٹینسن کے فلاحی کاموں کی وجہ سے انہیں جانتے ہوں۔ کیا مقامی میڈیا (مغربی میڈیا نہیں) نے اس فلاحی تنظیم کا ذکر کسی خبر یا اخباری رپورٹ میں کیا ہے یا یہ فلاحی تنظیم خود ہی اپنے 'کارناموں' کی تصویریں کھینچتی ہے اور پھر جگہ جگہ جا کر ان تصویروں کو دکھا کر چندہ اکٹھا کرتی ہے؟ وہ لوگ کہاں ہیں جنہیں اس تنظیم کے فلاحی کاموں سے براہ راست فاءدہ پہنچا ہے اور ان لوگوں کی اس تنظیم کے بارے میں کیا راءے ہے؟

حب الوطنی کیا ہے؟

2011-11-11T21:41:00.000-08:00

حب الوطنی کیا ہے؟ اس سوال سے متعلق موجود گنجلک سوچیں ایک دفعہ پھر ایک گفتگو میں سامنے آءیں۔ ایک صاحب کا کہنا تھا کہ ایک ملک کے اندر موجود تمام لوگوں کو بیک وقت خوش نہیں کیا جا سکتا مگر حب الوطنی کا تقاضہ ہوتا ہے کہ اکثریت جس طرح ملک کو چلانا چاہ رہی ہے اس طرح ملک کو چلانے دیا جاءے اور اقلیت سے تعلق رکھنے والے معترضین خاموشی سے ایک طرف بیٹھیں۔ سوال یہ پیدا ہوتا ہے کہ آخر حب الوطنی کیا شے ہے اور اس خیال سے وابستہ وفاداری اور طرح کی وفاداریوں سے کیوں بلند تر ہے۔ میں اپنی حب الوطنی کا تعلق اپنے لوگوں کے ساتھ جوڑتا ہوں۔ میں کراچی میں پیدا ہوا اور وہاں پلا بڑھا۔ مجھے وہ شہر بہت پسند ہے۔ مگر اس شہر سے محبت میں میری اصل انسیت وہاں کے لوگوں کے ساتھ ہے۔ اگر اس جگہ سے آپ سارے لوگوں کو نکال کر محض عمارتیں اور سڑکیں میرے سامنے کر دیں تو میں اس شہر سے تعلق نہ جوڑ پاءوں گا۔ حب الوطنی کی اس تعریف میں اصل وفاداری لوگوں کے ساتھ ہے نہ کہ وطن جیسے پیچیدہ نظریے کے خیال کے ساتھ۔ لوگ ہیں تو وطن ہے ورنہ پانی، مٹی، دریا، پہاڑ، وغیرہ تو ہر جگہ قریبا ایک جیسے ہی ہیں۔ اگر حب الوطنی کی اس تعریف کو اصل مانا جاءے تو سب لوگوں کو ساتھ لے کر چلنے کی اہمیت بڑھ جاتی ہے۔ پھر یہ خیال دل میں نہیں آتا کہ 'حب الوطنی' کے جذبے کے تحت اکثریت اقلیت کو دبا لے۔ ہمارے پڑوسی ملک بھارت کو دیکھیں۔ دارالحکومت دہلی کے قریب رہنے والے ایک شخص کے لیے یہ کہنا بہت آسان ہوگا کہ بھارت سے 'حب الوطنی' میں یہ جاءز ہے کہ کشمیریوں کی کوءی بات نہ سنی جاءے، یا ماءوسٹ تحریکوں کو کچل کر رکھ دیا جاءے، لیکن ایسی بات حب الوطنی کی صحیح تعریف کے تحت لغو ہوگی کیونکہ لوگوں کے کسی بھی گروہ کو کچل کر 'وطن' سے محبت ظاہر نہیں کی جا سکتی۔ اور یہ وہ مقام ہے جہاں پہنچ کر پرانے دنیا کے کءی جمہوری ملک پھنس جاتے ہیں۔ وہ نہیں جانتے کہ جمہوریت کے تحت ان لوگوں سے کس طرح معاملہ کریں جو ایک ملک میں باقی لوگوں کے ساتھ رہنا ہی نہیں چاہتے۔ یہاں حب الوطنی کا پتہ کھیلا جاتا ہے۔ اکثریت پہ باور کیا جاتا ہے کہ جو لوگ آزادی کا مطالبہ کر رہے ہیں، جو لوگ اپنے خطے کو ملک سے الگ دیکھنا چاہتے ہیں، وہ دراصل محب الوطن نہیں ہیں، چنانچہ حب الوطنی کا تقاضہ یہی ہے کہ ملک توڑنے کی خواہش رکھنے والے ان لوگوں کو سختی سے کچل دیا جاءے۔ حب الوطنی کا ترپ کا یہ پتہ بالکل بے محل ہے۔ اصل حب الوطنی یہ ہے کہ لوگوں کو ان کے حال پہ چھوڑ دیا جاءے۔ اگر لوگوں کا ایک گروہ کسی جغرافیاءی خطے کی آزادی چاہتا ہے تو ان کو آزاد کر دیا جاءے۔ پرانی دنیا کے بہت سے ممالک جو نوآبادیاتی تسلط سے آزاد ہوءے ہیں انہیں ایسے موقعوں پہ اپنی آزادی کی جدوجہد یاد کرنی چاہیے۔ انہیں یاد کرنا چاہیے کہ ان کے دل میں آزادی کی کیسی امنگ تھی، وہ کس طرح نوآبادیاتی طاقت کو اپنے سر سے ہٹانا چاہتے تھے۔ پھر ایک دن ان کی خواہش پوری ہوءی اور وہ آزاد ہو گءے۔ اب اگر ان کے درمیان ایسے گروہ ہیں جو کسی خطے میں اکثریت رکھتے ہیں اور اس خطے کی آزادی چاہتے ہیں تو کیا آزادی کی یہ خواہش آزادی کی اس خواہش سے مختلف ہے جو نوآبادیاتی نظام سے آزاد ہونے والے اس ملک کی قیادت کے دل میں تھی؟

گھر لوٹ جاءو

2011-11-11T21:38:00.000-08:00

بعض تقاریر چونکا دیتی ہیں۔ حال میں پرسیپینی، نیو جرسی میں منعقد ہونے والے این ای ڈی المناءی کنوینشن ۲۰۱۱ میں ایسی ہی ایک چونکا دینے والی تقریر اقوام متحدہ میں پاکستان کے سفیر عبداللہ حسین ہارون نے کی۔ مگر سفیر صاحب کی تقریر کے بیان سے پہلے کچھ حال این ای ڈی کنوینشن کا ہوجاءے۔ امریکہ کے مختلف شہروں میں این ای ڈی کنوینشن منعقد کرنے کا یہ سلسلہ قریبا چھ برس پہلے شروع ہوا۔ ایک تعلیمی ادارہ جو ایک چھوٹے سے کالج کی صورت میں ۱۹۲۰ میں شروع ہوا تھا، بڑھا، ایک جامعہ بنا اور پھر وہاں سے نکلنے والے لوگ رفتہ رفتہ پوری دنیا میں پھیل گءے۔ این ای ڈی سے فارغ التحصیل طلبا شمالی امریکہ کے مختلف شہروں میں بکھرے ہوءے ہیں۔ معین احمد نامی ایک صاحب نے خیال پیش کیا کہ امریکہ میں موجود این ای ڈی کے سابق طلبا ہر سال ایک کنوینشن کی شکل میں جمع ہوں۔ پہلا کنوینشن سنہ ۲۰۰۵ میں ہیوسٹن میں ہوا۔ اور اب ہر سال یہ کنوینشن کسی نءی جگہ منعقد ہوتا ہے ۔ وقت گزرنے کے ساتھ یہ کنوینشن بہتر سے بہتر ہوتے جا رہے ہیں۔ میرا خیال ہے کہ ان کونینشن میں شرکت کرنے والے زیادہ تر لوگ میری طرح ہیں جو گزرے وقت کو یاد کرنے کے لیے اکٹھا ہوتے ہیں۔ یہ کنوینشن ایک عجیب موقع ہوتا ہے۔ فضا میں ایک جادو ہوتا ہے۔ ہم سب ایک پرانے دور میں پہنچ جاتے ہیں۔ جب سوچیں سادہ تھیں، خواہشات بہت کم تھیں، اور امنگیں جوان تھیں۔ میں ان لوگوں کے درمیان ہوتا ہوں جن کی شکلیں میں صبح و شام دیکھا کرتا تھا۔ پھر وہی موسیقی فضا میں بلند ہوتی ہے جو میرے زمانہ طالب علمی میں گونجا کرتی تھی۔ غرض کہ ایک سحر کن ماحول بن جاتا ہے اور ہم سب اپنے حال کو بھول کر کچھ دیر کے لیے ماضی میں پہنچ جاتے ہیں۔ گو کہ پرسیپینی میں منعقد ہونے والا کنوینشن جمعے کی شام شروع ہوا اور اتوار کی صبح ختم ہوا مگر کنوینشن کا اصل دن سنیچر کا روز تھا۔ ہفتے کی صبح مختلف تقاریر ہوءیں جن میں نءے خیالات پیش کیے گءے اور اپنی شناخت کے حوالے سے اپنی ذمہ داریوں پہ بات ہوءی۔ صبح کے پروگرام کی نظامت راشد علی بیگ نے کی۔ پہلی تقریر سلمان صدیقی کی تھی جنہوں نے دنیا میں تواناءی کے بحران پہ روشنی ڈالی اور اپنی بات اس تجویز پہ ختم کی کہ کس طرح این ای ڈی کی چھت پہ فوٹو وولٹیک پینل لگا کر این ای ڈی کے لیے بجلی پیدا کی جاسکتی ہے اور اپنی مادر علمی کو تواناءی میں خود کفیل بنایا جا سکتا ہے۔ سلمان صدیقی کی تقریر کے بعد چار مبصرین--حسام احمد، خالد ملک، سلمان صدیقی، اور صفوان شاہ--نے نءے کاروبار شروع کرنے کے موضوع پہ اپنے خیالات پیش کیے۔ اس گفتگو کی راہ نماءی تنویر عالم ملک نے کی۔ جامعہ این ای ڈی کے ایک پرانے استاد ڈاکٹر سید فراست علی نے این ای ڈی المناءی کی ذمہ داریوں کے موضوع پہ تقریر کی۔ ڈاکٹر فراست علی کی تقریر کے بعد ایک اور گفتگو ہوءی جس کا موضوع 'سماجی اور سیاسی میدان میں این ای ڈی المناءی کا کردار' تھا۔ اس گفتگو کے شرکا اکبر انصاری، انور حسن، ابوالسلام اور خالد منصور تھے، جب کہ گفتگو کی پیشواءی امیرالسلام نے کی۔

شام کے پروگرام میں محمد علی شیھکی اور عالمگیر کے زوردار گانوں سے پہلے، ضیا محی الدین کی سحر کن ادب خوانی سے پہلے، اقوام متحدہ میں پاکستان کے سفیر عبداللہ حسین ہارون نے کلیدی تقریر کی جس نے بہت سے لوگوں کو بہت کچھ سوچنے پہ مجبور کر دیا۔ حسین ہارون نے اپنی تقریر میں کہا کہ یہ واضح ہے کہ امریکہ انحطاط کا شکار ہے۔ امریکہ کے اچھے دن واپس نہ آنے کے لیے جا چکے ہیں۔ اور یہ کوءی اچھنبے کی بات نہیں۔ کوءی بھی ملک، کوءی قوم ہمیشہ دنیا میں اول نہیں رہتی۔ قوموں کا عروج و زوال تاریخ کا سبق ہے۔ انہوں نے کہا یہ ایک ایسا وقت ہے کہ جب امریکہ سمیت پوری مغربی دنیا میں غیر یقینی کی کیفیت ہے۔ پاکستان کے حالات بھی کچھ اتنے اچھے نہیں ہیں۔ لیکن اگر غیریقینی ہرطرف ہے تو امریکہ میں بسنے والےپاکستانی کیوں نہ واپس پاکستان جانے کے بارے میں سوچیں؟ اگر مغرب میں رہنے والے پاکستانیوں کو اپنا پیسہ سرمایہ داری کے لیے کہیں نہ کہیں لگانا ہے تو کیوں نہ وہ یہ سرمایہ پاکستان میں کسی کام پہ لگاءیں؟ سفیر صاحب نے کہا کہ ماہرین معاشیات سے گفتگو میں انہوں نے یہ جانا ہے کہ آج کے ان غیر یقینی حالات میں اگر سرماءے پہ کہیں سب سے زیادہ فاءدہ مل سکتا ہے تو وہ ترقی پذیر دنیا ہے۔ مغرب میں رہنے والے پاکستانیوں کو چاہیے کہ وہ واپس اپنے وطن جاءیں اور وہاں رہ کر اپنا پیسہ وہاں لگاءیں۔ سفیر صاحب کی اس ولولہ انگیز تقریر کے دوران کءی موقعوں پہ حاضرین نے کھڑے ہو کر تالیاں بجاءیں اور انہیں خراج تحسین پیش کیا۔

زندگی کے اول مراحل میں انسان کے پاس تجربہ محدود ہوتا ہے مگر تواناءی بے انتہا ہوتی ہے۔ وقت گزرنے کے ساتھ ساتھ انسان کا علم اور تجربہ بڑھتے جاتے ہیں، مگر اس کے ساتھ اس کے اندر کچھ کرنے کے لیے تواناءی کم ہوتی جاتی ہے۔ اور پھر عمر کا وہ آخری دور آتا ہے جب علم اور تجربہ تو بہت زیادہ ہوتا ہے مگر عمل کے لیے تواناءی بہت کم ہوتی ہے۔ مغربی ممالک میں آ کر بس جانے والے ہمارے لوگ مستقل تذبذب کا شکار رہتے ہیں کہ آیا وہ اس نءی جگہ پہ رہتے رہیں یا اپنے پرانے وطن لوٹ جاءیں۔ وہ سارے لوگ جو اپنے لوگوں کے درمیان رہ کر، ان کے ساتھ مل کر کام کرنا چاہتے ہیں، وہ موقع تلاش کر رہے ہوتے ہیں جب ان کے تجربے اور تواناءی کے درمیان ایک طلاءی توازن قاءم ہو چلا ہوگا کہ اس موقع پہ اگروہ واپس پلٹ جاءیں اور اپنے لوگوں کے درمیان رہ کر کام کریں تو منہ کی مار نہ کھاءیں گے بلکہ پنپ جاءیں گے۔ علم اور تواناءی کے درمیان وہ سنہری توازن کہ اگر انہوں نے کچھ وقت تردد میں گزارا تو سوءی توازن کے کانٹے سے پرے ہوجاءے گی اور ان کے جسم میں اتنی تواناءی باقی نہ رہے گی کہ وہ اپنی زندگی میں کوءی بڑی تبدیلی لا سکیں۔ عبداللہ حسین ہارون نے اپنی تقریر سے ایسے ہی لوگوں کو للکارا ہے کہ انتظار کیسا، بس فیصلہ کرو اور گھر لوٹ جاءو۔

لیکن میرا دل

2011-11-11T21:30:00.000-08:00

نیو جرسی میں منعقد ہونے والے سالانہ این ای ڈی کنوینشن کے لیے لکھی جانے والی ایک تحریر۔

موسیقی طاقت رکھتی ہے۔ اتنی طاقت کہ یہ آپ کو گھسیٹ کر ماضی میں لے جا سکتی ہے۔ جس وقت میرا داخلہ جامعہ این ای ڈی میں ہوا اس وقت پاکستان کی موسیقی پہ نازیہ حسن کا راج تھا۔ اور آج بھی میں نازیہ حسن کا گیت 'لیکن میرا دل' سنوں تو مجھے لگتا ہے کہ میں انیس سال کا ایک لڑکا ہوں جو این ای ڈی کے آڈیٹوریم میں داخل ہوا ہے جہاں یہ گانا زور زور سے چل رہا ہے۔ اس آڈیٹوریم میں نءے آنے والے طلبا کے لیے اورینٹیشن پروگرام کی تیاری میں صفاءی ہو رہی ہے۔ باہر گرمی ہے چنانچہ آڈیٹوریم کا اے سی سسٹم بہت خوشگوار احساس دے رہا ہے۔ طبیعت میں جولانی ہے۔ یہ دن بے فکری اور موج کے دن ہیں۔ سب کچھ آسان معلوم دیتا ہے۔ امنگیں جوان ہیں اور دل مشکل سے مشکل منزل سر کرنے کے لیے تیار۔ زندگی خوب صورت ہے۔

این ای ڈی کے ان اولین دنوں میں جامعہ سے، اس سے متعلق اصطلاحات سے، اور لوگوں سے تعارف ہو رہا ہے۔ یونین کی اہمیت اور طاقت نظر میں بڑھتی جا رہی ہے۔ یونین کے لوگ ہر کام میں آگے آگے نظر آتے ہیں۔ این ای ڈی میں اس وقت راشد علی بیگ کی یونین ہے۔ راشد یونین کے صدر ہیں، ان کے جنرل سیکریٹیری امان اللہ حنیف ہیں۔ کچھ دنوں کے بعد یونین کے انتخابات ہوں گے جن میں نءے سال کے لیے عہدیداروں منتخب کیے جاءیں گے۔ سیاسی عزاءم رکھنے والے طلبا کے ساتھ اٹھنے بیٹھنے سے فارغ التحصیل ہو جانے والے طلبا راہ نماءوں کے ناموں سے بھی واقفیت ہو گءی ہے۔ ان ناموں میں فرحت عادل، محمد حسین، سردار حنیف، اور امیر نقوی وغیرہ شامل ہیں۔ محمد حسین سے تعارف ایک اخباری رپورٹ کے ذریعے ہوا تھا۔ این ای ڈی کے ایک طالب علم کو بلوچستان میں واقع اپنے گھر سے کوءی بری خبر ملی تھی؛ اسے فورا گھر جانا تھا مگر سواری کا کوءی انتظام نہیں تھا۔ محمد حسین نے واءس چانسلر کے کمرے سے این ای ڈی کی ایمبولینس کی چابی اٹھا کر اس لڑکے کو دے دی تھی۔ وہ لڑکا ایمبولینس پہ بلوچستان روانہ ہو گیا تھا۔ محمد حسین پہ چوری کا جو مقدمہ درج ہوا تھا نہ جانے اس مقدمے کا کیا بنا۔

یہ وہ وقت ہے کہ اچھا بولنے والے لوگ اچھے لگتے ہیں۔ کراچی کے اکثر تعلیمی اداروں میں مباحثے اور تقریری مقابلے ہوتے ہیں۔ ان مقابلوں میں ایک سے بڑھ کر ایک مقرر شریک ہوتے ہیں۔ یہ لوگ الفاظ کے جادوگر ہیں، بیان کے ساحر ہیں۔ این ای ڈی میں بھی اچھے مقررین کی کوءی کمی نہیں۔ فیاض الحسن فارغ التحصیل ہو رہے ہیں مگر آشکار داور، وصی صدیقی، زاہد قمر، صفوان شاہ، امیرالسلام،اور شاہد محمود موجود ہیں۔ این ای ڈی سے باہر اچھا بولنے والوں میں اسلامیہ لاء کالج کے ن م دانش ایک بہت بڑا نام ہیں۔ ن م دانش کے ساتھ مکرانی طلبا کا ایک گروہ چلتا ہے۔ یہ لوگ محض ن م دانش کا دل بڑھانے کے لیے ہی نہیں ہیں بلکہ موقع آنے پہ ان کا 'ریکارڈ' لگانے سے بھی باز نہیں آتے۔ ڈاءو میڈیکل کالج میں ہونے والا ایسا ہی ایک تقریری مقابلہ ہے جس میں ن م دانش اسٹیج پہ آءے ہیں اور ان کے ساتھ آنے والا گروہ نعرے بازی کر رہا ہے۔

ن م دانش، ننھا منھا دانش؛ ن م دانش، ننھا منھا دانش۔

این ای ڈی کیونکہ جامعہ کراچی سے متصل ہے اس لیے این ای ڈی میں رہتے ہوءے جامعہ کراچی سے بھی واقفیت بڑھ رہی ہے۔ اس وقت جامعہ کراچی میں یونین کے صدر محمود غزنوی ہیں۔ وہ بلا کے مقرر ہیں۔ ان سے پہلے جامعہ کراچی کے طلبا راہ نماءوں میں حسین حقانی اور شفیع نقی جامعی کے نام بھی سننے میں آتے ہیں۔

پہ ضیاالحق کا دور ہے، بھٹو کو پھانسی چڑھے کچھ عرصہ ہو چلا ہے۔ ہنرمند لوگوں کا عرب ریاستوں میں جانے اور وہاں کام کرنے کا جو سلسلہ قریبا دس سال پہلے شروع ہوا تھا اب بھی زور و شور سے جاری ہے۔ باہر کام کرنے والے یہ لوگ جب وطن واپس آتے ہیں تو اپنے ساتھ سوفینی کا کپڑا، سینٹ کی بوتلیں، اور وی سی آر ضرور لاتے ہیں۔ ان کے ساتھ ہی پلاسٹک کے دیدہ زیب اور مضبوط بیگ بھی آرہے ہیں۔ ہم ان پلاسٹک بیگوں کو غور سے دیکھتے ہیں کہ اب تک ہم سودا سلف کے لیے کاغذ کے لفافے استعمال کرتے رہے ہیں۔

پہلے سیمسٹر کی پڑھاءی شروع ہو چکی ہے۔ بعض مضامین ذرے پلے نہیں پڑ رہے۔ ہم سینءیر طلبا سے مدد لیتے ہیں۔ ایسے ہی ایک قابل سینءیر قیصر شاہ خان ہیں۔ وہ چھٹی کے روز جامعہ کراچی کے ایک لیکچر ہال میں ہمیں پڑھاتے ہیں۔ ان کو بات سمجھانے کا فن آتا ہے۔

بہت سے طلبا کی طرح میں بھی پواءنٹ سے این ای ڈی پہنچتا ہوں۔ لوگ ان بسوں کو کبھی ان کے علاقوں اور کبھی ان کے ڈراءیور اور کنڈیکٹر کے ناموں سے پہچانتے ہیں، مثلا ظہور کا پواءنٹ، نیازی کا پواءنٹ۔ بس جہاں آ کر کھڑی ہوتی ہے وہاں ہر صبح طلبا راہ نما پہلے سے موجود ہوتے ہیں۔ یہ لوگ ہر شخص سے گرم جوشی سے ہاتھ ملاتے ہیں۔ ان لوگوں میں مسعود محمود اور الطاف شکور آگے آگے ہیں۔

پھر ایک یاد ہے ایک گرم دن کی کہ جب میں سورج کی تپش سے بچنے کے لیے لاءبریری کے کوریڈور میں چلتا ہوا آگے تک آتا ہوں اور پھر تیزی سے پلازا کا بے سایہ ٹکڑا پار کر کے سول ڈیپارٹمنٹ کے کوریڈو کی چھاءوں میں آجاتا ہوں۔ اچانک سامنے سے امیرالاسلام آتا نظر آتا ہے۔ اس کے منہ پہ یوں ہواءیاں اڑ رہی ہیں کہ جیسے اس نے کوءی بھوت دیکھ لیا ہو۔

"بھاگو، تھنڈر اسکواڈ آرہا ہے،" وہ مجھ سے کہتا ہے۔ میرے لیے یہ نءی اصطلاح ہے۔

"یہ تھنڈر اسکواڈ کیا ہوتا ہے؟" میں اس سے پوچھتا ہوں۔

"جمعیت کا تھنڈر اسکواڈ۔" وہ جلدی سے جواب دیتا ہے، اور ساتھ ہی مجھ سے ہمدردی میں مجھے دھکا دے کر دوسری طرف روانہ کرتا ہے۔ امیرالسلام کیونکہ کراچی یونیورسٹی میں کچھ وقت گزار کر آیا ہے اس لیے وہ وہاں کی سیاست سمجھتا ہے۔ کچھ دیر بعد میں لاءبریری میں بیٹھا ہوا کھڑکی سے باہر دیکھتا ہوں تو ایک عجیب منظر نظر آتا ہے۔ کچھ لوگ شلوار قمیضیں پہنے، مختلف نوع کا آتشیں اسلحہ لیے چھتوں پہ دوڑ رہے ہیں۔

کچھ دیر بعد نعرے بازی ہوتی ہے اور معلوم ہوتا ہے کہ جامعہ کراچی سے اسلامی جمعیت طلبا کا عسکری گروہ تھنڈر اسکواڈ طاقت کا مظاہرہ کرنے این ای ڈی آیا تھا مگر ان اسلحہ بردار اجنبیوں کو این ای ڈی میں دیکھ کر بلوچ اور پٹھان طلبا تیزی سے اپنے ہاسٹل کی طرف گءے اور اسلحہ نکال کر لاءے۔ مگر اتنی دیر میں تھنڈر اسکواڈ این ای ڈی سے روانہ ہو چکا تھا۔

یہ پہلا موقع ہے کہ میں نے اس قدر اسلحہ یوں کھلے عام دیکھا ہے۔ طلبا کے پاس یہ جدید اسلحہ کہاں سے آیا؟ مجھے اس وقت اس سوال کا جواب نہیں ملتا مگر بعد میں راز کھلتا ہے کہ سوویت یونین کے خلاف افغانستان میں جہاد شروع ہونے کے ساتھ پاکستان میں اسلحے کی فراوانی کا دور بھی شروع ہو چکا تھا۔

اس واقعے کے بعد دین محمد بورو اور شیرین خان سمیت کءی بلوچ اور پٹھان طلبا پلازا کے فوارے کے ساتھ اسلحے کے ساتھ بیٹھے نظر آتے ہیں۔

یونین کے انتخابات قریب آرہے ہیں۔ گہما گہمی بڑھ رہی ہے۔ این ای ڈی میں ایک عرصے سے پی ایس ایف جیتتی آ رہی ہے مگر اب کی دفعہ جمعیت نے بہت کام کیا ہے اور پی ایس ایف کی طرف سے یونین کی صدارت کے لیے کھڑےے ہونے والے امیدوار آفتاب صدیقی کے مقابلے میں الطاف شکور اور ان کے ناءب مسعود محمود زیادہ مقبول نظر آتے ہیں۔ پی ایس ایف کے پینل پہ بیرون کراچی طلبا کی بھی نماءندگی ہے۔ یہ نماءندگی پی ایس ایف کے پیچھے کام کرنے والے کراچی کے دماغ کو بلوچ اور پٹھان زور بازو فراہم کرنے کے صلے میں ہے۔ انتخابات ہوتے ہیں اور وہی ہوتا ہے جس کا خیال تھا۔ تین عہدیداران جمعیت کے منتخب ہوتے ہیں اور بقیہ پی ایس ایف کے۔ پی ایس ایف کے ایک امیدوار ظفر گچکی کا ہارنا بلوچ طلبا کو ذرا پسند نہیں آتا۔ ابھی طلبا کا الطاف شکور اور مسعود محمود سے مبارک سلامت کا سلسلہ جاری ہے کہ زوردار فاءرنگ شروع ہوجاتی ہے۔ ہم سب بھاگ اٹھتے ہیں۔ معصومیت کا ایک دور ختم ہوا۔ طلبا سیاست میں تشدد اور قتل و غارت گری کا دور شروع ہو رہا ہے۔

اور بھی بہت کچھ ہے لکھنے کے لیے مگر یہ ساری باتیں بہت پرانی ہیں۔ زندگی کا جہاز کھلے پانی میں بہت آگے آگیا ہے۔ اتنی دور کہ یہاں سے این ای ڈی میں گزارا جانے والا وقت ایک چھوٹا سا نقطہ معلوم دیتا ہے۔ لیکن میرا دل۔۔۔۔

دو موضوعات: ممتاز قادری اور فلسطینی ریاست

2011-10-02T23:36:00.000-07:00

ممتاز قادری
ممتاز قادری کو عدالت نے سزاءے موت سناءی ہے۔ میں ہر سزاءے موت کے خلاف ہوں، اسی لیے ممتاز قادری کی سزاءے موت کے بھی خلاف ہوں۔ دراصل میں جرم و سزا کے رواءیتی نظام ہی سے مطمءن نہیں ہوں۔ ہر انسان بہت سی صلاحیتوں کا مجموعہ ہوتا ہے۔ وہ اپنے اور خود سے وابستہ لوگوں کے مستقبل کے لیے بہت سے امکانات رکھتا ہے۔ تو پھر کسی شخص کے ایک عمل کو جواز بنا کر مختلف صلاحیتوں کے اس پورے مجموعے کو سزا دینا کہاں کا انصاف ہوا؟ ایک قاتل ہی کو لے لیجیے۔ قتل تو قاتل کا محض ایک عمل ہے؛ اس گھناءونے فعل کے باوجود وہ شخص ایک کارآمد شہری، ایک اچھی اولاد، ایک اچھا بھاءی، ایک اچھا شوہر، اور ایک اچھا باپ ہو سکتا ہے۔ جب ایک قاتل کو سزاءے موت دی جاتی ہے تو اس کی زندگی کے اور پہلوءوں کو نظرانداز کر کے محض اس کے ایک جرم پہ اس شخص کی زندگی ختم کرنے کا پروانہ جاری کر دیا جاتا ہے۔ مجھے اس سزا میں انصاف کا پہلو نظر نہیں آتا۔ ممتاز قادری نے گورنر سلمان تاثیر کو قتل کر کے بہت برا کام کیا۔ اپنے اس عمل سے ممتاز قادری نے معاشرے میں ماوراءے عدالت کارواءیوں کو فروغ دینے کی کوشش کی؛ اس گھٹیا انسان نے معاشرے میں افراتفری پھیلانے کی کوشش کی؛ یہ کوشش کی ہم سب مستقل خوف کے ماحول میں رہیں کہ نہ جانے کب کسے خیال ہو جاءے کہ ہم نے کوءی غلط کام کیا ہے اور کون گھات لگا کر ہم پہ وار کرے اور ہماری زندگی کا خاتمہ کر دے۔ مگر قتل کی اس واردات کے باوجود ممتاز قادری کی زندگی ختم کرنے کا فیصلہ صحیح نہیں ہے۔ عدالت کے اس فیصلے سے میرا اصولی اختلاف ہے۔

آزاد فلسطین
کچھ روز پہلے میں نے چند لوگوں کے سامنے اس بات پہ خوشی کا اظہار کیا کہ محمود عباس کی حکومت اقوام متحدہ میں آزاد فلسطینی ریاست کو منوانے کی کوشش کر رہی ہے۔ ایک دوست نے خیال ظاہر کیا کہ یہ سب سیاست ہے؛ عباس کی حکومت اپنی ساکھ بچانے کے لیے یہ سیاسی بازی گری دکھا رہی ہے، وغیرہ وغیرہ۔ میں نے سوچا کہ نہ جانے لوگ اس قدر قنوطی کیوں ہوتے ہیں۔ بالفرض محال اگر محمود عباس محض دکھاوے کے لیے یہ کارواءی کر رہے ہیں تو کیا آزاد فلسطینی ریاست کو اقوام متحدہ سے منوانے میں فلسطین کے کسی دوست کو کوءی براءی نظر آتی ہے؟ دو فریقین میں کسی جھگڑے کو نمٹانے کے لیے مذاکرات ہو رہے ہوں اور ایک فریق کسی عمل کی تجویز پیش کرے اور اس تجویز پہ دوسرا فریق چراغ پا ہو جاءے تو سمجھ جانا چاہیے کہ اس تجویز میں پہلے فریق کا فاءدہ پوشیدہ ہے۔ فلسطین کو آزاد ریاست تسلیم کروانے کے سلسلے میں جب سے کام شروع ہوا ہے اسراءیل اور امریکی انتظامیہ کی برہمی واضح ہے۔ کیا اسراءیل اور امریکی انتظامیہ کے یہ بگڑتے تیور ظاہر نہیں کرتے کہ فلسطین کو آزاد ریاست تسلیم کروانے میں فلسطینیوں کا فاءدہ ہے؟ دنیا بھر کی نظروں میں فلسطین کو آزاد ریاست منوانے کے بہت سے فاءدے تو بالکل واضح ہیں۔ یہ آزاد ریاست ہر موقع پہ احتجاج کرے گی کہ ایک دوسرا ملک یعنی اسراءیل مستقل اس کے معاملات میں ٹانگ اڑا رہا ہے۔ اسراءیل کو بار بار عالمی عدالت میں گھسیٹا جاءے گا۔ آزاد فلسطین مطالبہ کرے گا کہ غزہ کی بندرگاہ آزاد ہو تاکہ فلسطین براہ ریاست دنیا سے تجارت کر سکے۔ رفاع کا بارڈر دو آزاد ممالک یعنی مصر اور فلسطین کے درمیان ایک آزاد بارڈر بن جاءے۔ اور اردن اور فلسطین کے درمیان سفر کرنے والے لوگ حسین ایلن باءی پل سے کیوں داخل ہوں کہ جس پہ اسراءیل کا قبضہ ہے۔ دریاءے اردن کو کشتی سے کیوں نہ پار کیا جاءے کہ اردن سے آنے والے لوگ براہ راست فلسطینی ریاست میں داخل ہوں؟ اس آزاد فلسطینی ریاست میں ہواءی اڈہ کیوں نہ ہو کہ جہاں بیرونی دنیا سے آنے والے جہاز براہ راست اتر سکیں؟ فلسطین کو ایک آزاد ریاست کے طور پہ تسلیم کر لیا گیا تو دوسرے آزاد ممالک مطالبہ کریں گے کہ انہیں آزاد فلسطین سے آزادانہ تجارت کرنے کی آسانی ہو۔ غرض کہ امکانات کا ایک طوفان ہے جس کا تعلق فلسطین کو آزاد ریاست ماننے سے ہے۔
فلسطینیوں کو اقوام متحدہ سے انصاف حاصل کرنے سے دور رکھنے کے لیے ان کو دھمکی دی جا رہی ہے کہ اگر انہوں نے ایسا کیا تو مغربی دنیا اور بالخصوص امریکہ کی طرف سے ان کی مالی مدد بند کر دی جاءے گی۔ امید ہے کہ فلسطینیوں کو یہ بات سمجھ میں آتی ہوگی کہ ان کو مالی مدد کی ضرورت اسی لیے تو پڑ رہی ہے کیونکہ وہ ایک آزاد ریاست نہیں ہیں اور دنیا سے معاملات کرنے میں اسراءیل کے رحم و کرم پہ ہیں۔ اگر فلسطین ایک آزاد ریاست بن جاءے تو وہ یقنیا ایک معاشی طور پہ مضبوط ریاست ہوگی اور اسے کسی بیرونی مدد کی ضرورت نہیں پڑے گی۔
اسراءیل کا قیام امریکہ کی پشت پناہی کی وجہ ہی سے ممکن ہو پایا ہے اور اب بھی اسراءیل کو کسی قسم کا خطرہ ہو تو اس کے راہ نما امریکہ سے مدد لیتے ہیں۔ چنانچہ آزاد فلسطین ریاست کے مطالبے کے جواب میں اوباما نے اقوام متحدہ میں تقریر کی جس کا لب لباب یہ تھا کہ فلسطینیوں کو اقوام متحدہ سے اس قسم کے مطالبات نہیں منوانے چاہءیں۔ اوباما کا کہنا تھا کہ فلسطین اور اسراءیل کے درمیان امن اقوام متحدہ کی قراردوں سے حاصل نہ ہوگا بلکہ فلسطینیوں اور اسراءیلیوں کو ساتھ بیٹھ کر مذاکرات کرنے ہوں گے۔ اب کوءی بے انتہا بے وقوف فلسطینی ہی ہوگا جو امریکی انتظامیہ کے اس دھوکے میں آءے گا۔ فلسطینیوں پہ واضح ہے کہ اسراءیل ان سے مذاکرات کرنے میں سنجیدہ نہیں ہے۔ اسراءیل کی کوشش رہی ہے کہ فلسطینیوں کو مذاکرات کا جھانسہ دے کر زیادہ سے زیادہ وقت گزارا جاءے اور اس درمیان میں دریاءے اردن کے مغربی کنارے پہ فلسطینیوں کو ان کی زمینوں سے بے دخل کر کے زیادہ سے زیادہ یہودی بستیاں بساءی جاءیں تاکہ آءندہ کبھی فلسطینیوں سے برابری کی سطح پہ مذاکرات کرنے بھی پڑیں تو فیصلہ فلسطینیوں کے حق میں جانا محال ہو۔ پھر یہ بات تو سب پہ واضح ہے کہ فلسطینیوں کی ساری مصیبت اسراءیل کے قیام ہی کی وجہ سے تو ہے۔ ان حالات میں فلسطینیوں کا اسراءیل سے مذاکرات کرنا وہی معاملہ ہے جس کا حوالہ میر نے اس شعر میں دیا تھا۔
میر کیا سادہ ہیں کہ بیمار ہوءے جس کے سبب
اسی عطار کے لونڈے سے دوا لیتے ہیں

گفتگو

2011-09-28T11:20:00.000-07:00

ستمبر پچیس، دو ہزار گیارہ

ایک فکر کے سلسلے کا کالم

سان فرانسسکو بے ایریا کا علاقہ دو معیاری تعلیمی اداروں کے وجہ سے اپنی مثال آپ ہے۔ کھاڑی کے ایک طرف جامعہ اسٹینفرڈ ہے اور دوسری طرف جامعہ برکلی۔ اسٹینفرڈ ساءنس سے متعلق شعبوں میں آگے آگے ہے تو برکلی زبان اور دل و جذبات کے معاملے میں۔ جامعہ برکلی میں جنوبی ایشیا کے متعلق جاننے اور اس علاقے کی مختلف فکری تحریکوں پہ تحقیق کرنے کے کءی مواقع موجود ہیں۔ یہ مواقع برکلی کے شعبہ براءے جنوبی اور جنوب مشرقی ایشیا، اور جنوبی ایشیا تعلیمی سینٹر، سینٹر فار ساءوتھ ایشین اسٹڈیز، فراہم کرتے ہیں۔ جنوبی ایشیا سینٹر کو دو انتہاءی متحرک خواتین چلاتی ہیں۔ ایک راکا رے صاحبہ ہیں جو اس تعلیمی مرکز کی منتظمہ اعلی ہیں اور دوسری پنیتا کالا صاحبہ ہیں جن کا عہدہ پروگرام ڈاءریکٹر کا ہے۔ اس تعلیمی مرکز نے گفتگو نامی ایک نیا سلسلہ شروع کیا ہے جس کا مقصد اردو اور پاکستان سے متعلق موضوعات کو زیر بحث لانا ہے۔ اس سلسلے کی پہلی محفل اتوار، ستمبر پچیس کے روز منعقد ہوءی۔ پروگرام کا موضوع تھا فیض احمد فیض کی شخصیت اور ان کی شاعری، اور مہمان خصوصی فیض کی صاحبزادی سلیمہ ہاشمی صاحبہ تھیں۔ تقریب میں دو سو کے قریب لوگوں نے شرکت کی۔ محفل کا آغاز راکا رے کے تعارفی کلمات سے ہوا۔ تقریب کی نظامت شعبہ براءے جنوبی اور جنوب مشرقی ایشیا کے پروفیسر مونس فاروقی نے انجام دی۔ برکلی میں اردو زبان کے معلم قمر جلیل صاحب نے سنہ چوراسی کا وہ واقعہ بیان کیا جب فیض برکلی کی دعوت پہ وہاں آءے تھے۔ مشی گن اسٹیٹ یونیورسٹی کے پروفیسر شان پیو نے ایک مقالہ پڑھا جس میں فیض کے فن کا مقابلہ ن م راشد کے فن سے کیا گیا تھا۔ مہمان خصوصی یعنی سلیمہ ہاشمی کا تعارف شعبہ اینتھروپولوجی کی پروفیسر صبا محمود نے کیا اور پھر صبا محمود اور سلیمہ ہاشمی صاحبہ کے درمیان ایک گفتگو کا آغاز ہوا جس سے حاضرین کو فیض احمد فیض کی شخصیت کو قریب سے جاننے کا موقع ملا۔ سلیمہ ہاشمی نے اپنے ابا کے بارے میں بتایا کہ فیض نہایت ٹھنڈے مزاج کے شخص تھے۔ بچوں کی تعلیم اور دوسرے اہم معاملات کا اختیار ماں کے پاس تھا جب کہ باپ اس سلسلے میں بے حد پرسکون واقع ہوا تھا۔ سلیمہ ہاشمی نے بتایا کہ وہ بچپن میں کبھی سردرد اور کبھی پیٹ میں درد کا بہانہ کرتی تھیں تاکہ انہیں اسکول نہ جانا پڑے۔ اگر کبھی وہ اس طرح کا بہانہ کرتیں تو ماں سلیمہ سے کہتیں کہ جاءو اپنے ابا سے بات کرو۔ وہ اپنے ابا سے کہتیں کہ میں اسکول نہیں جانا چاہتی تو ابا نہایت اطمینان سے جواب دیتے، " تو نہ جاءو۔" اگر سلیمہ ہاشمی کبھی اپنے ابا کو بتاتیں کہ وہ حساب کے امتحان میں فیل ہو گءی ہیں تو ابا جواب دیتے، "کوءی بات نہیں۔ حساب میں تو ہم بھی فیل ہو جاتے تھے۔"
سلیمہ ہاشمی نے فیض احمد فیض کے بارے میں بتایا کہ وہ انسان دوست تھے اور لوگوں کو اپنے اور ان کے قومی تعلق سے بلند ہو کر دیکھتے تھے۔ اسی لیے انہیں جہاں سنہ سینتالیس کے واقعات پہ افسوس تھا وہیں سنہ اکہتر کے کشت و خون نے نہایت پرملال کر دیا تھا۔ سلیمہ ہاشمی نے اپنے ابا کے بارے میں بتایا کہ وہ نہایت درد سے لکھتے تھے اور فیض نے اپنے بارے میں یہ کہا بھی تھا کہ، "اردو کے بہت سے شاعر بہت اچھے ہیں مگر جس کرب اور تکلیف کی کیفیت سے گزر کر میں شعر کہتا ہوں دوسرے ایسا نہیں کرتے۔"
سلیمہ ہاشمی نے بتایا کہ ماں کے غیرملکی ہونے کی وجہ سے اکثر ان کی ماں سے یہ سوال کیا جاتا کہ کیا وہ فیض کی شاعری سمجھتی ہیں۔ ایلس فیض جواب دیتیں کہ وہ شاعری سمجھیں یا نہ سمجھیں، شاعر کو اچھی طرح سمجھتی ہیں۔
برکلی میں سول انجینءیرنگ کے پروفیسر انل چوپڑا نے فیض کی نظم 'رقیب سے' پیش کی۔ حمیدہ بانو چوپڑہ صاحبہ نے فیض کی دو نظمیں 'دعا' اور 'شیشوں کا مسیحا کوءی نہیں' سنا کر حاظرین محفل کو محظوظ کیا۔ بے ایریا کے ممتاز شاعر تاشی ظہیر نے 'نذر فیض' کے عنوان سے اپنا منظوم خراج عقیدت پیش کیا۔ ایک مختصر وقفے کے بعد سلیمہ ہاشمی نے سلاءڈ کی مدد سے ایک مقالہ پیش کیا جس میں جنوبی ایشیا کے آرٹ پہ فیض کی شاعری کا اثر واضح کیا گیا تھا۔ سلیمہ ہاشمی کے مقالے کے اختتام پہ سوال و جواب کا ایک دور ہوا۔ تقریب کا اختتام فیض کی شاعری کی گاءکی سے ہوا۔ انوپما چندراتریا صاحبہ نے 'دشت تنہاءی' سناءی؛ ارم مشرف نے 'مجھ سے پہلی سی محبت میرے محبوب نہ مانگ' گاءی، ان کے ساتھ گٹار پہ جہاں زیب شیروانی تھے؛ نندتا کالا دبرال نے 'ہم دیکھیں گے' سنا کر حاضرین محفل کے سامنے فیض کی اشتراکی شاعری کا کمال پیش کیا۔

جنگ میں دو طرف کی ہولناکیاں

2011-09-28T11:18:00.000-07:00

ستمبر اٹھارہ، دو ہزار گیارہ

ایک فکر کے سلسلے کا کالم

ہم جب جنگ کی ہولناکی کی بات کرتے ہیں تو عموما ان لوگوں کا ذکر کرتے ہیں جن پہ گولی اور بم برساءے جاتے ہیں۔ سب سے زیادہ نقصان میں تو وہ لوگ ہیں جو جنگ میں ہلاک ہو جاتے ہیں۔ جو زخمی ہو کر زندہ رہتے ہیں وہ بھی بہت اذیت ناک زندگی گزارتے ہیں۔ پھر ہلاک یا زخمی ہونے والوں کے لواحقین کے غم و صدمے کا ذکر کرنا بھی ضروری ہے۔ ایک شخص آپ کی روزمرہ کی زندگی کا بڑا حصہ ہو اور ایک دن اچانک وہ آپ کی زندگی سے ہمیشہ ہمیشہ کے لیے روانہ ہو جاءے تو آپ کس قسم کے صدمے سے دوچار ہوں گے، اس کا محض تصور ہی کیا جاسکتا ہے۔ جو لوگ جنگ میں معذور اور لاچار ہوجاتے ہیں ان سے متعلق لوگوں کی زندگیوں پہ اس معذوری اور لاچاری کا کیا اثر پڑتا ہے اس بارے میں بھی قیاس آراءی کی جا سکتی ہے۔ مگر جو شخص بندوق کی لبلبی دباتا ہے، جو بٹن دبا کر میزاءل داغتا ہے، جو جہاز سے بم گراتا ہے، کیا وہ محاذ سے پلٹ کر مطمءن اور خوش رہتا ہے؟ اس سوال کا جواب آپ کو وہ لوگ دیں گے جو جنگ سے پلٹنے والے سپاہیوں کے معالج اور نفسیات داں ہیں۔ پاکستانی نژاد نفسیات داں ڈاکٹر ماہین موصوف ایڈمسن ایسی ہی ایک معالج ہیں جو جنگ سے لوٹنے والے سپاہیوں کا علاج کرتی ہیں۔ حال میں نوگیارہ کے حوالے سے ہونے والی ایک تقریب میں ڈاکٹر ماہین ایڈمسن نے جنگ سے لوٹنے والے سپاہیوں کے بارے میں بتایا کہ ان میں سے بہت سے ایک مخصوص نفسیاتی عارضے، پی ٹی ایس ڈی یا پوسٹ ٹرامیٹک اسٹریس ڈس آرڈر، کا شکار ہوتے ہیں۔ اس نفسیاتی عارضے میں مختلف چیزیں اور آوازیں آپ کو جنگ کی ہولناکیوں کی یاد دلاتی ہیں اور آپ بار بار خوفزدہ ہو جاتے ہیں۔ ماہین نے اس عارضے کی تفصیلات بیان کرتے ہوءے بتایا کہ انیس بیس سال کے نوجوان فوج میں بھرتی ہوتے ہیں۔ وہ ولولے سے بھرے ہوتے ہیں۔ وہ اپنے وطن کے لیے لڑنا چاہتے ہیں، ان کے ذہن میں کچے پکے خیالات ہوتے ہیں کہ ان کا دشمن کون ہے۔ ان نوجوانوں کو امریکہ کے صاف ستھرے ماحول سے اٹھا کر افغانستان یا عراق روانہ کر دیا جاتا ہے۔ وہاں حالات یکسر مختلف ہوتے ہیں۔ وہ کنفیوژن کا شکار ہوجاتے ہیں کہ دوست کون ہے اور دشمن کون، اور وہ کس کے لیے کیوں لڑ رہے ہیں۔ پھر ایک دن وہ محاذ پہ اپنی مدت ختم کر کے واپس امریکہ پلٹ آتے ہیں۔ ان سے توقع کی جاتی ہے کہ وہ دوبارہ سے اپنی زندگی وہیں سے شروع کر دیں گے جہاں انہوں نے ختم کی تھی۔ مگر اب بات کچھ اور ہوتی ہے۔ یہ نوجوان جنگ کی ہولناکیاں دیکھ چکے ہوتے ہیں۔ ان کے لیے اپنی زندگیوں کو پھر پرانے ڈھنگ سے شروع کرنا مشکل ہوتا ہے۔ وہ کسی بچے کی چیخ پہ اچانک چونک اٹھتے ہیں کہ انہوں نے یہ چیخ ایک ایسے بچے کے منہ سے سنی ہوتی ہے جو گولی لگنے کے بعد خون میں لت پت تھا اور کچھ دیر میں زندگی کی بازی ہار گیا تھا۔ مخصوص خوشبو، ذاءقے، نظارے، اور آوازیں انہیں جنگ کی ہولناکیوں کی یاد دلاتے ہیں اور ان کے لیے ہر دن کا گزارنا ایک کرب ناک مرحلہ بن جاتا ہے۔ ماہین نے موجودہ جنگوں کا ایک ایسا پہلو بھی بیان کیا جو میرے وہم و گمان میں بھی نہ تھا۔ ماہین نے بتایا کہ امریکی فوج میں شامل خواتین سپاہی مستقل خوف کے ماحول میں رہتی ہیں۔ اور ان کا یہ خوف ان کے اپنے ساتھی مرد سپاہیوں کی طرف سے ہوتا ہے۔ عراق اور افغانستان میں فوجی کیمپوں میں خواتین رات کے وقت بیت الخلا استعمال کرتے ہوءے گھبراتی ہیں کیونکہ ان کو خوف ہوتا ہے کہ وہ رات کو بیت الخلا جاءیں گی تو ان کے ساتھ جنسی تشدد کیا جاءے گا یا ان کی عصمت دری کی جاءے گی۔ رات کو بیت الخلا کے استعمال سے بچنے کی وجہ سے ان خواتین کو مختلف بیماریاں ہو جاتی ہیں۔ غرض کہ افغانستان اور عراق کی جنگوں سے پلٹنے والے مرد اور عورت سپاہی طرح طرح کے عارضوں کے شکار ہوتے ہیں۔
ڈاکٹر ماہین ایڈمسن کی باتیں سن کر احساس ہوا کہ جنگ کس قدر زیاں کا تحفہ ہے۔ جنگ میں کسی کی جیت نہیں ہوتی۔ مارا جانے والا بھی ہارتا ہے اور مارنے والا بھی۔ موجودہ دور کی جنگوں میں بہادری کا کوءی پہلو دور دور نظر نہیں آتا۔ جنگ کرنے کا فیصلہ ایسے لوگ کرتے ہیں جو جنگ کی ہولناکیوں سے بہت دور محفوظ جگہوں پہ بیٹھے رہتے ہیں۔ وہ محاذ پہ ایسے نوجوانوں کو روانہ کرتے ہیں جو دنیا کا بہت مختصر تجربہ رکھتے ہیں۔ یہ نوجوان یا تو اپنی جان دے کر تابوتوں میں بند وطن پلٹتے ہیں یا جنگ میں گھاءل ہو کر معذور ہو کر لوٹتے ہیں، یا پھر بظاہر صحیح سلامت واپس آتے ہیں مگر دراصل نفسیاتی طور پہ شدید بیمار ہوتے ہیں۔ ۔ امریکی شاعرہ حوا مریم نے اپنی ایک نظم میں لکھا تھا،" میرا خواب ہے کہ ایک ایسا بچہ جنوں جو ایک دن پوچھے، ماں، یہ جنگ کیا چیز ہوتی تھی؟ " کاش حوا مریم کا یہ خواب جلد پورا ہو۔ اس دنیا سے جنگ کا خاتمہ ہوجاءے کہ جنگ آدم خوری ہی کی تو ایک بھیانک شکل ہے۔

نوگیارہ کے بعد کا امریکہ

2011-09-28T11:16:00.000-07:00

ایک فکر کے سلسلے کا کالم

نو گیارہ سے پہلے کا امریکہ اور تھا اور نو گیارہ کے بعد کا امریکہ اور ہے۔ نو گیارہ کے دہشت گرد حملوں میں قریبا تین ہزار لوگ اپنی جانیں گنوا بیٹھے۔ مگر اس واقعے کے بعد جو جنگیں شروع ہوءی ہیں ان میں آج بھی لوگ مر رہے ہیں۔ اس اتوار کو نو گیارہ کی دسویں سالگرہ کے موقع پہ دو طرح کے امریکی رد عمل نظر آءے۔ ایک ردعمل تو وہ تھا جسے سرکاری کہا جاءے تو زیادہ بہتر ہوگا اور جو ٹی وی پہ دکھاءی دے رہا تھا۔ اس ردعمل میں لوگ سر جھکاءے نو گیارہ کے دہشت گرد حملوں میں ہلاک ہونے والوں کو یاد کر رہے تھے۔ اس ردعمل میں غم کے جذبات کے ساتھ جنگ کی خاموش پکار تھی۔ اور دوسرا ردعمل وہ تھا جو عام امریکی، امن پسند لوگ اس موقع پہ ظاہر کر رہے تھے۔ ان امن پسند لوگوں کے لیے یہ موقع طبل جنگ بجانے کا نہ تھا بلکہ جنگ کی ہولناکیاں یاد کرنے کا تھا۔ یہ موقع نو گیارہ کے دہشت گرد حملوں میں مارے جانے والوں کے ساتھ ساتھ افغانستان، عراق، اور پاکستان میں مارے جانے والوں کو یاد کرنے کا تھا۔ یہ موقع احتجاج بلند کرنے کا تھا کہ بند کرو اس جنگ کو جس کا کوءی مقصد کوءی خاتمہ نظر نہیں آتا۔ یہ ایسی جنگ ہے جو بظاہر دہشت گردی کےخلاف لڑی جارہی ہے مگر دراصل خود دہشت گردی کی افزاءش کا سبب بن رہی ہے۔
سان فرانسسکو بے ایریا امن کے پیامبروں کا مرکز رہا ہے۔ نو گیارہ کی دسویں سالگرہ پہ یہاں صبح سے شام تک طرح طرح کے احتجاجی پروگرام ہوءے۔ ایسا ہی ایک پروگرام فرینڈز آف ساءوتھ ایشیا کی طرف سے تشکیل دیا گیا۔ اس پروگرام میں سب سے زیادہ معلوماتی گفتگو مشہور وکیل وینا ڈوبل کی تھی۔ وینا ڈوبل نے اپنی تقریر میں بتایا کہ نو گیارہ کے بعد ایف بی آءی کا کردار محض ایک تفتیشی ادارے کا نہیں رہا بلکہ یہ ایجنسی جارحانہ طور پہ دہشت گردوں کو تلاش کرتی ہے اور لوگوں کے شرپسند خیالات پرکھ کر ان پہ ہاتھ ڈالتی ہے۔ ایف بی آءی پہ تنقید کے معاملے میں یقینا وینا ڈوبل تنہا نہیں ہیں۔ حال میں بی بی سی نے ایک مختصر رپورٹ میں بتایا تھا کہ ایف بی آءی دہشت گردوں کے سیل تلاش ہی نہیں کرتی بلکہ پہلے انہیں تشکیل دیتی ہے۔ اس سلسلے میں طریقہ کار یہ ہوتا ہے کہ ایف بی آءی کا ایک مخبر کسی مسلم کمیونٹی میں داخل ہوتا ہے اور وہان ایسے لوگ تلاش کرتا ہے جن کے دل میں دہشت گردی کرنے کا خیال چھو کر بھی گزرا ہو۔ اگر ایسا کوءی بے وقوف شخص مل جاءے تو مخبر اس کے ساتھ مل کر دہشت گردی کا ایک منصوبہ تلاش کرتا ہے، پھر اس شخص کو جعلی اسلحہ اور دھماکہ خیز مواد دیا جاتا ہے، اس شخص کو پیسوں کا لالچ دیا جاتا ہے کہ اگر اس نے دہشت گردی کی کارواءی کی تو اسے انعام سے نوازا جاءے گا اور جب یہ شخص اس کام کے لیے تیار ہوجاتا ہے تو اسے دہشت گردی کے الزام میں دھر لیا جاتا ہے۔
وینا ڈوبل نے بتایا کہ لوگوں سے انٹرویو کرتے ہوءے ایف بی آءی ایجنٹ ان لوگوں کو مخبر بننے کی دعوت دیتے ہیں۔ اپنے ایک موکل کا واقعہ بیان کرتے ہوءے وینا نے بتایا کہ اس شخص نے ایف بی آءی کا مخبر بننے سے انکار کیا تو سزا کے طور پہ اس کا نام نو فلاءی لسٹ پہ ڈال دیا گیا۔
اپنی تقریر میں دینا ڈوبل نے کہا کہ وہ اپنے موکلوں کو مشورہ دیتی ہیں کہ وہ کسی ایف بی آءی ایجنٹ سے وکیل کی غیرموجودگی میں بات نہ کریں کیونکہ نو گیارہ کے بعد ایف بی آءی کو ایسی مراعات دی گءیں ہیں کہ اس کے ایجنٹ جھوٹ بول کر کسی شخص کو پھنسا سکتے ہیں۔ پھر اس کے ساتھ اگر ایف بی آءی سے گفتگو میں آپ بھول چوک سے بھی کوءی غلط بیانی کردیں تو یہ "جھوٹ" ایک قابل سزا جرم ہے۔
وینا ڈوبل نے بتایا کہ ایف بی آءی ان جیسے شہری حقوق کے وکلا سے خوش نہی ہے۔ ایف بی آءی سے ایک ملاقات میں وینا کی تنظیم ایشین لاء کاکس کو ایف بی آءی کے ساتھ کام کرنے کی دعوت دی گءی۔ جب وینا نے خوش اخلاقی سے اس دعوت کو ٹھکرایا تو حیرت کا اظہار کیا گیا اور بتایا گیا کہ جنوبی ایشیاءی کمیونٹی سے تعلق رکھنے والی کءی تنظیمیں پہلے ہی ایف بی آءی کے ساتھ کام کر رہی ہیں اور ایف بی آءی مسلم ایڈووکیٹژ اور سکھ کولیشن نامی تنظیموں کو اپنا پارٹنر سمجھتی ہے۔

دہشت کے دس سال

2011-09-28T11:15:00.000-07:00

ستمبر پانچ، دو ہزار گیارہ

ایک فکر کے سلسلے کا کالم

اس اتوار کو نو گیارہ کے دہشت گرد حملوں کو دس سال ہو جاءیں گے۔ نو گیارہ کہیے یا نہیں انگریزی میں ناءن الیون کہیے ، بات خود واضح ہوجاتی ہے کہ کس واقعے کا ذکر ہو رہا ہے۔ پچھلے دس سالوں میں دنیا بالکل پلٹ چکی ہے۔ امریکہ کی طرف سے ایک ایسی جنگ جاری ہے جسے سرکاری طور پہ دہشت گردی کے خلاف جنگ کہا جا رہا ہے مگر جو اصل میں خود دہشت گرد پیدا کر رہی ہے، نفرت کے گہرے بیج بو رہی ہے۔ پچھلے دس سالوں میں دنیا میں جو بڑے بڑے واقعات ہوءے ہیں ان کا نو گیارہ کے واقعے سے کچھ نہ کچھ تعلق ہے۔
نو گیارہ کے بعد ہم نے امریکہ میں ایک اسلام مخالف لہر ابھرتی دیکھی۔ موجودہ دنیا ایک باہم پیوستہ دنیا ہے۔ ورلڈ واءڈ ویب یا انٹرنیٹ نے اس بات کو ممکن بنا دیا ہے کہ ایک جگہ سے اٹھنے والے خیالات پوری دنیا میں پھیل جاءیں۔ ہم جس دنیا میں رہ رہے ہیں وہاں مغربی ذراءع ابلاغ بے حد طاقتور ہیں۔ مغرب سے بپا ہونے والی نظریات کی لہریں اتنی قوی ہیں کہ ذرا سی دیر میں پوری دنیا میں پھیل جاتی ہیں۔
نوگیارہ کے واقعے کے بعد اسلام کا ایک بے بنیاد خوف امریکہ میں روپذیر ہوا، آگے یورپ پہنچا، اور پھر پوری دنیا میں پھیل گیا۔ اس خیال نے تقویت پاءی کہ مسلمان بقیہ مذہبی گروہوں سے الگ ہیں، مسلمان دوسرے لوگوں کے ساتھ نہیں رہ سکتے، اور یہ کہ مسلمان مغرب کے نظام پہ قبضہ کرنا چاہتے ہیں۔ اس قسم کے غلط خیالات نے بہت سی جگہ معاشروں کی جڑیں ا کھوکھلی کر دیں۔ میں سنہ دو ہزار دو میں گجرات ہندوستان میں ہونے والے مسلم کش فسادات کو بھی عالمی اسلام مخالف لہر کا ایک ثمر سمجھتا ہوں۔ ان فسادات میں ہزار سے اوپر لوگ ہلاک ہوءے تھے۔ فرانس میں برقعے کے خلاف بنایا جانے والا قانون بھی اسی خیال کا شاخسانہ ہے۔ اور انہیں خیالات سے متاثر ہو کر ناروے کے اینڈریس بریویک نے بانوے لوگوں کو ہلاک کر دیا۔
نوگیارہ کے واقعے کے بعد امریکہ کے طرز عمل نے دنیا پہ واضح کر دیا کہ دنیا کو جس کی لاٹھی اس کی بھینس کے حساب سے چلنا چاہیے۔ طاقت کی حکمرانی اول و آخر ہے۔ اگر کسی طرح طاقتور کے ساتھ کوءی زیادتی ہوءی ہے تو اس زیادتی کے ازالے کے لیے کسی عدالت کا دروازہ کھٹکھٹانے کی کوءی ضرورت نہیں۔ طاقتور ملزم کو محض اپنے شک کی بنیاد پہ سزا دینے کا حق رکھتا ہے۔
نوگیارہ کے واقعات کے بعد امریکی عوام نے شور مچایا کہ نوگیارہ کے دہشت گرد حملوں کی آزادانہ تحقیقات کراءی جاءیں ۔ کانگریس نے مطالبہ تسلیم کرتے ہوءے ایک کمیشن وضع کیا ۔ نو گیارہ کمیشن نے سینکڑوں لوگوں کے انٹرویو کرنے کے بعد ایک نہایت تفصیلی رپورٹ جاری کی جس میں ثابت کیا گیا کہ نوگیارہ کے دہشت گرد حملے اسامہ بن لادن کی جماعت القاعدہ ہی کی طرف سے تھے۔ ثبوت کے طور پہ خالد شیخ محمد کے بیانات پیش کیے گءے۔ مگر خالد شیخ محمد کے اقبالی بیانات اس قدر زیادہ جراءم کے متعلق ہیں کہ ان بیانات کی صداقت پہ شک ہوتا ہے۔ اس سال مءی دو کے روز ایک بہترین موقع تھا دنیا پہ واضح کرنے کا نوگیارہ کے حملے اسامہ بن لادن کی ایما پہ ہوءے تھے۔ اسامہ بن لادن کی ٹانگ پہ گولی مار کر اسے حراست میں لیا جا سکتا تھا اور عدالت میں پیش کیا جاسکتا تھا۔ کتنا اچھا ہوتا کہ اسامہ بن لادن کو اپنی بات کرنے کا موقع فراہم کیا جاتا اور دنیا کی نظروں میں دنیا کی اکیلی سپر پاور کا رتبہ بلند ہو جاتا مگر افسوس کہ یہ راستہ نہ اپنایا گیا۔ اسامہ بن لادن کو گولی مار کر ہلاک کر دیا گیا اور صدر اوباما نے فرمایا کہ "انصاف ہوگیا۔" اوباما کا یہ جملہ سن کر میرا سر شرم سے جھک گیا اور مجھے جامعہ ہارورڈ پہ غصہ آیا کہ اس نے کس طرح اوباما کو قانون کی سند دے دی۔
نوگیارہ کے دہشت گرد حملے دنیا بھر میں کروڑوں لوگوں نے ٹی وی پہ دیکھے۔ نوگیارہ سے متعلق ہر شخص کی ایک الگ کہانی ہے کہ وہ ان حملوں کے وقت کہاں تھا اور ان حملوں کے بعد اس پہ کیا گزری۔ جہاں ایک طرف اس سال نوگیارہ کے روز ایک سرکاری تقریب ہوگی جس میں اوباما وہی کچھ کہیں گے جو وہ ایک عرصے سےکہتے آرہے ہیں اور جہاں معصوم امریکی شہری جھنڈے لہرا کر اور جنگ کی تاءید کر کے اپنی حب الوطنی کا ثبوت فراہم کریں گے، وہیں دوسری طرف سان فرانسسکو میں فرینڈز آف ساءوتھ ایشیا کے زیر اہتمام ایک محفل منعقد ہوگی جس میں نوگیارہ اور اس کے بعد ہونے والے واقعات کا بھرپور جاءزہ لیا جاءے گا۔ یہ محفل سان فرانسسکو پبلک لاءبریری کے کوریٹ آڈیٹوریم میں اتوار، سمتمبر گیارہ کے روز ایک سے چار بجے کے درمیان منعقد ہوگی۔ اس محفل میں شرکت کرنے والے بھی نو گیارہ سے متعلق اپنی کہانی سنا سکیں گے اور جنگ سے متعلق اپنے خیالات پیش کر سکیں گے۔ امید ہے کہ اس کالم کے قارءین نوگیارہ کی اس محفل میں شریک ہوں گے۔

کیسی عید؟

2011-09-28T11:13:00.000-07:00

اگست اٹھاءیس، دو ہزار گیارہ

ایک فکر کے سلسلے کا کالم

چند دنوں بعد عید ہے مگر دل ہے کہ خوش ہونے کو تیار نہیں۔ کیسی عید، اور کیسا جشن؟ خاص طور پہ کراچی والوں کے لیے جہاں رمضان کے ہر روز خون کی ہولی کھیلی گءی ہے اور ثابت کیا گیا ہے کہ انسان شیطان سے بڑا شیطان ہے۔ میں جانتا ہوں کہ میں جس کراچی میں پیدا ہوا، جہاں پلا بڑھا، آج کا کراچی وہ کراچی نہیں ہے مگر کیا کیجیے کہ دل نہیں مانتا۔ آنے والی عید اور ستمبر گیارہ کی تاریخ میں کوءی خاص دوری نہیں ہے۔ آج دنیا جن بڑے بڑے مساءل سے نبردآزما ہے ان میں سے بیشتر کا تعلق کسی نہ کسی طرح گیارہ ستمبر دو ہزار ایک کے حملوں سے جڑتا ہے۔ اس گیارہ ستمبر کو اس خونی واقعے کو دس سال ہو جاءیں گے۔ اور ان دس سالوں میں دنیا اتنی بدلی ہے کہ شاید اکثر چار پانچ دہاءیوں میں اتنی نہیں بدلتی۔ اس گیارہ سمتبر کے روز موجودہ صدر براک اوباما اور سابق صدر جارج بش، نیویارک جاءیں گے اور سابقہ ورلڈ ٹریڈ سینٹر کے مقام پہ دہشت گردوں کے حملوں میں مارے جانے والوں کے اہل خانہ سے ملیں گے۔ وہ ڈرامہ جو ہر سال دہرایا جاتا ہے اس واقعے کی دسویں سالگرہ پہ اور زوردار طریقے سے دہرایا جاءے گا۔ دونوں صدور یقینا چہروں پہ گہری سنجیدگی سجاءے پرعزم تقاریر کریں گے۔ وہ لوگوں کو بتاءیں گے کہ دہشت گردی کے خلاف جنگ کس قدر کامیاب جارہی ہے۔ وہ شاید براہ راست اسامہ بن لادن کی ہلاکت کا تذکرہ نہ کریں مگر تبصرہ نگار یقینا اس طرف نظر کریں گے اور چند ماہ پہلے اسامہ بن لادن کی ہلاکت کو امریکہ کی زبردست فتح قرار دیں گے۔ یہ سب ڈرامہ اس قدر دھوم دھڑکے سے ٹی وی سمیت میڈیا کے دوسرے ذراءع سے پیش کیا جاءے گا کہ امریکہ کے بیشتر لوگ حب الوطنی کی تازہ لہر میں بہتے ہوءے ذہن میں آنے والے کسی بھی وسوسے کو بھول جاءیں گے اور آڑھے ترچھے سوالات سے گریز کریں گے۔ اس ستمبر گیارہ کو شاید بہت سے لوگوں کو یہ یاد بھی نہ آءے کہ ستمبر گیارہ دو ہزار ایک کے حملوں کے بعد "دہشت گردوں" کا ایک اور حملہ ہوا تھا جس نے امریکی داخلی اور خارجہ پالیسی پہ گہرے اثرات چھوڑے تھے۔ گیارہ ستمبر دو ہزار ایک کے واقعے کے چند دن بعد دو امریکی سینیٹر اور میڈیا کے بہت سے اداروں کو ایسے خطوط موصول ہوءے تھے جن میں اینتھریکس کے جراثیم تھے۔ ہر لفافے میں ایک رقعہ بھی تھا جس پہ اور خرافات کے علاوہ امریکہ مردہ باد اور اسلام زندہ باد لکھا تھا۔ بات نہایت واضح تھی کہ امریکہ کے انددر رہتے ہوءے لوگوں کو اینتھریکس کے جراثیم بھیجنے کا کام کون کر سکتا تھا۔ ان اینتھریکس حملوں نے دو اصلاحات اور امکانات کے خیال کو قوت بخشی، ایک سلیپر سیل اور دوسرے ایک ایسی بیرونی طاقت جس کے پاس وسیع ہلاکت کے موثر ہتھیار تھے۔ امریکہ کے اندر شدت پسند مسلمانوں کے سلیپر سیل کے خیال نے وہ راءے عامہ ہموار کی جس کی موجودگی میں پیٹریاٹ ایکٹ قانون ساز ادارے سے پاس ہوا۔ اور مہلک ہتھیار رکھنے والی ایک بیرونی طاقت کے خیال نے عراق پہ امریکہ حملے کی راہ ہموار کی۔ پیٹریاٹ ایکٹ اکتوبر دو ہزار ایک میں پاس ہوا اور عرق پہ حملہ سنہ دہ ہزار تین میں ہوا۔ ایسے دور رس اقدامات کی راہ ہموار کرنے کے بعد اینتھریکس حملوں کی کہانی پس پشت چلی گءی۔ بہت کم لوگوں نے اس طرف توجہ کی کہ اینتھریکس حملوں کا ذمہ دار بروس ایڈورڈز ایونس نامی ایک شخص ٹہرایا گیا تھا جو امریکی حکومت کی ایک لیب میں کام کرتا تھا۔ بروس کو حفاظتی تحویل میں لے لیا گیا تھا اور اسی تحویل میں ایک روز بروس نے ' خودکشی' کر لی۔ بروس کی خودکشی پہ ایف بی آءے نے بروس کو اینتھریکس حملوں کا مکمل اور اکیلا زمہ دار ٹہرا کر تفتیش ختم کردی اور مسل داخل دفتر ہوءی۔ اینتھریکس حملوں کی جو خبر اخبارات کے اول صفحوں کی زینت بنی تھی اس کی تفتیش کے اختتام کی خبر اخبارات کے غیر اہم صفحوں تک ہی رساءی حاصل کرپاءی۔ اور یہ جادو ہم ایک عرصے سے دیکھ رہے ہیں۔ ہمارے سامنے ایک واقعہ ہوتا ہے۔ ہم سب اسے دیکھتے ہیں، اس کو سمجھنے کی کوشش کرتے ہیں، مگر اچانک ایک بھاری آواز زوردار طریقے سے بلند ہوتی ہے اور واقعے کی ایک خاص توجیہ فراہم کی جاتی ہے اور اس مخصوص توجیہ کی فراہمی کے بعد اسی آواز کی بازگشت ہر سو سے آتی ہے حتی کہ ہمارے اندر کی ساری آوازیں دم توڑ جاتی ہیں اور ہم بھاری آواز اور اس کی بازگشت کے علاوہ کچھ اور سننے سے معذور ہو جاتے ہیں۔

کراچی کے فسادات

2011-09-28T11:10:00.000-07:00

اگست باءیس، دو ہزار گیارہ

ایک فکر کے سلسلے کا کالم

کراچی کے فسادات

آج کراچی جس آگ میں جل رہا ہے اس کا براہ راست تعلق نوگیارہ کے واقعے سے ہے۔ مگر اس تعلق کے بارے میں بعد میں بات کریں گے۔ پہلے ہم اس قتل و غارت گری کی اصلیت جاننے کی کوشش کریں گے۔ اگر آپ بھی میری طرح پاکستانی اخبارات پڑھتے ہیں اور پاکستانی ٹی وی پروگرام دیکھتے ہیں تو آپ کو آج کل پاکستانی میڈیا میں ایک خاص قسم کی مصلحت نظر آءے گی۔ اور مصلحت یہ ہے کہ میڈیا میں لوگوں کے نسلی یا لسانی فرق کو بیان کرنا معیوب خیال کیا جاتا ہے۔ کسی ویڈیو میں کوءی شہری کہہ دے کہ پٹھان یہ کر رہے ہیں یا مہاجر یہ کر رہے ہیں تو اسے فورا روک کر کہا جاتا ہے کہ، نہیں، نہیں، ہم سب مسلمان ہیں، ہم سب پاکستانی ہیں۔ پاکستان کے انتشار کو مذہب یا پاکستانیت کی پٹی سے باندھ کر رکھنے کی کوشش کی جاتی ہے۔ ایسی کوشش نہ صرف یہ کہ بھونڈی ہے بلکہ غیر موثر بھی ہے۔ دنیا بھر میں لوگ اپنی گروہی پہچان مختلف واسطوں سے رکھتے ہیں۔ پاکستان میں رہنے والے بھی اس کلیے سے مستثنا نہیں ہیں۔ پاکستان کے اکثر لوگ اپنی پہچان اپنی زبان یا اپنے علاقاءی تعلق سے بناتے ہیں۔ لوگوں کی صدیوں پرانی شناخت کو دبانے کی کوشش کرنا حماقت ہے۔ اور وہ لوگ جو اپنی پہچان پہ فخر کرتے ہیں اس رویے کو ناقابل قبول پاءیں گے۔ لوگوں کی لسانی یا جغرافیاءی پہچان کو نظر انداز کرنے کے بجاءے معاشرے کے سمجھ دار لوگوں کو یہ بات واضح کرنے کی ضرورت ہے کہ کسی نسلی یا لسانی پہچان کو واضح کرنے میں نہ کوءی عیب ہے اور نہ کوءی گھمنڈ۔ وہ لوگ جنہوں نے دنیا کی اونچ نیچ دیکھی ہے، جو بھانت بھانت کے لوگوں میں اٹھے بیٹھے ہیں، وہ لوگوں کی نسلی، لسانی، یا مذہبی شناخت کی کھوکھلی حیثیت سمجھتے ہیں۔ شناخت کے ان پیراہن کی حیثیت اتنی ہی ہے جتنی اس بات کی کہ کسی شخص نے آیا سفید رنگ کی قمیض پہنی ہوءی ہے یا نیلے رنگ کی۔ پاکستان میں بالعموم اور کراچی میں بالخصوص مقامی راہ نماءوں کو اس ترقی پسند سوچ کو سامنے لانا ہوگا کہ لوگوں کے اپنے آپ کو مہاجر یا پٹھان یا پنجابی یا سندھی یا بلوچی یا مکرانی وغیرہ کہلوانے میں کوءی حرج نہیں ہے۔ حرج آپس کے ان سطحءی فرق کو اختلاف کا ذریعہ بنانے میں ہے۔ کسی نابینا شخص سے پوچھیے کہ اسے کس رنگ اور نسل کے لوگ پسند ہیں۔ وہ حیرت سے آپ سے پوچھے گا کہ لوگوں کی پسند یا ناپسند کا تعلق رنگ و نسل سے کیسے ہو گیا؟ اصل اہمیت اس بات کی ہے کہ کون آپ سے محبت سے بات کرتا ہے اور اچھا سلوک کرتا ہے۔
آءیے اب یہ جانچنے کی کوشش کریں کہ کراچی میں کیا ہورہا ہے۔ کراچی میں تین مختلف وجوہات کی وجہ سے قتل و غارت گری ہورہی ہے: پہلی وجہ نسلی اور لسانی منافرت ہے جس کا شکار قصبہ کالونی، کٹی پہاڑی، اورنگی وغیرہ کے علاقے ہیں۔ ان علاقوں میں پٹھان اور مہاجر گروہ ایک دوسرے سے لڑ رہے ہیں۔ دوسری وجہ بھتہ خوری ہے جس کے بڑے شکار شہر کے پرانی کاروباری علاقے ہیں۔ اور تیسری وجہ منشیات فروشوں اور قبضہ مافیا کے متحارب گروہوں کی آپس میں لڑاءی ہے۔ اس لڑاءی کو عرف عام میں گینگ وار بھی کہا جاتا ہے اور اس قیامت کا شکار لیاری کا علاقہ ہے۔ موخرالذکر دو وجوہات کی قتل و غارت گری پہ تو پولیس کی کارواءی کے ذریعے قابو پایا جا سکتا ہے مگر اولالذکر لڑاءی ختم کرانے کے لیے معاشرتی طور پہ بہت بالغ النظری کی ضرورت ہے۔ مہاجر اور پٹھان گروہوں کی لڑاءی کا براہ راست تعلق نو گیارہ کے واقعے سے ہے۔
نو گیارہ کے دہشت گرد حملوں کے بعد امریکہ نے افغانستان پہ دھاوا بول دیا۔ سنہ دو ہزار آٹھ میں اوباما کے صدر بننے کے بعد پاکستان کے شمالی، پٹھان علاقوں میں امریکی فوجی حملوں کی تعداد میں یک دم اضافہ ہوا۔ ڈرون کے ذریعے لوگوں اور گھروں کو نشانہ بنایا گیا۔ مقامی آبادی روز روز کے ان حملوں سے تنگ آکر نقل مکانی کرنے پہ مجبور ہوءی۔ نقل مکانی کرنے والے بیشتر لوگ کراچی آءے کیونکہ کراچی نہ صرف پاکستان کا سب سے بڑا تجارتی مرکز ہے بلکہ دنیا میں پٹھانوں کا سب سے بڑا شہر بھی ہے۔ کراچی میں ایک عرصے سے ایم کیو ایم کا راج ہے۔ ایم کیو ایم کہنے کو تو متحدہ قومی موومنٹ بن گءی ہے مگر آج بھی اس کے اکثر حمایتی مہاجر ہیں۔ سنہ دو ہزار آٹھ کے بعد بڑے پیمانے پہ کراچی میں پٹھانوں کی آمد سے ایم کیو ایم کو شہر کا توازن آبادی بگڑتا نظر آیا۔ ایم کیو ایم کو اندازہ ہوا کہ کراچی میں اسی طرح پٹھانوں کی آبادی بڑھتی رہی تو آءندہ انتخابات میں کھیل اس کے ہاتھ سے نکل سکتا ہے۔ الطاف حسین نے شور مچایا کہ کراچی میں طالبان آرہے ہیں، انہیں روکا جاءے۔ ان کے کہنے کا مقصد یہ تھا کہ کراچی میں مزید پٹھانوں کو نہ آنے دیا جاءے۔ الطاف حسین کے کہنے سے کوءی فرق نہیں پڑا اور پٹھان کراچی میں آتے رہے۔ پھر ایم کیو ایم اور اے این پی کی خونی لڑاءی شروع ہوءی۔ واضح رہے کہ اے این پی کراچی میں پٹھانوں کی نماءندگی کرتی ہے۔ ایم کیو ایم اور اے این پی کے عہدیداران قتل ہونا شروع ہوءے۔ نسلی منافرت کی بنیاد پہ قتل و غارت گری کا سلسلہ بڑھتا گیا اور اب یہ حالت ہے کہ پورے پورے گروہ آپس میں متحارب ہیں۔ کراچی کا عام شہری اس خون خرابے سے تنگ ہے۔ بہت سے لوگوں کا کہنا ہے کہ کراچی میں فوج آءے اور حالات کو قابو میں لاءے۔ سمجھنے کی بات ہے کہ مسءلہ یہ نہیں ہے کہ لوگوں کے پاس غیر قانونی اسلحہ ہے، مسءلہ یہ ہے کہ لوگ یہ غیرقانونی اسلحہ استعمال کرنا چاہتے ہیں۔ مسءلہ یہ نہیں ہے کہ لوگ ایک دوسرے کو جان سے مار رہے ہیں، مسءلہ یہ ہے کہ یہ لوگ ایک دوسرے سے اس قدر نفرت کرتے ہیں کہ واقعی ایک دوسرے کو جان سے مارنا چاہتے ہیں۔ فوری امن و امان قاءم کرنے کے لیے یقینا فوج کی مدد لی جا سکتی ہے مگر ایسی مدد مسءلے کا پاءیدار حل ہرگز نہیں ہے۔ پاءدار حل یہ ہے کہ شہر میں رہنے والے، مختلف قومیتوں کے لوگ ایک دوسرے سے بات چیت کریں۔ اپنی نسلی یا لسانی شناخت کو اختلاف اور جھگڑے کا ذریعہ نہ بناءیں۔ محلے کی سطح پہ لوگ ایک دوسرے سے گفتگو کریں اور یہ طے کریں کہ کوءی خراب واقعہ ہونے کی صورت میں معاملات کو بد سے بد تر نہیں ہونے دیں گے بلکہ آپس میں مل کر فوری تحقیقات کریں گے اور مجرموں کو قرار واقعی سزا دیں گے۔ اگر رکشہ ڈراءیور زمرد خان کو کچھ لوگ مار کر چلے گءے ہیں، تو مہاجر راہ نما اس واقعے کو نظر انداز نہیں کر دیں گے بلکہ اس فعل کی سختی سے مذمت کریں گے اور اس شخص کے قاتلوں کی تلاش میں پولیس کا ساتھ دیں گے۔ اسی طرح صدر میں کپڑے کی دکان پہ کام کرنے والے ایک نوجوان محمد عرفان ولد محمد سلمان کو بنارس پہ نامعلوم افراد نے قتل کر دیا ہے تو پشتون اس ظلم پہ شدید احتجاج کریں گے اور مجرم کو اپنی صفوں میں چھپنے کا موقع نہیں دیں گے۔ قصہ مختصر یہ کہ کراچی میں مقامی سطح پہ نءی قیادت کو سامنے آنا ہوگا جو نفرت سے بھرے پرانے سیاسی گرگوں کو ایک طرف ہٹا کر مختلف قومیتوں کے درمیان اعتماد بحال کرنے کا کام کرے۔

یہ دن، جو زندگی ہے

2011-08-18T10:50:00.000-07:00

بہت پہلے فدوی نے لکھا تھا،

زندگی کے ہر دن کو یوں گزاروں کہ جیسے وہ دن خود زندگی ہے کہ جب ہم رات کو سوتے ہیں تو مر ہی تو جاتے ہیں۔ ان لوگوں کو اپنی خوش قسمتی پہ فخر کرنا چاہیے جو گزری رات سونے کے بعد صبح اٹھ جاتے ہیں۔ ہر صبح کو ایک نءی زندگی کا آغاز جاننا چاہیے۔

میں نے ایک دوست کو اپنی یہ تحریر سناءی تو انہوں نے کہا، "یار تم کچھ پڑھتے ہو نہیں، بس لکھتے رہتے ہو۔ تم نے زندگی کے متعلق یہ لکھ کر کونسا تیر مارا ہے۔ کالی داس نے قریبا دو ہزار سال پہلے زندگی کا فلسفہ اپنی نظم میں بیان کر دیا تھا۔"

اپنے دوست کے بتانے پہ میں نے کالی داس کی نظم پڑھی اور سر دھنتا رہ گیا۔ میں کالی داس کی نظم سینکسرت میں نہیں پڑھ پایا۔ اسے انگریزی میں پڑھا ہے۔ اس خوب صورت نظم کا اردو ترجمہ حاضر خدمت ہے۔

اس دن کو دیکھو، اس لمحے کو پہچانو

کہ یہ دن زندگی ہے، زندگی کی زندگی

کہ اس دن کے مختصر دورانیے میں

پنہاں ہیں تمہاری زیست کے تمام انداز

بالیدگی کا لطف

عمل کی عظمت

فتح یابی کا سرور

یہی تو ہیں زندگی کے انداز

کل جو گزر گءی محض ایک یاد ہے

اور فردا محض ایک خیال

آج کا دن جو اچھا گزرے، وہ بن جاتا ہے

گزری کل کی خوب صورت یاد

اور ایسا اچھا دن، فردا کو بناتا ہے،

ایک پرامید خیال

بس پہچان لو اس لمحے کی طاقت کو

یہی ہے ہر صبح نو کا پیام

====

کالی داس کی نظم کا نہایت عمدہ انگریزی ترجمہ نہ جانے کس نے کیا ہے مگر یہ انٹرنیٹ پہ باآسانی دستیاب ہے۔ ترجمہ یہ ہے۔

Look to this day! For it is life, the very life of life. For yesterday is but a dream And tomorrow is only a vision But today well lived makes every yesterday a dream of happiness And tomorrow a vision of hope. Look well, therefore, to this day! Such is the salutation of the dawn.

Kalidas

कालिदास, ज़िंदगी

Amil Online is a Jahil Offline

2011-08-18T09:23:00.000-07:00

انگلستان کے بلوے، عالم آن لاءن

بہت سے لوگوں کے لیے انگلستان میں ہونے والے حالیہ بلوے ایک اچھوتی بات تھی۔ اس موضوع پہ ایک دوست سے بات ہو رہی تھی۔ انہوں نے حیرت کا اظہار کیا کہ انگلستان تو اس قدر مہذب ملک خیال کیا جاتا ہے پھر وہاں کے لوگ اس طرح توڑ پھوڑ کیوں کر رہے ہیں۔ مجھ جیسے عمرانیات کے طلبا کے لیے ایسے واقعات جن میں کسی معاشرے کی رواءیت سے ہٹ کر کام کیے جاءیں، تعلیم کا پہلو رکھتے ہیں۔ انگلستان کے فسادات لندن کے ٹوٹن ہیم نامی علاقے سے شروع ہوءے جہاں پولیس نے مارک ڈگن نامی انتیس سالہ شخص کو گولی مار کر ہلاک کر دیا۔ پولیس کا کہنا تھا کہ مارک کے پاس آتشیں ہتھیار تھا جس سے اس نے پولیس پہ فاءر کیا تھا۔ ٹوٹن ہیم کے لوگ پولیس کے بیان سے متفق نہیں تھے اور ان کا خیال تھا کہ پولیس نے بےگناہ ڈگن کو محض اپنی نفرت سے اس ظلم کا نشانہ بنایا ہے۔ ہنگامہ آراءی ٹوٹن ہیم سے شروع ہوءی اور پھر یہ بلوے دوسرے علاقوں تک پھیل گءے۔ ان بلووں میں ان لوگوں نے شرکت کی جو غریب تھے ، ان میں سے بیشتر بے روزگار بھی تھے۔

غور کرنے کی بات یہ ہے کہ لوگ ایک معاشرے میں کس طرح ساتھ رہتے ہیں، انسان کا دوسرے انسانوں سے کیا رشتہ ہوتا ہے؟ موجودہ دور میں جب بہت مختلف نسلوں، اعتقادات، اور زبانوں کے لوگ ایک ساتھ کسی شہر میں رہتے ہیں تو ان کے درمیان سب سے بڑا اور مستحکم رشتہ معاشی ہوتا ہے۔ اس بات کی اہمیت ہوتی ہے کہ کسی انسان کو اپنے ہم شہروں سے مادی طور پہ کیا مل رہا ہے اور کیا ملنے کی امید ہے۔ جب لوگوں کے ایک گروہ کو کسی نظام سے کوءی مادی فاءدہ نہ پہنچ رہا ہو، تو اس نظام کی تباہی میں انہیں کوءی نقصان بھی نظر نہیں آتا۔ اور خاص طور سے اس وقت جب مفلوک گروہ کا متمول گروہ کے ساتھ نسلی، مذہبی، یا لسانی رشتہ گہرا نہ ہو۔ مثلا اگر یہی صورتحال جاپان میں ہو کہ بہت سے لوگ بے روزگار اور مصیبت زدہ ہوں اور کسی وجہ سے انہیں خیال ہو کہ مراعات یافتہ گروہ ان پہ ظلم کر رہا ہے تو اس خیال کے باوجود مفلوک الحال گروہ مراعایات یافتہ گروہ پہ ہلہ نہیں بول دے گے کیونکہ ان لوگوں کو آپس کے گہرے نسلی تعلق کا احساس ہوگا۔

مگر اس بات کو بیان کرنے کا مقصد یہ باور کرانا ہرگز نہیں ہے کہ مختلف نسل، مذہب، اور زبان کے لوگ ایک ساتھ امن سے نہیں رہ سکتے۔ موجودہ عہد میں جب سرمایہ اور دماغ تیزی سے ایک جگہ سے دوسری جگہ منتقل ہوتے ہیں، کثیرالتہذیبی یا ملٹی کلچرل معاشرہ جگہ جگہ وجود میں آتا ہے اور آءے گا۔ لندن کے فسادات نے ثابت کیا ہے کہ معاشرے کے سب لوگوں کو مل کر کوشش کرنی ہے کہ ان کے شہر میں معاشی ناہمواری کم سے کم ہو اور ایسا وقت نہ آءے کہ کوءی گروہ یہ محسوس کرے کہ اسے دیوار سے لگا دیا گیا ہے۔ بہت سے بھوکے لوگوں کے درمیان طشتری بھر کر کھانا کھانے میں کوءی فخر کا پہلو نہیں ہے، بلکہ یہ ایک نہایت خطرناک صورتحال ہے۔

آج ہماری دنیا ایک مشکل معاشی دور سے گزر رہی ہے۔ کساد بازاری کے اس ماحول میں جمہوری معاشروں میں لوگ حکومت پہ زور ڈال رہے ہیں کہ وہ اپنے اخراجات کم کرے۔ امریکہ میں ٹی پارٹی کے لوگ مطالبے کر رہے ہیں کہ حکومت بےروزگاروں کی مدد، ناداروں کے مفت علاج وغیرہ پہ رقم ضاءع نہ رکے۔ انگلستان کے بلووں نے یہ ثابت کر دیا ہے کہ کسی بھی گروہ سے سب کچھ چھین لینا ایک انتہاءی خطرناک صورتحال کو جنم دیتا ہے۔ اگر انگلستان کی طرح امریکہ میں بھی فلاحی کاموں میں بڑے پیمانے پہ کٹوتی کی گءی تو یہاں کے بڑے شہروں میں بھی لندن کے طور پہ فسادات ہو سکتے ہیں۔

عالم آن لاءن

پاکستان کا ایک مقبول ٹی وی پروگرام عالم آن لاءن ہے۔ اس پروگرام کی میزبانی عامر لیاقت حسین نامی ایک صاحب کرتے ہیں۔ دو دن پہلے ایک ایسی ویڈیو سامنے آءی جس میں ان صاحب کواسٹوڈیو میں مختلف موقعوں پہ مغلظات بکتے ہوءے دکھایا گیا ہے۔ بہت سے لوگوں کو یہ ویڈیو دیکھ کر شاید دھچکا پہنچا ہو مگر مجھے یہ ویڈیو دیکھ کر کوءی خاص تعجب نہیں ہوا۔ اس ویڈیو میں میزبان جو عامیانہ اور بازاری زبان استعمال کر رہے ہیں وہ کراچی میں عام طور سے استعمال ہوتی ہے اور مردانہ محفلوں میں اس زبان کے بلاتکلف استعمال پہ کوءی معترض نہیں ہوتا۔ اگر کسی نادان کا خیال تھا کہ ٹی وی پہ آنے والے لوگ عام معاشرتی رجحانات سے بالاتر ہوتے ہیں اور بازاری زبان استعمال نہیں کرتے تو ایسے شخص کو اپنا دماغی معاءنہ کرانے کی ضرورت ہے۔ قصہ مختصر یہ کہ میں نے یہ ویڈیو دیکھی، اس پہ ہنسا، اور آگے بڑھ گیا۔ اس ویڈیو کو دیکھنے سے میرے ذہن میں مذکورہ شخص کی عزت نہ کم ہوءی اور نہ زیادہ۔ مگر آج ایک ایسی ویڈیو دیکھی جس میں ان صاحب نے زور دے کر کہا ہے کہ مغلظات والی مذکورہ ویڈیو جعلی ہے اور اس نقلی ویڈیو میں دراصل ان صاحب کی آواز بنا کر فحش گفتگو کی گءی ہے۔ میرے نزدیک اب "معاملہ نازک ہے"۔ میری اقدار میں فحش گفتگو کرنا اس قدر ناپسندیدہ بات نہیں ہے جس قدر ناپسندیدہ بات جھوٹ بولنا ہے۔ اب ضرورت ہے صحافیانہ جستجو کی اور یہ جانچنے کی کہ آیا یہ صاحب واقعی دودھ کے دھلے ہیں کہ ان کے منہ سے کوءی عامیانہ بات نہیں نکلتی، یا پھر یہ صاحب بازاری گفتگو کرنے میں عام مردوں جیسے ہیں مگر ساتھ پرلے درجے کے جھوٹے ہیں۔ اور یہ صحافیانہ ذمہ داری پوری کرنا مشکل کام ہرگز نہیں نہیں ہے۔ مغلظات والی ویڈیو میں کءی جگہ اسٹوڈیو میں میزبان کے علاوہ دوسرے لوگوں کو دکھایا گیا ہے۔ ان لوگوں سے رابطہ کر کے بات کی تہہ تک پہنچا جا سکتا ہے۔ اب دیکھیں کون یہ اہم کام کرتا ہے۔

(اوپر انگریزی کے ٹاءٹل میں غلطی نہیں ہے، جان بوجھ کر عالم کو عامل لکھا گیا ہے کیونکہ مجھے یہ صاحب جادو ٹونے والے عامل ہی نظر آتے ہیں۔)

علم آن لاءن کی تصویر بشکریہ جیو ٹی وی
لندن بلوے کی تصویر بشکریہ
http://news.m3n4.com

افتی نسیم

2011-08-02T08:12:00.000-07:00

افتی نسیم

افتی نسیم کو دل کا دورہ پڑا اور وہ دو دن میں چٹ پٹ ہو گءے۔ افتی نسیم جب تک زندہ رہے مولوی کی پکڑ سے بچتے رہے اور اپنی کوشش میں کامیاب رہے مگر زندگی کی بازی ہارنے کے بعد روایتی مذہب کے جال میں پھنس گءے۔ ان کی نماز جنازہ ہوءی اور وہ شکاگو کے ایک قبرستان میں دفن ہوءے۔
افتی نسیم کی موت کے بعد ان کی یاد میں کءی اچھے تعزیتی مضامین سامنے آءے۔ ایسے مضامین میں مرحوم سے اپنے دیرینہ تعلقات کا حوالہ دیا جاتا ہے اور پھر مضمون میں وقفے وقفے سے معروف لوگوں کے ناموں کا چھڑکاءو کیا جاتا ہے جس سے قاری کو مرحوم کے ساتھ ساتھ مصنف یا مصنفہ کی شہرت کے بارے میں بھی یقین ہوجاتا ہے۔ میں نے ان مضامین کو غور سے پڑھا مگر کءی مضامین پڑھ کر مجھے خیال ہوا کہ جیسے ان تحریروں میں افتی نسیم کی ایک خاص بات کو چھپانے کی کوشش کی جارہی ہے۔ کہ اپنی جس اصلیت پہ افتی نسیم کو شرمندگی نہیں تھی اس پہ مضمون نگار شرمندہ ہے۔ افتی نسیم کی شہرت صرف اس وجہ سے نہیں تھی کہ وہ ایک اچھے شاعر تھے بلکہ ان کی شہرت اس وجہ سے تھی کہ وہ اردو کے ایک امرد پرست اچھے شاعر تھے۔ بہت سے لوگوں کو افتی نسیم کی شاعری پسند تھی مگر وہ افتی نسیم کی امرد پرستی سے نالاں تھے۔ افتی نسیم ببانگ دہل اپنی امرد پرستی کا اظہار کرتے تھے اور اپنے احباب اور مسلمان کیمونٹی کے ان لوگوں پہ ترس کھاتے تھے جو نہ جانے کس زمانے کے اخلاقی اقدار میں پھنسے ہیں اور ہم جنس پرست سمیت ان تمام لوگوں کو حقارت سے دیکھتے ہیں جو دنیا والوں کے " اعلی اخلاقی اقدار" پہ پورے نہیں اترتے۔ افتی نسیم جب تک پاکستان میں تھے اپنی "عجیب و غریب" اندرونی خواہشات پہ شرمندہ تھے۔ انہیں سمجھ میں نہیں آتا تھا کہ ان کا جنسی میلان ان کے ہم عمر دوسرے لڑکوں جیسا کیوں نہیں ہے۔ مگر امریکہ پہنچنے پہ، مغرب کے ہم جنس پرستوں کی بے باکی اور پراعتمادی دیکھنے پہ، افتی نسیم کو سمجھ میں آگیا کہ من کے اندر جو کچھ ہے اس کو چھپانے کا کیا فاءدہ۔ ہر قسم کی اخلاقی اقدار، بمشول وہ جو جنس سے متعلق ہیں، وقت کےساتھ ساتھ تبدیل ہوتی رہتی ہیں، تو پھر ایک خاص زمانے میں چند لوگوں کی اقدار سے زبردستی نباہ کرنے کی ضرورت ہی کیا ہے۔ اور یوں افتی نسیم چوبارے یعنی کلوزٹ سے باہر آگءے۔ انہوں نے برملا اپنی امرد پرستی کا اعلان کیا اور زمانے کو بتلایا کہ وہ ایک ڈھکوسلے کی زندگی نہیں جینا چاہتے جس میں وہ بھیڑ بکریوں کی طرح زمانے کی اخلاقی اقدار کی مار پہ چلتے رہیں۔
ہم میں سے اکثر لوگ موت کی اس شکل سے آشنا ہیں جس میں موت رفتہ رفتہ آتی ہے۔ کہ پہلے ایک شخص کسی طور سے بیمار پڑتا ہے اور پھر وقت کے ساتھ ساتھ یہ روگ جان لیتا جاتا ہے حتی کہ ایک روز زندگی کا ٹمٹماتا دیا بالکل بجھ جاتا ہے۔ افتی نسیم کی موت اچانک تھی۔ وہ اپنی پوری تواناءی کے ساتھ زندہ تھے اور پھر تیز روشنی دینے والا یہ دیا ایک روزاچانک بجھ گیا۔ افتی نسیم کی ناگہانی موت سے جہاں ان کے بہت سے دوستوں اور قدردانوں کو دھچکا پہنچا وہیں یار لوگوں کو زندگی کی بے ماءیگی کا سبق ایک دفعہ پھر ازبر ہوگیا۔ اکثر لکھنے والے اپنے شعور اور اپنی بصیرت کے بارے میں بلند خیالات رکھتے ہیں، یہ الگ بات کہ وہ محمد اقبال جیسی تعلی تک نہیں پہنچتے کہ خدا سے گڑگڑا کر دعا کریں کہ، میرا نور بصیرت عام کردے۔ ہر لکھنے والے کے ذہن میں ایک خاکہ ہوتا ہے کہ وہ اپنے اندر کی آواز، اپنے اندر کی روشنی اس طور سے نکال کر دنیا کے سامنے رکھے گا۔ بہت سے لوگ اس کام کو ٹالتے رہتے ہیں اور اپنے آپ کو بہلاتے رہتے ہیں کہ ایک دن جب انہیں فرصت ملے گی وہ کاغذ پہ وہ سب کچھ لکھ دیں گے جو وہ واقعی لکھنا چاہ رہے ہیں۔ افتی نسیم کی اچانک موت نے ہر لکھنے والے کو یہ پیغام دیا ہے کہ کل پہ کچھ نہ ٹالو، کل کس نے دیکھی ہے۔ نڈر بن کر جیو اور جو دل میں ہے اسے آج ہی کاغذ پہ منتقل کر کے دنیا کے سامنے پہنچا دو۔

سعودی عرب اور دبءی کے دوروں پہ چند خیالات

2011-07-04T16:24:00.000-07:00

جولاءی چار، دو ہزار گیارہ

ایک فکر کے سلسلے کا کالم

کالم شمار چالیس

سعودی عرب اور دبءی کے دوروں پہ چند خیالات

ہم ایک اچھے دور میں پیدا ہوءے ہیں۔ وہ سارے لوگ جو اپنی اپنی جگہ معاشرے میں بہت قوی مقام پہ نہیں ہیں آج ایک ایسے اچھے دور میں زندہ ہیں اور انہیں اپنی خوش قسمتی پہ فخر کرنا چاہیے۔ ماضی میں کمزور کی زندگی ذلت کی زندگی تھی۔ دنیا بھر کے انسان چاہے وہ کتنے ہی طاقتور کتنے ہی کمزور کیوں نہ ہوں کن بنیادی انسانی حقوق کے حقدار ہیں، اس بارے میں کوءی اتفاق راءے نہ تھا۔ طاقتور کمزور کو جس طرح چاہے دبا لے، اس بارے میں مکمل آزادی تھی۔ آج بھی دنیا میں بہت سی جگہوں پہ اسی طرح کا نظام راءج ہے مگر ان جگہوں پہ اس طرح کےغیر منصف نظام کے وجود کو ایک مہذب معاشرے، قانون کی حکمرانی سے منسلک فلسفے کی طرف سے شدید خطرہ ہے۔
ماضی میں جہاں ایک جگہ کے طاقتور شخص یا اشخاص کو آزادی تھی کہ وہ اپنے سے کمزور لوگوں سے جس طرح چاہے سلوک کریں وہیں یہ معاملہ من حیث الگروہ قوموں کے ساتھ بھی تھا۔ طاقتور قوم کمزور قوم کو جس طرح چاہے دبا لے، محکوم کو جس طرح چاہے غلام بنا لے، شکست خوردہ لوگوں کی عورتوں کو جس طرح چاہے اپنے حرم کا حصہ بنا لے، اس سلسلے میں مکمل آزادی تھی اور اپنی فتح کا اظہار مفتوح کی تذلیل کے ساتھ کرنے میں کسی قسم کی نفسیاتی خلش کا سوال بھی نہ پیدا ہوتا تھا۔
تبدیلی دنیا کا ایک ناقابل انحراف اصول ہے۔ کبھی کے دن بڑے اور کبھی کی راتیں۔ کمزور کے دن بدلتے ہیں اور طاقت اس کے ہاتھ آجاتی ہے۔ طاقتور کبھی کھیل کے اصول نہیں بدلنا چاہتا کیونکہ وہ تو جیت رہا ہوتا ہے۔ کھیل کے اصول بدلنے کی خواہش، دنیا کو منصف بنانے کی خواہش تو کمزور کے دل میں ہوتی ہے۔ ماضی میں بہت دفعہ ایسا ہوا کہ جب کمزور نے طاقتور کو اکھاڑ کر اعلی منصب پہ قبضہ کر لیا تو اس نے دنیا کو منصف بنانے کی خواہش ترک کر دی اور وہی طور طریقے اپنا لیے جو اس سے پہلے طاقتور لوگوں کے تھے۔ مگر پھر ایسا بھی ہوا کہ کءی جگہ نءے حکام نے اپنے اوپر پڑنے والا کڑا وقت یاد رکھا، پرانے طریقے چھوڑے اور معاشرے کو قانون اور انصاف کے تابع کرنے کی کوشش کی۔ ہم خوش قسمتی سے آج ایک ایسی ہی دنیا میں رہتے ہیں جہاں پچھلے دو ہزار سالوں میں کءی ایسے انقلابات آءے جن سے جنم لینے والے خیالات نے دنیا کو جمہوریت اور قانون کی حکمرانی کے فلسفے کی طرف مبذول کیا۔
یورپ میں صنعتی انقلاب کے نمو پہ تواناءی کے ذخاءر کی تلاش زور پکڑ گءی۔ کوءلے کی شکل میں موجود کروڑہا سال پرانے مدفون جنگلات کی کان کنی تو ایک عرصے سے ہورہی تھی، زیر زمین تیل اور گیس کے ذخاءر بھی انسان کی دسترس میں آگءے۔ مشین کی مدد سے تواناءی کے ایسے ذخاءر دریافت کیے گءے جن سے مزید مشینیں چل سکیں اور مزید کان کنی کی جا سکے۔ بیسویں صدی کے اواءل میں مشرق وسطی میں تیل کے ذخاءر دریافت ہونا شروع ہوءے۔ اس وقت تک دنیا میں اتنی تہذیب آچکی تھی کہ طاقتور کی طرف سے کھلی لوٹ مار ممکن نہ تھی۔ یورپی ممالک اور امریکہ یہ نہ کر پاءے کہ جہاں جہاں تیل کے ذخاءر دریافت ہوءے تھے وہاں مقامی لوگوں کو مار پیٹ کر ایک طرف کرتے اور ان خزانوں پہ قبضہ کر لیتے۔ اس متروک حکمت عملی کے بجاءے نوآبادیاتی نظام کا وہ طریقہ واردات استعمال کیا گیا جس میں علاقے کے طاقتور کو اپنے فاءدے کے لیے استعمال کیا جاتا ہے۔ یعنی یہ طریقہ کہ علاقے کے سب سے بڑے بدمعاش کو اپنے ساتھ ملایا جاءے، اپنا الو سیدھا کیا جاءے، اور بدمعاش جس طرح چاہے مقامی آبادی کے ساتھ سلوک کرے اسے ایسا کرنے دیا جاءے۔ یہ وہ تاریخی پس منظر ہے جس کی روشنی میں پاکستان کی موجودہ مذہبی شدت پسندی کو سمجھا جا سکتا ہے۔ کیونکہ ساٹھ اور ستر کی دہاءی میں جب مشرق وسطی میں عرب شیخوں نے نوحصول دولت کی مدد سے اپنے علاقوں کو سنوارنے کا کام شروع کیا تو انہیں ترقیاتی منصوبوں کی تکمیل کے لیے بڑے پیمانے پہ مزدوروں اور ہنر مند لوگوں کی ضرورت پڑی۔ پاکستان سمیت بہت سے ممالک سے لوگ جوق در جوق مشرق وسطی پہنچنے لگے۔ ترقیاتی منصوبوں کا خیال اور خاکہ پیش کرنے والے یورپی اور امریکی منصوبہ ساز تھے، رقم شیخ کی تھی، اور محنت پاکستان و ہندوستان سمیت بہت سے غریب ممالک کے مزدوروں کی تھی۔ جیسے جیسے مشرق وسطی کے ان ممالک کی سڑکیں بنتی گءیں اور وہاں اونچی اونچی روشن عمارتیں کھڑی ہوتی گءیں یہ ممالک اپنی مادی ترقی میں بظاہر ترقی یافتہ مغربی ممالک کی طرح ہوتے گءے۔ ہمارے لوگوں کے اگلے جتھے جب اسی اور نوے کی دہاءیوں میں وہاں گءے تو انہوں نے سعودی عرب اور مشرق وسطی کے دوسرے ممالک میں یہ چکاچوند مناظر دیکھے کہ وہاں صاف ستھری اور چوڑی سڑکیں ہیں، فلک بوس عمارتیں ہیں، شیخ اور مقامی آبادی سے نیچے قانون کی حکمرانی ہے، کھانے پینے کی فراوانی ہے اور اس کے ساتھ متووں کی ایک فوج ہے جو نماز کے وقت صلاة صلاة کہہ کر دکانیں بند کرواتی ہے اور عورتوں کو چھڑیاں مار کر نقاب گرانے کو کہتی ہے۔ اور ہمہ وقت دستیاب بجلی اور پانی کی فراہمی کے ساتھ ساتھ چوروں کے ہاتھ کاٹے جاتے ہیں اور جمعے کی نماز کے بعد قاتلوں کے سر قلم کیے جاتے ہیں۔ ہمارے ملک سے جانے والے بہت سے لوگوں کو اور خاص طور سے ایسے لوگوں کو جنہوں نے مغربی دنیا نہیں دیکھی تھی مشرق وسطی میں مغربی دنیا کی یہ سطحءی اور ادھوری نقل بہت پسند آءی۔ ان لوگوں کو خیال ہوا کہ کہ یہ ہے قابل تقلید "اسلام"۔ یہ خیال ہوا کہ جزیرہ نما عرب میں جو فرسودہ خیالات "اسلام" کے نام پہ لوگوں پہ ٹھونسے جا رہے ہیں ان کا اور جدیدیت کا آپس میں کوءی ٹکراءو نہیں ہے۔ مغربی ممالک کی یہ خرابی تھی کہ انہوں نے ایک گھٹیا نظام کو جسے مشرق وسطی کے اصحاب اثر " اسلام" کا نام دیتے تھے قاءم رہنے دیا اور نءی دولت کی مدد سے اس کمتر اور دقیانوسی نظام کے اوپر جدیدیت کا چمکدار ملمع چڑھ گیا، اور بہت سے بھولے لوگوں کو"اسلامی نظام" کا یہ مکمل پیکج بھا گیا۔ یہ نسخہ پاکستان جیسے نظریاتی ملک کے لیے زہر ہلاہل ثابت ہوا۔ عقل حیران ہے کہ ہم اب اس جال سے کیسے نکلیں گے ۔

کچھ حال شمالی کوریا کے دورے کا

2011-07-04T16:21:00.000-07:00

جون پچیس، دو ہزار گیارہ

ایک فکر کے سلسلے کا کالم

کالم شمار انتالیس

کچھ حال شمالی کوریا کے دورے کا

میں کبھی کسی سے تذکرہ کروں کہ مجھے شمالی کوریا جا کر بے حد مزا آیا تھا تو میرے سامعین میری طرف تشویش کی نظر سے دیکھتے ہیں۔ وہ شک کرتے ہیں کہ کہیں میں ایسا کٹر اشتراکی تو نہیں جو ایک اشتراکی نظام میں رہنے کا خواب دیکھ رہا ہے۔ میرے بزرگ سرپرست اور پاکستان کے مشہور وکیل عابد حسن منٹو فخر سے اپنے آپ کو اشتراکی اور مارکسسٹ کہتے ہیں مگر اشتراکیت ہو، ملاءیت ہو یا کینزیاتی سرمایہ داری نظام، میں کبھی کسی آءیڈیالوجی کو بلا تنقید دل و جان سے قبول نہ کر پایا۔ مجھے شمالی کوریا جا کر اس لیے مزا آیا تھا کیونکہ ایک خاص قسم کا معاشی و سیاسی نظام جو سوویت یونین کے ٹوٹنے پہ میرے خیال میں میرے مشاہدے سے ہمیشہ کے لیے کھو گیا تھا، وہ نظام مجھے شمالی کوریا میں مجھے دیکھنے کو مل گیا۔
سرمایہ داری نظام سے مخالف ایک متبادل معاشی نظام کو دیکھنے کی خواہش دراصل میرے بچپن کے چند تجربات سے جڑی ہوءی ہے۔ میں جب بہت چھوٹا تھا تو کسی رشتہ دار نے مجھے دنیا کا سیاسی نظام اس مختصر بیان سے سمجھانے کی کوشش کی تھی۔ "بیٹا، بات دراصل یہ ہے کہ دنیا میں دو ہی عالمی طاقتیں ہیں۔ ایک امریکہ اور دوسرا سوویت یونین۔ یہ دو عالمی طاقتیں اپنے حساب سے دنیا کے دوسرے ممالک کو چلاتی رہتی ہیں۔ پاکستان جیسے ممالک تو اس عالمی بساط پہ محض شطرنج کے پیادوں کی طرح ہیں۔ ہماری حیثیت ہی کیا ہے؟ یہ دو طاقتیں جوچاہیں ہمارے ساتھ سلوک کریں۔" اس اجمال سے میرے ذہن میں سوویت یونین کا ایک بہت مظبوط تصور ابھرا گو کہ مجھے نظر آتا تھا کہ امریکہ سے آگہی حاصل کرنا آسان تھا جب کہ سوویت یونین کے معاملات میں کچھ راز و نیاز نظر آتا تھا۔ مثلا امریکی فلمیں اور ٹی وی پروگرام باآسانی پاکستان میں دستیاب تھے جب کہ سوویت یونین کی طرف سے اس قسم کی کوءی ثقافتی یلغار نہ تھی۔ میں نے میٹرک اچھے نمبروں سے پاس کیا تو میرا داخلہ ڈی جے کالج میں ہوگیا۔ ڈی جے کالج جاتے ہوءے بس ایمپریس مارکیٹ سے گزرتی تھی۔ میں ہمیشہ بس کی کھڑکی سے لگ کر بیٹھتا تھا اور چلتی بس کے باہر ہوتا ہوا تماشہ غور سے دیکھتا تھا۔ جب بس ایمپریس مارکیٹ سے گزرتی تو مجھے ان ٹھیلوں پہ جو لنڈے کے کپڑے بیچتے تھے سفید فام لوگ مول تول کرتے نظر آتے۔ یہ وہ وقت تھا جب پاکستان کی پہلی اسٹیل مل روس کے تعاون سے بن رہی تھی۔ مجھے معلوم ہوا کہ لنڈے کے کپڑے خریدنے والے وہ لوگ روسی ہیں جو اسٹیل مل بنانے کے لیے پاکستان آءے ہوءے ہیں اور چھٹی کا وقت نکال کر ایمرپیس مارکیٹ آتے ہیں اور امریکہ سے آنے والی جینز اور دوسرے کپڑے ہنسی خوشی خریدتے ہیں۔ اس مشاہدے سے میرے دل میں سوویت یونین کی مضبوطی سے متعلق خیال کو کچھ دھچکا لگا۔ میں نے اپنے آپ سے سوال کیا کہ یہ کس قسم کی عالمی طاقت ہے جس کے شہری اپنے ہم پلہ دوسری عالمی طاقت کے شہریوں کے اترے ہوءے کپڑے پہنتے ہیں۔ دو سال کا کالج ختم ہوا تو ایک طویل چھٹیاں شروع ہوگءیں۔ اس وقت تک مجھے اتنی انگریزی آگءی تھی کہ میں انگریزی کی کتابیں پڑھ لیتا تھا۔ ان طویل چھٹیوں میں جہاں میں نے اور بہت سی کتابیں پڑھیں وہیں جیمز ہیڈلے چیز کے ناول بھی پڑھے۔ ان ناولوں میں مشرقی یورپ اور بالخصوص مشرقی المانیہ (جرمنی) کا تذکرہ عجیب الفاظ میں ہوتا تھا۔ ان ناولوں کا ایک کردار جب مغربی برلن سے مشرقی برلن جاتا تھا تو اشتراکی نظام پہ بہت ناک بھوں چڑھاتا تھا۔ اس کردار کو مشرقی یورپ میں بہت سی خرابیاں نظر آتیں۔ اسے وہاں کی نوکرشاہی نہ بھاتی۔ وہ اپنی گاڑی کو نہایت صاف ستھرا رکھنا چاہتا تھا۔ مگر یہ صفاءی اور نفاست اسے مشرقی یورپ میں میسر نہ آتی۔
میری روح میں جہاں نوردی کا جو شوق جنون کی حد تک حلول ہے وہ بہت سے محسنین کی صحبت کا تحفہ ہے۔ میں نے آوارہ گردی کی اسی خواہش میں سوچا تھا کہ ایک دن سوویت یونین ضرور جاءوں گا۔ اس لیے نہیں کیونکہ میں سوویت یونین کو اشتراکیت کا منبع اور نگاہ خیرہ کرنے والا ہیرا سمجھتا تھا بلکہ اس لیے کہ میں سوویت یونین جا کر سرمایہ داری نظام کے متبادل ایک نظام کے سب سے وسیع تجربے کو اپنی آنکھوں سے دیکھنا چاہتا تھا۔ مگرسوویت یونین میں اشتراکیت کا وہ تجربہ جھوٹ پہ چل رہا تھا۔ مزدوروں، کسانوں، اور دوسرے محنت کشوں کے نام پہ لایا جانے والا انقلاب ان جفا کشوں کو ان کا جاءز حصہ دینے سے قاصر رہا تھا اور انقلاب کے علم بردار وہی اشرافیہ بن چکے تھے جس اشرافیہ سے جان چھڑانے کا وعدہ کر کے انہوں نے محنت کشوں کو اپنے ساتھ ملایا تھا اور انقلاب کے لیے اکسایا تھا۔ سوویت یونین ایک جھوٹ تھا اور یہ جھوٹ بہت دیر نہ چل پایا۔ میں ابھی زیر تعلیم ہی تھا کہ سوویت یونین ٹوٹا اور کرچی کرچی ہو کر بکھر گیا۔ سوویت یونین کے ٹوٹنے پہ دنیا کا سیاسی نقشہ یکا یک بدلا اور اشتراکیت کے تجربات کرنے والے کءی ممالک اشتراکیت کے سحر سے اور ایک جھوٹ سے باہر آگءے۔ پورے مشرقی یورپ کی کایا پلٹ ہوگءی۔ دو ایسے ممالک جو معاشی نظریات کی بنیاد پہ دو لخت ہوءے تھے پھر مل گءے۔ مشرقی المانیہ مغربی المانیہ سے ملا اور شمالی یمن جنوبی یمن سے۔ دنیا میں اشتراکی جوھڑ تیزی سے خشک ہو رہے تھے۔
سیاحت میں میرا پہلا اشتراکی ملک کیوبا تھا۔ اس وقت تک میں ملک شام جا چکا تھا جو ایک زمانے میں سوویت یونین کا زبردست حلیف تھا۔ شام کے مقابلے میں کیوبا اشتراکی تجربے سے متعلق میرے ذہنی خاکے سے قریب تر معلوم دیا مگر یہاں بھی وہ راز و نیاز والی بات نہیں ملی جو سوویت یونین کے بارے میں سننے میں آتی تھی۔ تب ہی مجھے معلوم ہوا کہ دنیا میں صرف ایک ملک بچا ہے جہاں صحیح معنوں میں اشتراکی تجربہ اس حساب سے عمل پذیر ہے جس حساب سے پچاس کی دہاءی میں دنیا کے بہت سے کونوں میں یہ تجربہ شروع ہوا تھا۔ تب ہی میں نے ارادہ کیا کہ میں شمالی کوریا جاءوں اور جس قدر جلد ممکن ہو وہاں پہنچ جاءوں، اس سے پہلے کہ یہ خالص اشتراکی ملک سوویت یونین کی طرح ختم ہوجاءے۔ اور یوں سنہ ۲۰۰۷ میں شمالی کوریا جا کر میری آتما کو سکون آگیا۔ جیسا سنا تھا اس ملک کو ویسا ہی پایا۔ ہم لوگ ایک گروپ کی صورت میں پیویانگ پہنچے تھے۔ اس سفر کے لیے ہمیں شمالی کوریا کی حکومتی سیاحتی ایجنسی سے اجازت لینی پڑی تھی۔ ہمارا پورا سفر شمالی کوریا کی حکومت ہی نے تیار کیا تھا۔ کس دن کس وقت کونسا سیاحتی مقام ہمیں دکھایا جاءے گا، یہ سب انہوں ہی نے طے کیا تھا۔ ہمارے گروپ کے ساتھ دو مترجمین ہمہ وقت موجود رہتے تھے۔ وہ صبح ہمارے اٹھنے سے پہلے ہمارے ہوٹل پہ موجود ہوتے اور رات ہمارے سونے پہ ہی روانہ ہوتے تھے۔ ہم پہ پابندی تھی کہ ہم شمالی کوریا کے عام لوگوں سے نہیں مل سکتے تھے۔ اور نہ ہی ہم اپنے مترجمین کی اجازت کے بغیر کسی مقام یا کسی شخص کی تصویر کھینچ سکتے تھے۔ ہم پہ لازم تھا کہ ہم کم ال سنگ کے ہر مجسمے کو دیکھ کر اس کے سامنے جھک کر کورنش بجا لاءیں۔ اس دورے کے پہلے روز جب ایک مجسمے پہ مترجم نے ہم سے جھکنے کو کہا تو ہم نے بہانہ کیا کہ ہم مجسمے کو دیکھ کر پہلے ہی جھک چکے ہیں۔ مترجم نے کہا کہ ایسے نہیں، ہم باجماعت جھکیں گے۔ پھر گروپ کے سارے لوگوں کو ایک قطار میں کھڑا کیا گیا۔ جب مترجم نے اطمینان کر لیا کہ تمام لوگ ایک سیدھی لکیر میں مجسمے کے سامنے کھڑے ہیں اور آداب بجا لانے کے لیے تیار ہیں تو حکم آیا، جھکو۔ ہم سب باجماعت مجسمے کے سامنے جھکے اور پھر بات آگے بڑھی۔
ہفتہ بھر شمالی کوریا میں گزارنے کے بعد وہاں سے نکل کر میں نے اپنے اس تجربے کے بارے میں بہت سوچا۔ مجھے یہ سوچ کر افسوس ہوا کہ نہ جانے شمالی کوریا کے شہری کس دباءو کے تحت زندگی گزارتے ہوں گے۔ ان کی آزادی کس طرح سلب ہے کہ وہ حکام اعلی کو بتاءے بغیر ایک شہر سے دوسرے شہر نہیں جا سکتے۔ ایک ایسا ملک جہاں سارا زور ایک ہوے کو قاءم رکھنے پہ ہے۔ کہ ملک کو کسی طرح اچھی سے اچھی روشنی میں پیش کیا جاءے۔ ملک کی عزت پہ حرف نہ آءے۔ کہ اگر کوءی براءی ہے تو اسے چھپا لیا جاءے۔ ظاہر کہ شمالی کوریا کا یہ نظام بہت عرصہ نہ چل پاءے گا۔ مگر اس کے ساتھ مجھے شمالی کوریا میں یہ دیکھ کر اچھا لگا کہ بقیہ دنیا جس طرح ایک رنگ میں ڈھلتی جارہی ہے، شمالی کوریا اس علت سے آزاد ہے۔ اب دنیا کے کسی بھی بڑے شہر چلے جاءیے آپ کو وہاں کثیرالاقوامی کمپنیوں کے ایک طرح کے ساءن اور ایک طرح کی چیزیں نظر آءیں گی۔ مگر شمالی کوریا میں ایسا نہیں ہے۔ پورا ملک یوں لگتا ہے کہ جیسے سنہ پچاس میں ٹہر گیا تھا اور اب اسی جگہ جما کھڑا ہے۔ اور یوں شمالی کوریا ہم جیسے تنوع کے طلب گاروں کے لیے ایک بہترین سیاحتی مقام ہے۔

بے چاری ہما

2011-07-04T16:19:00.000-07:00

جون بیس، دو ہزار گیارہ

ایک فکر کے سلسلے کا کالم

کالم شمار اڑتیس

بے چاری ہما

رکن کانگریس انتھونی وینر نے بالاخر استعفی دے دیا۔ وینر کی ایسی فحش تصاویر منظر عام پہ آءیں تھیں جو وینر نے خود اتاری تھیں۔ وینر پہ الزام تھا کہ انہوں نے اپنی یہ تصاویر مختلف خواتین کو الیکٹرانک ڈاک کے ذریعے روانہ کیں۔ وینر کی ان برہنہ تصاویر کے سامنے آنے پہ سب سے پہلے تو وینر نے جھوٹ بولا کہ ان تصاویر کی اشاعت ان کا نہیں کسی اور کا کام ہے۔ کسی نے یقینا ان کا ٹوءٹر کھاتہ چوری کیا ہوگا اور پھر اس کھاتے سے ان خواتین کو یہ تصاویر روانہ کی ہوں گی۔ گویا پہلے مرحلے میں وینر نے اتنا قبول کیا کہ فحش تصاویر ان کی اپنی تھیں جو انہوں نے خود اتاری تھیں مگر وہ ان تصاویر کو کسی کو بھیجنے کا ارادہ نہیں رکھتے تھے۔ کوءی دل جلا آیا جس نے ان کا الیکٹرانک کھاتہ چوری کیا اور پھر ان کے پی ڈی اے میں موجود یہ تصاویر چند خواتین کو ارسال کر دیں۔ ہفتہ دس دن اسی تفتیش میں گزر گءے کہ وہ کون چور تھا جس نے وینر کا کھاتہ چوری کر کے یہ کام کیا۔ مگر رفتہ رفتہ یہ بات واضح ہو گءی کہ کسی نے وینر کا کھاتہ چوری نہیں کیا تھا۔ وینر نے اپنی فحش تصاویر کی اشاعت کا کام خود ہی کیا تھا۔
امریکی عوام اپنے منتخب نماءندوں سے اعلی توقعات رکھتی ہے۔ مگر وینر کی ان حرکتوں کے باوجود لوگ وینر کو معاف کرنے کے لیے تیار تھے اگر وینر نے یہ ساری حرکتیں اپنے دفتری اوقات کے باہر ، دفتر سے باہر، اپنے ذاتی فون اور دوسرے آلات کو استعمال کرتے ہوءے کی ہوتیں۔ مگر ایسا نہ تھا۔ وینر نے سرکاری جگہ کا استعمال اور سرکاری فون کا استعمال کرتے ہوءے یہ کام کیا تھا۔ قصہ مختصر یہ کہ وینر نے اپنے لوگوں کے اعتماد کو بری طرح مجروح کیا تھا۔
وینر کا جنسی اسکینڈل امریکی سیاست کا نہ تو پہلے جنسی اسکینڈل تھا اور نہ ہی آخری ہوگا۔ قریبا ماہ بھر پہلے کیلی فورنیا کے گورنر یہ اعتراف کر چکے تھے کہ ان کے جنسی تعلقات اپنی ایک ملازمہ کے ساتھ رہے تھے اور ان تعلقات کے نتیجے میں ایک لڑکا پیدا ہوا جو اب دس سال کا ہو چکا ہے۔
پھر اس سے پہلے ناءب صدر کے لیے انتخاب لڑنے والے امیدوار جان ایڈورڈز کے جنسی اسکینڈل منظر ٰعام پہ آچکے تھے۔ آرنلڈ شوارٹزنیگر کے اعتراف سے کچھ ہی پہلے امریکی فوج کے ایک دستے نے اسامہ بن لادن کو مارا تھا اور خبر آءی تھی کہ ہلاکت سے پہلے اسامہ اپنی تین بیویوں کے ساتھ ایبٹ آباد کے اس گھر میں رہا کرتا تھا۔
وینر کے اسکینڈل کی اشاعت پہ میرے دل میں خیال آیا کہ ایک پوسٹر ہو جس پہ وہ سارے امریکی سیاست داں منہ لٹکاءے دکھاءے جاءیں جو کسی نہ کسی جنسی اسکینڈل میں ملوث رہے اور اسکینڈل کے سامنے آنے پہ عوام کے سامنے رسوا ہوءے۔ اسی پوسٹر پہ لٹکے ہوءے منہ والے ان لوگوں کی تصاویر کے نیچے اسامہ بن لادن کی مسکراتی ہوءی ایک تصویر مع اس کی تین بیویوں کے ساتھ ہو۔
یہ بات تو خیر مذاق کی تھی مگر یہ حقیقت ہے کہ پے در پے سامنے آنے والے ان اسکینڈلوں کی روشنی میں موجودہ دور کے اخلاقی معیاروں کو ازسر نو جانچنے کی ضرورت ہے۔
انسان کی بنیادی جبلت میں جہاں زندہ رہنے کی خواہش نہایت قوی ہے وہیں اپنی نسل کو آگے بڑھانے کی خواہش بھی شدید قوت رکھتی ہے۔ انسان کی زندگی کے مقصد سے متعلق سوال پوچھا جاءے تو یہ سوال کسی قدر فلسفیانہ معلوم دیتا ہے مگر اور قسم کے حیاتی نمونوں میں زندگی کا مقصد صرف اور صرف ایک نظر آتا ہے اور وہ ہے زندگی کو قاءم رکھنا یعنی اپنی جان بچانا اور پھر زیادہ سے زیادہ بچے پیدا کر کے زندگی کے سفر کو آگے بڑھانا۔ جانوروں کا مشاہدہ کیجیے تو آپ کو اکثر صورتوں میں ایک نر کءی ماداءوں کے ساتھ گھومتا پھرتا نظر آءے گا۔ انسان بھی ایک ایسا ہی جانور ہے۔ کثیرالازداجی کی جبلت رکھنے والے اس جانور کو یک ازدواجی کے پنجرے میں بند کرنے کی کوشش کی جا رہی ہے اور یہ کوشش مستقل ناکام ہو رہی ہے۔
کچھ عرصہ پہلے جب نیویارک کے گورنر ایلیٹ اسپٹزر کا جنسی اسکینڈل سامنے آیا تو ایک دوست نے حیرت کا اظہار کیا کہ اتنے مصروف لوگ ان کاموں کے لیے وقت کیسے نکال لیتے ہیں۔ میں نے انہیں بتایا تھا کہ مرد چاہے کتنا ہی مصروف کیوں نہ ہو اس کے پاس ایک یا ایک سے زاءد عورتوں کے لیے وقت نکالنا کوءی مشکل بات نہیں ہے کیونکہ یہ انسان کی بنیادی حیوانی جبلت ہے۔ (نو میٹر ہاءو بزی اے مین از، ہی کین آلویز فاءنڈ ٹاءم فار این افءیر)۔
وینر کے اقرار پہ جب لوگوں نے زور دیا کہ وینر رکنیت کانگریس سے مستعفی ہوں
تو انہوں نے کہا کہ وہ اپنی بیوی سے مشورہ کر کے یہ کام کریں گے۔ واضح رہے کہ وینر کی پاکستانی نژاد بیوی ہما عابدین جو کہ ہلری کلنٹن کی معاون ہیں اس وقت ملک سے باہر تھیں۔ عقل یہ سمجھنے سے قاصر تھی کہ ایک شخص اپنی بیوی سے یہ بات کیسے کہے گا کہ، "بیگم، میں نے اپنی چند فحش تصاویر مختلف خواتین کو روانہ کیں تھیں۔ کیا اس بات پہ مجھے استعفی دے دینا چاہیے؟" کیا یہ شخص اپنی بیوی سے یہ توقع رکھے گا کہ وہ نیک خاتون سر جھکا کر کہے گی، "سرتاج، آپ اتنی سی بات پہ کیوں پریشان ہوتے ہیں؟ آپ چنداں فکر نہ کریں اور استعفی دینے کا خیال دل سے نکال دیں۔ جب بل کلنٹن نے سارے مزے اٹھانے کے بعد بھی استعفی نہ دیا تو آپ نے تو محض فحش تصاویر ہی چند خواتین کو ارسال کیں تھیں۔ اور آپ کو کیا خبر تھی کہ جن لوگوں کو یہ تصاویر ارسال کی جارہی ہیں وہ نوجوان لڑکیاں ہیں؟ وہ لمبی لمبی داڑھیوں والے مرد بھی تو ہو سکتے تھے۔"
مذاق برطرف، میں سوچتا ہوں کہ نہ جانے ہما عابدین اس وقت کیا سوچ رہی ہوگی؟ کیا ہما، جو اس وقت حاملہ ہے، اپنے شوہر سے سخت ناراض ہے اور وینر کی ان حرکتوں پہ اس سے علیحدگی چاہتی ہے؟ کاش کہ ایسا نہ ہو۔ بہتر یہ ہوگا کہ ہما، وینر سے معافی طلب کرے اور اپنے شوہر کی معافی کے جواب میں اسے معاف کر دے۔ امید ہے کہ وینر کے اسکینڈل پہ ہما نے اپنی باس ہلری سے مشورہ کیا ہوگا۔ اور ہلری نے اپنے ذاتی تجربے کی روشنی میں ہما کو سمجھایا ہوگا کہ، "یہ مرد ذات ہے بہت خبیث۔ لیکن اگر تمہیں کسی نہ کسی مرد کے ساتھ ہی گزارا کرنا ہے تو بہتر ہے کہ اسی کے ساتھ نباہ کرتی رہو جس کے ساتھ تم نے کچھ وقت گزارا ہے۔ وینر کو چھوڑ کر اگر تم کسی اور مرد کے پاس جاءو گی تو اس مرد کو وینر سے بہت زیادہ مختلف نہ پاءو گی۔"

حکمرانی کس کی؟ طاقت کی یا قانون کی؟

2011-07-04T16:17:00.000-07:00

جون تیرہ، دو ہزار گیارہ

ایک فکر کے سلسلے کا کالم

کالم شمار سینتیس

حکمرانی کس کی؟ طاقت کی یا قانون کی؟

بہت سے لوگ جو پاکستان میں انقلاب کی راہ دیکھ رہے ہیں سرفراز شاہ نامی نوجوان کی کراچی میں رینجرز کے ہاتھوں ہلاکت کے بعد امید رکھتے تھے کہ سرفراز شاہ پاکستان کا محمد بو عزیزی ثابت ہوگا۔ کہ سرفراز شاہ کے قتل سے ایک انقلاب بپا ہوگا جو آنا فانا پورے ملک کو اپنی لپیٹ میں لے لے گا اور عام پاکستانی کے دن یکسر پھر جاءیں گے۔ انقلاب کا یہ خواب یقینا شرمندہ تعبیر نہ ہوگا مگر سرفراز شاہ کی بے بس موت نے پورے ملک کو ہلا کر رکھ دیا ہے۔ سرفراز شاہ کی ہلاکت کے بعد اس واقعے کی ویڈیو ذرا سی دیر میں انٹرنیٹ کے ذریعے دنیا کے کونے کونے میں پھیل گءی۔ میں اکثر ذمہ دار صحافت کا راگ الاپتا رہتا ہوں مگر میڈیا سے اس واقعے کی بے مہار تشہیر کے سلسلے میں دو متضاد راءے رکھتا ہوں۔ ایک طرف تو میں الیکٹرانک میڈیا سے ناراض ہوں کہ انہوں نے اس قدر پرتشدد اور گھناءونی ویڈیو بار بار ٹی وی پہ دکھا کر، اور اس ویڈیو کی انٹرنیٹ پہ عام تشہیر کر کے اچھا نہیں کیا۔ بہت سے نفسیاتی تجزیوں سے یہ بات ثابت ہو چکی ہے کہ لوگوں کو پرتشدد ویڈیو دکھانا کوءی احسن عمل نہیں ہے کیونکہ ایسے ویڈیو دیکھ کرعام لوگ اور بالخصوص کم سن جوان کرخت دل ہو جاتے ہیں اور معاشرے میں ہونے والے دیگر مظالم کو آسانی سے قبول کرنے کے لیے ذہنی طور پہ تیار ہو جاتے ہیں۔ پرتشدد واقعات چشم دید یا میڈیا کے توسط سے دیکھنے سے کسی شخص کی انسانیت ایک قدم پیچھے ہٹ جاتی ہے اور وہ شخص ذہنی طور پہ قبول کر لیتا ہے کہ دنیا ایسی ہی جگہ ہے جہاں تشدد عام ہے اور ایسے واقعات پہ زیادہ ناک بھوں چڑھانے کی ضرورت نہیں ہے۔ میں نہ خود ایسا انسان بننا چاہتا ہوں اور نہ ہی یہ چاہتا ہوں کہ دوسرے لوگ ایسے سنگ دل بن جاءیں۔ مگر اس کے ساتھ جب میں دیکھتا ہوں کہ سرفراز شاہ کی ہلاکت کی ویڈیو نے کس طرح لوگوں کو ہلا کر رکھ دیا ہے تو دل کسی قدر مطمءن ہوتا ہے۔ دنیا بالعموم اور پاکستان بالخصوص ایک بہت ظالم جگہ ہے۔ پاکستان میں ہر طرح کا ظلم ہمہ وقت رواں ہے۔ قانون صرف غریب اور کمزور پہ لاگو ہوتا ہے۔ وہاں دراصل طاقت ہی اصل قانون ہے۔ مگر پاکستان کے شہری علاقوں میں بسنے والے بہت سے متوسط اور متمول طبقات کے لوگ پاکستان کی اس اصل حقیقت سے یکسر لا علم ہیں۔ سرفراز شاہ کی ہلاکت نے ایک کمینی حقیقت کو ہر پاکستانی کے سامنے یوں لا کھڑا کیا ہے کہ اب اس کا اس حقیقت سے نظریں چرانا ممکن نہیں ہے۔ یہ ویڈیو عام لوگوں کو عمل کے لیے اکسا رہی ہے۔ ان کو جھنجھوڑ رہی ہے اور کہہ رہی ہے کہ بتاءو، اب کیا کرو گے۔ کیا اب بھی آنکھیں بند رکھو گے اور خیال کرو گے کہ بس ملک یوں ہی چلتا رہے گا، یا ملک میں ایک منصف معاشرے کے قیام کے لیے ہاتھ ضرور بٹاءو گے؟
رینجرز کے جن اہلکاروں نے سرفراز شاہ کو گولیاں ماریں ان کا کہنا تھا کہ سرفراز شاہ ایک راہ زن تھا جو کسی شخص کا دستی فون چھین کر بھاگا تھا۔ رینجرز اہلکاروں کے اس بیان کی روشنی میں کچھ لوگوں کا خیال ہوا کہ سرفراز شاہ کے ساتھ جو کچھ ہوا ٹھیک ہی ہوا۔ لوگوں کی ایسی کجی سوچ ایک کچے ذہن کی نشاندہی کرتی ہے۔ ایک ایسا ذہن جس نے کبھی یہ نہ سوچا ہو کہ معاشرے میں قانون کی بالادستی کی اہمیت کیا معنی رکھتی ہے، اور یہ نہ جانا ہو کہ ماوراءے عدالت "انصاف" دراصل ایک گدلا عمل ہے جس میں عمل کا منصف ہونا یا نہ ہونا کبھی ثابت نہ ہوپاءے گا۔
سرفراز شاہ کی ہلاکت کے سسلسلے میں بہت سے لوگوں کا اس ماوراءے عدالت کارواءی پہ مطمءن ہوجانا بھی دراصل نفسیاتی طور پہ عالمی فکری تحریکوں سے متاثر ہونے کی ایک شکل ہے۔ کہ آپ نے اور میں نے دیکھا کہ کچھ ہی عرصہ پہلے امریکہ کے صدر نے ایک مفرور ملزم، اسامہ بن لادن، پہ شب خون مار کر اسے ہلاک کرنے کے عمل پہ اپنی خوشی کا اظہار کیا اور کہا کہ "انصاف ہو گیا۔" موسیقی ہو یا ٹیکنالوجی، فیشن ہو یا ساءنس، پچھلی کءی دہاءیوں سے امریکہ تمام تحریکوں میں دنیا کا بے تاج بادشاہ مانا جاتا ہے اور یہاں سے اٹھنے والی فکری لہریں جلد یا بدیر پوری دنیا کو اپنی جکڑ میں لے لیتی ہیں۔ جب ایسے اہم ملک کا صدر ایک ماوراءے عدالت کارواءی پہ یوں سینہ ٹھونک کر کہے کہ "انصاف ہوگیا" تو ایسی احمقانہ سوچ کا دنیا کے چپے چپے میں پھیل جانا کوءی حیرت کی بات نہیں۔

دیوار کھوکھلی ہو رہی ہے

2011-07-04T16:14:00.000-07:00

ایک فکر کے سلسلے کا کالم

کالم شمار چھتیس

دیوار کھوکھلی ہو رہی ہے

ملکوں اور قوموں کی ساری طاقت اپنے اندر کی طاقت سے ہوتی ہے جو عسکری طاقت سے کہیں زیادہ قوی شے ہوتی ہے۔ اس طاقت کا منبہ انصاف ہوتا ہے۔ جو معاشرے منصف ہوتے ہیں، جہاں کام قانون کے تحت ہو رہے ہوتے ہیں، اور لوگوں کو انصاف ہوتا نظر آتا ہے وہاں لوگ مطمءن ہوتے ہیں۔ لوگوں کو معلوم ہوتا ہے کہ وہ محنت سے کام کریں گے اور قانون کے حساب سے چلیں گے تو انہیں کوءی تکلیف نہیں ہوگی۔ عوام کو اپنی حکومت سے کوءی گہری اور بنیادی شکایت نہیں ہوتی۔ عوام اپنے آپ کو ریاست کا جز سمجھتے ہیں اور ریاست کی بقا میں اپنی بقا دیکھتے ہیں۔ اس بات کا امکان بہت کم ہوتا ہے کہ کسی ایسے مضبوط ملک پہ کوءی باہر سے آکر حملہ کرے اور اس پہ قبضہ کر کے عوام کو غلام بنا لے۔ اس کے مقابلے میں تاریخ ایسی مثالوں سے بھری پڑی ہے کہ عظیم الشان تہاذیب، وسیع و عریض رقبے کا محاکمہ کرتے ممالک پہلے اندر سے کمزور ہوءے اور پھر کسی بیرونی طاقت نے گرتی ہوءی دیوار کو آخری دھکا دینے کا کام کر دیا۔ ہم نے اپنی زندگی میں سوویت یونین جیسے بڑے ملک کو ذلیل و خوار ہو کر ٹوٹتا بکھرتا دیکھا ہے۔ سوویت یونین افغانستان میں اپنی ہار کی وجہ سے نہیں ٹوٹا بلکہ اس لیے ٹوٹا کیونکہ وہ اندر سے کھوکھلا تھا۔ افغانستان کی جنگ تو محض گرتی ہوءی دیوار کے لیے آخری دھکا ثابت ہوءی۔ افغانستان کی جنگ کی وجہ سے سوویت یونین سنہ ۸۹ میں ٹوٹ گیا۔ اگر افغانستان کی جنگ نہ ہوتی تو شاید سوویت یونین کچھ سال اور چل جاتا، مگر وہ ملک جس قسم کے تضادات اور ناانصافیوں کا حامل تھا اس کا بہت عرصے چلنا ممکن نہ تھا۔ افغانستان پہ امریکی قبضے کی واجبی وجہ امریکی افواج کا تیس ہزار فٹ کی بلندی سے بم گرانا تھا، اصل وجہ زمین پہ شمالی اتحاد کی موجودگی تھی۔ اور خود ہمارے ملک کی تاریخ دیکھیے تو معلوم ہوگا کہ مشرقی پاکستان علیحدہ ہو کر بنگلہ دیش ہندوستان کی فوجی کارواءی کی وجہ سے نہیں بنا۔ بلکہ ہندوستان کی فوجی کارواءی تو محض کھوکھلی دیوار کو آخری دھکے کے مترادف تھی۔ دیوار کو تو ہم نے خود کھوکھلا کیا تھا۔
آج پاکستان کے وجود کو ایک بار پھر جو خطرہ ہے وہ اندرونی عناصر سے ہے۔ اگر پاکستانی طالبان یا ان سے منسلک گروہ پاکستانی ریاست کے خلاف لڑ رہے ہیں تو وہ ہمارے ہی لوگ ہیں اور بہت سی وجوہات کی وجہ سے پاکستان سے اتنے نالاں ہیں کہ وہ پاکستان میں کشت و خون کا بازار گرم کرنا چاہتے ہیں اور رہا سہا نظام تباہ و برباد کرنے کے درپے ہیں۔ باہر کے دشمن کو سنبھالنا پھر بھی آسان ہوتا ہے مگر اندر کا آدمی دشمن بن جاءے تو اسے سنبھالنا بہت مشکل کام ہے۔ اندر کے دشمن سے لڑنے کے لیے بہت سمجھ بوجھ کی ضرورت ہوتی ہے۔
اخباری اطلاعات کے مطابق پی این ایس مہران پہ حملے کے بعد ہونے والی تفتیش سے معلوم ہوا ہے کہ طالبان بندرگاہ پہ موجود تیل کے ٹینکوں، اور بجلی گھروں وغیرہ کو بھی نشانہ بنانے کا اردہ رکھتے ہیں۔ اگر طالبان کسی حد تک بھی بربادی کے ان ارادوں میں کامیاب ہو گءے تو اس غریب ملک کا کیا بنے گا؟ وہاں تو پہلے ہی بجلی کی شدید قلت ہے اور پورا نظام شکستہ ہے۔ اگر مرکزی نظام بالکل ہی ٹوٹ گیا تو مسلح گروہ اپنے اپنے علاقوں پہ قابض ہو جاءیں گے اور پاکستان صومالیہ جیسی ایک ریاست بن جاءے گا۔
ایک جملے میں پاکستان کی موجودہ صورتحال کو یوں بیان کیا جاسکتا ہے کہ وہاں امریکہ شدت پسندوں کو نشانہ بنا رہا ہے اور پاکستان میں موجود شدت پسند امریکہ کا بال بیکا نہیں کر سکتے چنانچہ وہ اپنا غصہ پاکستان پہ نکال رہے ہیں۔ سنہ ۲۰۰۱ میں جنرل پرویز مشرف نے پاکستان کو جس جنگ میں دھکیل دیا تھا، سنہ ۲۰۰۸ میں جمہوری حکومت کے آنے کے بعد اس جنگ سے باہر نکل آنا چاہیے تھا مگر افسوس کہ ایسا نہ ہوا۔ شدت پسندی سے جنگ پاکستان کی بقا کی جنگ ہے۔ یہ جنگ پاکستان کو خود اپنے طور پہ لڑنی ہے، بغیر کسی بیرونی مدد کے۔ اس جنگ کو اکیلے لڑنے ہی میں پاکستان کی بقا کا راستہ پوشیدہ ہے ورنہ اس ملک کی شکست و ریخت دیوار پہ لکھی نظر آ رہی ہے۔

دہشت گردی کے خلاف جنگ اور عام پاکستانی

2011-07-04T16:11:00.000-07:00

مءی تءیس، دو ہزار گیارہ

ایک فکر کے سلسلے کا کالم

کالم شمار پینتیس

دہشت گردی کے خلاف جنگ اور عام پاکستانی

جس وقت یہ کالم لکھنا شروع کیا تھا اس وقت یہاں کیلی فورنیا میں اتوار کی رات تھی اور کراچی میں پیر کی صبح ۔ پی این ایس مہران پہ دہشت گردوں کا حملہ جاری تھا۔ ایک خبر کے مطابق تحریک طالبان پاکستان کے ایک ترجمان نے فون کر رواءٹرز کو بتایا تھا کہ ان کے گروہ نے یہ حملہ اسامہ بن لادن کی ہلاکت کے انتقام میں کیا ہے۔ یہ بھی معلوم ہوا تھا کہ دہشت گردوں کے پاس تین دن کا کھانے پینے کا سامان اور طویل لڑاءی کے لیے اسلحہ موجود تھا۔ تازہ ترین اطلاعات کے مطابق اب یہ معرکہ ختم ہوچکا ہے۔ مگر اس دلیر حملے نے بہت سے رازوں پہ سے پردے اٹھا دیے ہیں اور دنیا بھر میں سوچنے سمجھنے والے لوگوں کو فکر کا نیا سامان مہیا کر دیا ہے۔ پی این ایس مہران پہ حملے کی خبر سن کر سب سے پہلا خیال یہ آیا تھا کہ حملہ آور بلوچ قوم پرست ہو سکتے ہیں۔ مگر جب معلوم ہوا کہ حملہ آور نقصان کر کے فرار نہیں ہونا چاہتے بلکہ وہیں رک کر مقابلہ کر رہے ہیں اور اس طرح اپنی موت کی طرف بڑھ رہے ہیں تو واضح ہو گیا کہ یہ لوگ یقینا گمراہ مسلمان ہیں۔ ایک پاگل عیساءی، یا پاگل ہندو، یا پاگل یہودی، یا پاگل قوم پرست اپنی جان کا نذرانہ دینے کے لیے اتنا بیتاب نہیں ہوتا، جتنا بے چین ایک پاگل مسلمان ہوتا ہے۔ امید ہے کہ اس حملے کی توجیہہ جان کر لوگوں کے یہ شکوک و شبہات ختم ہوگءے ہوں گے کہ مءی دو کا واقعہ محض جھوٹ تھا۔
فوجی کسی ملک کا بھی ہو کبھی اپنی ذہانت و چالاکی کے لیے مشہور نہیں رہا۔ امریکہ کے ان نیوی سیل کمانڈوز کو ہی لے لیجیے جنہوں نے آٹھ ماہ تک اسامہ بن لادن کے ایبٹ آباد کے ٹھکانے پہ حملہ کرنے کی مشق کی اور ساتھ ہی یہ مشق بھی کہ کس طرح ہیلی کاپٹروں سے اتر کر پشتو میں چلا چلا کر محلے والوں کو بتانا ہے کہ وہ اپنے گھروں سے باہر نہ نکلیں۔ ان بے وقوف کمانڈوز کو نہ تو کسی نے بتایا اور نہ ہی ان کی اپنی کھوپڑی چلی کہ انٹرنیٹ کی مدد سے معلوم کر لیتے کہ ایبٹ آباد میں پشتو نہیں ہندکو بولی جاتی ہے۔ تو اگر چار چھ دہشت گرد نہایت سہولت سے پی این ایس مہران میں داخل ہو گءے اور اس فوجی اڈے کی حفاظت پہ معمور فوجیوں کو کانوں کان خبر نہ ہوءی تو اس قدر تعجب کی بات نہیں ہے۔ کچھ لوگوں کا خیال ہے کہ حملہ آوروں نے جس طرح راکٹوں کی مدد سے اوراین جاسوسی طیارہ تباہ کیا ہے اس سے معلوم ہوتا ہے کہ ان حملہ آوروں کو اچھی طرح معلوم تھا کہ فوجی اڈے میں داخل ہو کر کہاں جانا ہے اور کس کھڑے طیارے کو تباہ کر کے زیادہ سے زیادہ نقصان کرنا ہے۔ مگر میں اس جاسوسی طیارے کی تباہی کے واقعے کو بہت زیادہ اہمیت نہیں دیتا۔ اگر آپ رات کے اندھیرے میں کسی فوجی اڈے میں نقصان کرنے کی نیت سے داخل ہوں تو آپ اس جگہ جاءیں گے جو سب سے زیادہ نمایاں ہوگی۔ اور پی این ایس مہران میں ایک چالیس فٹ اونچے طیارے سے زیادہ نمایاں عسکری اہمیت کی شے کیا ہوسکتی تھی؟
مگر پاکستانی فوجی تنصیبات پہ دہشت گردوں کے پے درپے حملوں سے پاکستانی فوج کی کمزوری دنیا پہ عیاں ہو گءی ہے۔ پاکستان اور پاکستانی فوج کے دشمن یقینا ان واقعات کو دلچسپی سے دیکھ رہے ہوں گے اور انہیں اپنے مذموم عزاءم کو عملی جامہ پہنانے کے لیے شہ مل رہی ہوگی۔ پاکستانی فوج کی اس پرکھ کے ساتھ یہ سوال بھی اٹھایا جا رہا ہے کہ پاکستانی کے جوہری اثاثے کیا واقعی محفوظ ہیں یا دہشت گرد حساس فوجی مقامات پہ حملہ کر کے ان جوہری اثاثوں کو بھی اپنے قبضے میں کر سکتے ہیں۔
میں کبھی کبھی سوچتا ہوں کہ اگر نو گیارہ کے واقعے کے وقت پاکستان میں ایک جمہوری حکومت ہوتی تو کیا ہوتا۔ جنرل پرویز مشرف تو مطلق العنان حکمراں تھے، انہیں دہشت گردی کے خلاف جنگ میں پاکستان کو امریکہ کا حواری بنانے کے سلسلے میں بہت سے لوگوں سے مشورہ لینے کی ضرورت نہیں پڑی۔ اگر پرویز مشرف کی جگہ اس وقت ایک جمہوری حکومت ہوتی تو شاید اس جنگ میں کودنے کے بارے میں زیادہ غورو خوض کیا جاتا۔ کیا اس بات کا امکان تھا کہ ایسی پاکستانی حکومت مذہبی جماعتوں کے زور میں آکر امریکہ کی جنگ لڑنے سے معذوری کا اظہار کر دیتی؟ اگر ایسا ہوتا تو پھر کیا ہوتا؟ کیا مذہبی شدت پسندی سے لڑاءی ہمیشہ کے لیے ٹل جاتی یا اعتدال کا مقابلہ انتہا پسندی سے کبھی نہ کبھی ہونا ہی تھا اور یہ لڑاءی جتنی زیادہ دیر ٹلتی انتہا پسندی اس قدر زیادہ طاقتور ہوتی جاتی؟ اس لیے بہتر ہی ہوا کہ یہ لڑاءی شروع ہوگءی؟ مگر امکانات کی یہ پہیلیاں محض ذہنی معرکے ہیں۔ حقیقت یہ ہے کہ اس وقت پاکستان اپنے آپ سے برسرپیکار ہے اور پاکستان میں رہنے والے زیادہ تر لوگ شدید ذہنی اذیت کا شکار ہیں۔ لگتا ہے کہ امریکہ کی طرف سے "القاعدہ" اور "طالبان" پہ حملے جاری رہیں گے اور ان حملوں کے انتقام میں شدت پسندوں کی طرف سے جوابی حملے پاکستان کے خلاف کیے جاءیں گے۔ اس صورت میں پاکستان میں رہنے والے عام لوگ کیا کریں؟ ہاتھیوں کی اس احمقانہ لڑاءی میں چیونٹیاں اپنی حفاظت کا انتظام کیسے کریں؟ اس نہایت مشکل سوال کا ایک آسان جواب ہے جس پہ عمل درآمد مشکل ضرور ہے مگر ناممکن نہیں ہے۔ مملکت پاکستان مرکزی نظام حکومت کی جس بتدریج کمزوری اور بالاخر ناکامی کی طرف بڑھ رہی ہے، پاکستان میں رہنے والے لوگ اسے دل سے قبول کر کے اپنی جان بچانے کا انتظام کریں۔ اپنے اپنے علاقے کا انتظام سنبھال لیں۔ اس مفروضے کے ساتھ کام کریں کہ مرکزی نظام حکومت کا سایہ آپ کے سروں سے اٹھ چکا ہے اور اب آپ کو اپنے علاقے کے لوگوں کے ساتھ مل کر اپنی حفاظت، اپنی معیشت، اپنی ضروریات کا انتظام کرنا ہے۔

پاکستان میں فوج-حکومت معاملہ

2011-07-04T16:09:00.000-07:00

مءی سولہ، دو ہزار گیارہ

ایک فکر کے سلسلے کا کالم

کالم شمار چونتیس

پاکستان میں فوج-حکومت معاملہ

جس قدر محیرالعقل ستمبر گیارہ، دوہزار ایک کا واقعہ تھا، اتنا ہی عجیب و غریب مءی دو، دوہزار گیارہ کا واقعہ تھا۔ ایبٹ آباد کا واقعہ دو ہفتے سے زیادہ پرانا ہو چکا ہے مگر اس واقعے پہ اب تک زوردار بحث جاری ہے۔ امریکہ میں بالخصوص اور مغربی دنیا میں بالعموم عام لوگوں کو یہ جاننے میں دلچسپی ہے کہ آیا پاکستانی فوج کے علم میں یہ بات تھی کہ اسامہ بن لادن ایبٹ آباد کے ایک گھر میں پانچ سال سے رہ رہا ہے۔ کیا ایبٹ آباد میں بن لادن کی رہاءش پاکستانی فوج یا کم از کم پاکستانی فوج سے تعلق رکھنے والے چند لوگوں کی اعانت ہی سے ممکن ہو پاءی؟ اس سوال کے مقابلے میں پاکستان میں رہنے والے لوگوں اور بیرون ملک رہاءش پذیر پاکستانیوں کو یہ جاننے میں زیادہ دلچسپی ہے کہ آیا دو مءی کے روز واقعی پاکستانی فوج کو امریکی حملے کے متعلق اس وقت خبر ملی جب ہیلی کاپٹروں کا امریکی دستہ پاکستانی سرحد پار کر چکا تھا، یا پھر دو مءی کا امریکی حملہ پاکستانی فوج کی مدد سے ممکن ہوا۔ اگر پہلی بات درست ہے اور واقعی پاکستانی فوج اتنی بے خبر ہے کہ کوءی ہمارے ملک کے اندر داخل ہو کر ایک ملٹری اکیڈمی کے بغل میں فوجی کارواءی کر کے چلا جاءے اور پاکستانی فوج کو اس کی خبر ہی نہیں ہوتی تو یہ لمحہ فکریہ ہے۔ اگر ایسا ہے تو پاکستانی عوام کو اپنی فوج کی کارکردگی پہ شدید غور و خوض کی ضرورت ہے۔ ایسا کرنے کی ضرورت اس لیے ہے کیونکہ اٹھارہ کروڑ پاکستانی عوام چھ لاکھ پاکستانی فوجیوں کے اسی طرح کے مالک ہیں جیسے ایک گھر میں رہنے والے لوگ گھر کے چوکیدار کے مالک ہوتے ہیں۔ کسی شخص کو گھر کی چوکیداری کے لیے صرف ایک مقصد کے لیے رکھا جاتا ہے اور وہ یہ کہ چوکیدار دل لگا کر گھر کی حفاظت کرے اور کسی چور اچکے کو اس بات کا موقع نہ فراہم کرے کہ وہ گھر میں گھس کر صفاءی کر جاءے۔ اگر کبھی یوں ہو کہ چوکیدار کی موجودگی کے دوران چور گھر میں گھس کر اپنا کام کر جاءیں تو سب سے پہلے تو گھر کے مالکان کا دھیان اس طرف جاتا ہے کہ کہیں چوکیدار چوروں سے تو نہیں ملا ہوا تھا۔ اور اگر ایسا نہیں ہے اور چوکیدار واقعی نشہ کر کے سور رہا تھا تو چوکیدار کو نوکری سے برخاست کر دیا جاتا ہے۔ ایک نااہل ملازم کو بھلا کون برداشت کرتا ہے؟
ایبٹ آباد کے واقعے میں ایک دوسری صورت یہ ہے کہ امریکی حملہ پاکستانی فوج کی مرضی سے ہوا اور پاکستانی فوج صرف دنیا کو دکھانے کے لیے کہہ رہی ہے کہ اسے کاکول کے برابر میں ہونے والی اس فوجی کارواءی کے بارے میں بالکل پتہ نہ چل پایا۔ کیا پاکستان کی سیاسی حکومت بھی اس دکھاوے میں شامل ہے یا پھر پاکستانی فوج کے امریکہ سے بالا بالا ایسے تعلقات ہیں کہ امریکی حکام، پاکستان کی سیاسی حکومت کو ساتھ ملاءے بغیر صرف پاکستانی فوج کے ساتھ معاملہ کر کے اپنا کام چلا لیتے ہیں؟ اگر ایسا ہے تو یہ کوءی بہت اچھی صورتحال نہیں ہے کیونکہ پاکستانی عوام اور اس کی نماءندہ سیاسی حکومت فوج کی مالک ہے۔ مالک کو معلوم ہونا چاہیے کہ ملازم کس کے ساتھ مل کر کیا کر رہا ہے۔
حقیقت یہ ہے کہ پاکستان میں حکومت اور فوج کے درمیان مالک اور ملازم کا معاملہ نہیں ہے۔ بلکہ معاملہ اس کے برعکس ہے۔ پے درپے آنے والی کمزور اور نااہل سیاسی قیادت نے پاکستانی فوج کو ایسے مواقع فراہم کیے ہیں کہ وہ اپنے آپ کو پاکستان کا صحیح مالک تصور کرے۔ بہت کم لوگوں کو معلوم ہوگا کہ اس وقت پاکستان کا وزیر دفاع کون ہے۔ البتہ پاکستانی فوج کے سربراہ کا نام سب لوگ جانتے ہیں۔ صاف واضح ہے کہ کون کتنا طاقتور ہے۔
اب تک یوں ہی تھا مگر اب بات ایسے نہیں چل سکتی۔ سچی جمہوریت میں حکومت جمہور کو جوابدہ ہوتی ہے اور فوج حکومت کو۔ معاملات کو اسی طرح شفاف رکھنے میں احتساب کا راستہ اوپر سے نیچے تک کھلا رہتا ہے۔ معاملات کو اسی طرح شفاف چلانے میں ہم سب کی بہتری ہے۔

بن لادن کا اسلحہ

2011-07-04T16:08:00.000-07:00

مءی نو، دو ہزار گیارہ

ایک فکر کے سلسلے کا کالم

کالم شمار تینتیس

بن لادن کا اسلحہ

دنیا کے اکثر ممالک میں لوگوں کا اعتبار اپنے اوپر حکومت کرنے والوں پہ کم ہو گیا ہے۔ حکام کچھ بتاءیں تو اس پہ شک ہی کیا جاتا ہے کہ نہ جانے اصل بات کیا ہے۔ ایسے میں صحافیوں کا فرض ہوجاتا ہے کہ وہ بال کی کھال نکالیں اور تمام معاملات کھول کھول کر لوگوں کے سامنے رکھیں۔ اور جب ایک خبر کو کءی صحافی ایک ہی طرح سے بیان کریں تو پھر اس خبر پہ یقین کرنا آسان ہوجاتا ہے۔ اتوار، اول مءی کی رات جب امریکی حکام نے خبر دی کہ ایک امریکی فوجی دستے نے ایبٹ آباد کے ایک گھر پہ ہلہ بول کر اسامہ بن لادن کو مار دیا ہے تو بہت سے لوگوں کی طرح میں بھی اس خبر کی صداقت کے متعلق شک میں گرفتار تھا۔ شک کی وجہ یہ تھی کہ اس وقت تک یہ خبر صرف امریکی وزارت دفاع کی طرف سے آرہی تھی۔ مجھے اس بارے میں شک نہ تھا کہ امریکی فوج نے ایبٹ آباد کے ایک گھر پہ حملہ کیا ہوگا کیونکہ شمالی پاکستان میں امریکی فوجیں ایک عرصے سے لوگوں اور گھروں پہ حملے کر رہی ہیں۔ میرا شک صرف اسامہ بن لادن کی ہلاکت سے متعلق تھا۔ مجھے خیال ہوا کہ نہ جانے امریکی فوجیوں نے کس لمبے، داڑھی والے آدمی کو جان سے مار دیا اور خود اپنے سینے پہ تمغہ سجا لیا کہ ہم نے اسامہ بن لادن کو مار ڈالا ہے۔ مگر جب پاکستانی میڈیا نے اس خبر کی تصدیق کی تو میں مطمءن ہوگیا۔ مجھے تعجب اس بات پہ ہوتا ہے کہ آج اس واقعہ کو ہفتہ بھر سے زاءد گزرنے کے بعد بھی مجھے ایسے لوگ ملتے ہیں جو سر ہلا کر کہتے ہیں، " بالکل جھوٹ۔ سفید جھوٹ۔ سراسر جھوٹ ہے یہ سب کچھ۔"۔ شکی مزاج ایسے ہی ایک شخص سے میں نے استفسار کیا کہ ان کی نظروں میں کیا کچھ جھوٹ ہے۔ کیا پاکستان میں ایبٹ آباد نامی ایک شہر ہے؟ کہنے لگے کہ جی ہاں ہے۔ کیا ایبٹ آباد میں واقع ایک گھر پہ مءی ایک اور دو کی درمیانی شب ایک حملہ ہوا تھا؟کہنے لگے کہ جی ہاں، ہوا تھا کیونکہ ٹی وی پہ وہ گھر دکھایا جا رہا ہے اور محلے میں رہنے والے لوگ بھی تصدیق کر رہے ہیں۔ کیا آپ اس بات کو جھوٹ سمجھتے ہیں کہ اس گھر پہ ڈرون سے نہیں بلکہ ہیلی کاپٹر سے حملہ ہوا تھا؟ میں نے خود ہی ان کی توجہ اس تباہ شدہ ہیلی کاپٹر کی طرف دلاءی جسے حملہ آور چھوڑ گءے تھے۔ انہوں نے اثبات میں سر ہلایا کہ ہاں حملہ ہیلی کاپٹر سے ہوا تھا۔ کیونکہ امریکی حکام خود کہہ رہے ہیں کہ انہوں نے ہیلی کاپٹروں سے اپنے فوجی ایبٹ آباد کے اس گھر پہ حملے کے لیے بھجواءے تو جاءے وقوع پہ ایک تباہ شدہ ہیلی کاپٹر کی موجودگی اور امریکی حکام کے بیان کے بعد اس بارے میں شک کرنا بے معنی ہے کہ امریکی فوجیوں ہی نے اس گھر پہ حملہ کیا تھا۔ تو یہاں تک تو آپ کو یقین ہے کہ یہ سچ ہے، میں نے اپنے اطمینان کے لیے ان سے پوچھا۔ انہوں نے کسی قدر ناگواری سے اثبات میں سر ہلایا۔ تو اب شک صرف اس بارے میں رہ گیا کہ اس گھر میں مارا جانے والا ایک شخص اسامہ بن لادن تھا جس کی لاش امریکی فوجی اٹھا کر اپنے ساتھ لے گءے۔ پاکستانی میڈیا سے ہمیں معلوم ہوا ہے کہ ایبٹ آباد کے اس گھر میں دھماکے کی آواز سننے کے بعد پاکستانی سیکیورٹی حکام وہاں پہنچے اور انہوں نے مذکورہ گھر کے زخمیوں اور دوسرے لوگوں کو اپنی تحویل میں لے لیا۔ اور اس بارے میں بھی شک نہیں کرنا چاہیے کہ اس گھر سے حراست میں لیے جانے والے لوگوں میں سے ایک أمل الصداح نامی عورت ہے جو اسامہ بن لادن کی بیوی بیان کی جاتی ہے۔ اگر ہم نے مغربی اور پاکستانی میڈیا کی خبروں سے یہاں تک کے تمام معاملات کو سچ جان لیا ہے تو اس بارے میں شک کرنا فضول ہے کہ اس گھر میں اسامہ بن لادن مارا گیا تھا۔
البتہ اس خبر سے متعلق امریکی حکام نے جو تفصیلات بیان کی تھیں اور جس طرح نیوی سیلز کمانڈوز کی کارکردگی کو بڑھا چڑھا کر بیان کیا جا رہا تھا اس بارے میں بلا شبہ شک کیا جا سکتا ہے۔ کہ اگر مغربی ذراءع کی یہ خبریں صحیح ہیں کہ ایک جاسوس ڈرون ایک طویل عرصے سے خفیہ طور پہ ایبٹ آباد کے اس گھر کی ویڈیو بنا رہا تھا اور سی آءی اے نے ایبٹ آباد کے اس علاقے میں ایک گھر کراءے پہ لے لیا تھا جہاں رہنے والے مخبر اسامہ بن لادن کے ٹھکانے پہ نظر رکھے ہوءے تھے اور اس گھر پہ آنے جانے والے لوگوں کو غور سے دیکھ رہے تھے۔ تو پھر اتنی تحقیق کے بعد چالیس مسلح لوگوں کا ہیلی کاپٹر سے ایک گھر پہ حملہ آور ہونا شجاعت کا کوءی ایسا کارنامہ نہیں ہے۔ ایبٹ آباد کے اس گھر پہ حملہ کرنے والے فوجیوں کو وہاں رہنے والے لوگوں کی تعداد کا علم تھا، ان کو معلوم تھا کہ مکینوں کے پاس کوءی بڑے ہتھیار نہیں ہیں، اور یہ یقین تھا کہ مکین اپنے دفاع میں بے ضرر مزاحمت کے علاوہ کچھ نہ کر پاءیں گے۔ اسامہ بن لادن کے ٹھکانے پہ حملہ بظاہر ہالی وڈ کی کسی جاسوسی فلم کا ایک سنسی خیز سین نظر آتا ہے جس میں چند ہیرو انتہاءی خطرناک لوگوں کے ٹھکانے پہ حملہ آور ہوتے ہیں اور گولیوں کی بوچھاڑ میں بچتے بچتے اپنا مشن پورا کرتے ہیں، مگر ایسا تھا نہیں۔ یہ کہنا بے جا نہ ہوگا کہ مذکورہ فوجی آپریشن سے زیادہ سہل کمانڈو ایکشن کی صورت مشکل ہی سے پیدا ہو پاءے گی۔
اب مجھے تجسس صرف یہ ہے کہ اس گھر سے کس قسم کا اسلحہ پکڑا گیا۔ دنیا کا سب سے خطرناک مجرم قرار دیا جانے والا شخص اپنے ساتھ کس قسم کے خطرناک ہتھیار رکھتا تھا؟ کیا اسامہ بن لادن کے وہ آتشیں ہتھیار امریکی کمانڈو اپنے ساتھ لے آءے ہیں یا پاکستانی حکام نے ان ہتھیاروں کو اپنی تحویل میں لے لیا ہے؟ امید ہے کہ وقت کے ساتھ ان حقاءق پہ سے پردے اٹھاءیں گے۔

لاد چلا لادن

2011-07-04T16:05:00.000-07:00

مءی دو، دو ہزار گیارہ

ایک فکر کے سلسلے کا کالم

کالم شمار بتیس

لاد چلا لادن

دنیا میں تہاذیب کے عروج و زوال تاریخ کا حصہ رہے ہیں مگر پندرہویں صدی کے بعد یورپ اور دنیا کے دوسرے خطوں میں بسے یورپیوں کا جو عروج شروع ہوا ہے اس عروج کی مثال تاریخ میں نہیں ملتی۔ اس بے مثال عروج کی ایک بڑی وجہ تو یہ ہے کہ آج سے پہلے دنیا نامی یہ سیارہ اس طور سے باہم منسلک نہ تھا جیسا آج ہے۔ آج کی دنیا کی مواصلات پہ مغربی دنیا کا بھرپور قبضہ ہے۔ وہ ایک شوشہ چھوڑتے ہیں اور پوری دنیا کے خبر رساں ادارے اس کے پیچھے پیچھے چل پڑتے ہیں۔ صحافت کا معیار یہ ہوگیا ہے کہ کسی بھی بات کو بغیر تصدیق مگر حوالے کے ساتھ نقل کردینا کافی ہے۔ ضیاالحق کے دور میں پاکستان ٹی وی کا نو بجے کا خبرنامہ جس صحافت کا مظاہرہ کرتا تھا وہ صحافت آج ہر جگہ نظر آتی ہے۔ "انہوں نے یہ کہا،" "باخبر ذراءع کا کہنا ہے،" کی گردان مستقل سننے میں آتی ہے۔ کل سے پوری دنیا میں شور ہے کہ امریکی فوج کے ایک چھوٹے سے دستے نے ایبٹ آباد میں واقع اسامہ بن لادن کے ٹھکانے پہ حملہ کر کے بن لادن کو مار دیا اور اس کی لاش اس جگہ سے اٹھا کر لے گءے۔ لاش کو بعد میں سپرد سمندر کر دیا گیا۔ اس خبر کو مغربی ذراءع تک امریکی فوج نے پہنچایا ہے۔ بس صحافت میں اتنی تکلیف کافی ہے۔ اب اخبارات اور ٹی وی سمیت سارے مغربی ذراءع مستقل یہ راگ الاپ رہے ہیں کہ بن لادن کو مار ڈالا گیا۔ میں نے کچھ دیر پہلے روزنامہ جنگ اور روزنامہ ڈان کا انٹرنیٹ ایڈیشن پڑھا ہے۔ یہ دونوں اخبارات بھی بن لادن کی ہلاکت کی خبروں سے بھرے ہیں۔ مگر یہ ساری خبریں مغربی ذراءع سے حاصل کی گءی ہیں۔ حد تو یہ ہے کہ روزنامہ جنگ میں اس واقعہ سے متعلق تینوں تصاویر بھی مغربی ذراءع سے حاصل شدہ ہیں۔ ارے کچھ شرم کرو! ایبٹ آباد تو پاکستان کا حصہ ہے۔ اگر تمھارے اخبارکے رپورٹر ایبٹ آباد میں نہیں بھی ہیں تو اسلام آباد سے ایک شخص ایک ڈیڑھ گھنٹے میں ایبٹ آباد پہنچ سکتا ہے۔ شبینہ واقعے کےعینی شاہدین کے انٹرویو کیے جا سکتے ہیں۔ یہ معلوم کیا جا سکتا ہے کہ مذکورہ مکان کس شخص کے نام ہے، اور مالک مکان کا تعلق کس جگہ سے ہے۔ پڑوسیوں سے معلوم کیا جا سکتا ہے کہ مذکورہ مکان میں کون لوگ رہتے تھے اور کس طرح کے لوگوں کا وہاں آنا جانا تھا۔ اسی ضمن میں ایک خبر ہے کہ عسکری مقابلے میں ہلاک ہونے والے چند لوگوں کے علاوہ بارہ لوگوں کو زندہ گرفتار کیا گیا ہے۔ وہ گرفتارشدگان کہاں ہیں؟ کیا آزاد اور ذمہ دار خبر رساں ایجنسیاں ان لوگوں تک رساءی حاصل کر سکتی ہیں؟ غرض کہ اس واقعے کے ایبٹ آباد میں ہونے کی وجہ سے پاکستانی خبررساں اداروں کے لیے بہت سے راستے کھلے ہیں اور پاکستان میں مقامی طور پہ حاصل کی گءی معلومات کی اہمیت نقل ٹپو صحافت سے حاصل کی گءی معلومات سے کہیں زیادہ ہوگی۔
مغرب جہاں ایک ہی بات کو سو طرف سے پانچ ہزار دفعہ بیان کرنے میں کمال رکھتا ہے وہیں اپنی پیٹھ خود ٹھونکنے میں بھی کسی قسم کی کنجوسی کا مظاہرہ نہیں کرتا۔ سننے میں آرہا ہے کہ اسامہ بن لادن کو مارنے سے بالاخر انصاف حاصل ہوگیا۔ واقعی؟ انصاف تو اس وقت ہوتا جب بن لادن کو زندہ پکڑ لیا جاتا۔ مبینہ طور پہ اس کے سر پہ گولی مارنے کے بجاءے بن لادن کی ٹانگ پہ گولی ماری جاتی یا اس پہ بے ہوش کرنے والی گیس کا چھڑکاءو کر دیا جاتا۔ بن لادن کو زندہ پکڑنے کے بعد اس پہ باقاعدہ مقدمہ چلایا جاتا اور جرم ثابت ہونے پہ قرار واقعی سزا دی جاتی۔ پھر ہوتا انصاف۔
دل کہہ رہا ہے کہ ایک بار پھر جھوٹ ہی جھوٹ ہے۔ بن لادن کی نہ پہلے کوءی اہمیت تھی نہ آج ہے۔ القاعدہ کا ہوا جھوٹا ہے۔ ہاں بہت سے گمراہ لوگ ضرور ہیں جو نفرت سے بھرے ہیں اور امریکہ سے بغض رکھتے ہیں۔ مگر القاعدہ کوءی ایسی منظم بین الاقوامی تنظیم نہیں ہے جو سازش کرنے والوں کو ایک اچھا سا کانفرینس روم مہیا کرے، جہاں ہر مندوب کے سامنے معدنی پانی کی چھوٹی سی بوتل رکھی ہو، جہاں کافی غور و فکر کے بعد گہری سازش تیار کی جاءے۔ بن لادن ایک بے وقوف شخص تھا جو شاید بہت پہلے کہیں بےنام و نشان مر چکا ہے۔ موجودہ بن لادن کہانی کے پیچھے امریکی عسکری اور سیاسی قیادت کے کیا عزاءم ہیں، یہ وقت کے ساتھ ہی معلوم ہوگا مگر سر دست یہ خیال ہوتا ہے کہ "دہشت گردی کے خلاف جنگ" جیسے بڑے فضول خرچے کو لپیٹنے کی تیاری ہے۔ حماقت کی یہ جنگ نو گیارہ کے دھماکہ دار واقعے سے شروع ہوءی تھی اور اسے ایسے ہی کسی واقعے پہ ختم کرنا ضروری تھا۔ ایبٹ آباد کا واقعہ اس جنگ کے احمقانہ حصے کا اختتام ہے۔ آءندہ یہ جنگ ڈرون حملوں سمیت خودکار طریقوں سے لڑی جاءے گی۔ اس طرح امریکی فوجی صنعت بھی چلتی رہے گی اور امریکی جانی نقصان بھی نہ ہوگا۔

خوب جیو عطااللہ عیسی خیلوی

2011-06-10T23:34:00.000-07:00

عطااللہ عیسی خیلوی کی گاءی ہوءی یہ پرانی مگر خوب صورت اردو غزل سنیے اور سر دھنیے۔ مجھے شاعر کے نام کی تلاش ہے۔ معلوم ہو تو ضرور بتاءیے گا۔

عشق میں ہم تمھیں کیا بتاءیں، کس قدر چوٹ کھاءے ہوءے ہیں
موت نے ہم کو مارا ہے اور ہم، زندگی کے ستاءے ہوءے ہیں

اس نے شادی کا جوڑا پہن کر، صرف چوما تھا میرے کفن کو
بس اسی دن سے جنت کی حوریں، مجھ کو دولھا بناءے ہوءے ہیں

سرخ آنکھوں میں کاجل لگا ہے، رخ پہ غازا سجاءے ہوءے ہیں
ایسے آءے ہیں میت میں میری، جیسے شادی میں آءے ہوءے ہیں

اے لحد اپنی مٹی سے کہہ دے، داغ لگنے نہ پاءے کفن کو
آج ہی ہم نے بدلے ہیں کپڑے، آج ہی ہم نہاءے ہوءے ہیں

دشمنوں کی شکایت ہمیشہ دوستوں سے گلا کیا کریں گے
کٹ چکے جن درختوں کے پتے پھر کہاں ان کے ساءے ہوءے ہیں

ان کی تعریف کیا پوچھتے ہو، عمر ساری گناہوں میں گزری
پارسا بن رہے ہیں وہ ایسے، جیسے گنگا نہاءے ہوءے ہیں

دیکھ ساقی تیرے مے کدے کا، ایک پہنچا ہوا رند ہوں میں
جتنے آءے ہیں میت پہ میری، سب کے سب ہی لگاے ہوءے ہیں

گریگ مورٹینسن اور ہم بستر صحافی

2011-04-26T07:50:00.000-07:00

گریگ مورٹینسن اور ہم بستر صحافی

سی بی ایس کی حالیہ رپورٹ کے بعد گریگ مورٹینسن لوگوں کی تنقید کا شکار ہیں۔ اس کالم کے قارءین گریگ مورٹینسن سے یقینا واقف ہوں گے۔ گریگ مورٹینسن اپنی کتاب چاءے کی تین پیالیاں "تھری کپس آف ٹی" کی کامیابی سے مقبول ہوءے۔ ان کی کتاب پڑھ کر لوگوں کو معلوم ہوا کہ گریگ مورٹینسن پاکستان اور افغانستان کے دور دراز علاقوں میں اسکول بناتے رہے ہیں۔ کتاب کی مقبولیت سے ان کے کام کی مقبولیت بھی بڑھی۔ لوگوں نے مورٹینسن کے فلاحی ادارے وسطی ایشیا انسٹیٹیوٹ کو بڑھ چڑھ کر عطیات دیے تاکہ یہ ادارہ پاکستان اور افغانستان میں زیادہ سے زیادہ اسکول بنا سکے۔ اور گریگ مورٹینسن امریکہ بھر میں ایک مقبول مقرر کی حیثیت سے گردش کرنے لگے۔ گریگ مورٹینسن کی مقبولیت یورپی نژاد امریکیوں میں شروع ہوءی اور پھر ایک وقت آیا کہ پاکستان نژاد امریکی ایک دوسرے کو طعنے دینے لگے کہ دیکھو ایک امریکی تمھارے آباءی وطن کے لیے اتنا کام کر رہا ہے اور دوسرے امریکیوں میں اتنا مقبول ہے جب کہ پاکستانی امریکی اس کو جانتے بھی نہیں، کس قدر شرم کا مقام ہے۔ اور یوں پاکستانی نژاد امریکی بھی گریگ مورٹینسن کے پیچھے پیچھے دوڑنے لگے۔ اور اس پورے عمل میں کسی صحافی نے اپنی صحافیانہ ذمہ داری پوری نہیں کی۔ یعنی کسی ذمہ دار شخص نے اپنے ذمے یہ کام نہ لیا کہ وہ گریگ مورٹینسن کی کتاب میں موجود دعووں کی آزادانہ تحقیق کرتا۔
اگر چند صحافی مثلا نیویارک ٹاءمز کے کالم نویس نکولس کرسٹوف یا فلاڈلفیا انکواءرر کی ٹروڈی روبن گریگ مورٹینسن کے کام کی تصدیق کے لیے پاکستان گءے بھی تو گریگ مورٹینسن کے ساتھ ہی گءے۔ پچھلی خلیجی جنگ میں ایک نءی اصطلاح، ایمبیڈڈ جرنلسٹ وضع کی گءی تھی۔ یہ اصطلاح ان صحافیوں کے لیے استعمال کی گءی تھی جو عراق جنگ میں امریکی فوجی دستوں کے ساتھ ساتھ چل رہے تھے۔ وہ صحافی اپنے آپ کو ایمبیڈڈ جرنلسٹ کہیں مگر میں ان کو پیار سے ان بیڈ جرنلسٹ، یعنی ہم بستر صحافی کہتا تھا۔ اگر آپ جنگ کا مشاہدہ کرنے کے لیے ایک طرف کی فوج کے ساتھ ساتھ چل رہے ہیں تو آپ اپنے ساتھ کے ان فوجیوں پر آزادانہ تبصرہ کیسے کر سکتے ہیں؟ آپ تو ان کا حصہ ہیں، ان کا نمک کھارہے ہیں ہیں، ان کے ساتھ سو رہے ہیں، جاگ رہے ہیں، آپ بھلا کیسے ان پہ تنقید کریں گے؟ گریگ مورٹینسن کے ساتھ جا کر ان کے فلاحی کام کا تجزیہ کرنے والے صحافی بھی اسی طرح کے ہم بستر صحافی تھے۔ گریگ مورٹینسن نے ان صحافیوں کو جو دکھانا تھا دکھایا اور جس طرح دکھانا تھا دکھایا۔ اتنی تصدیق ان صحافیوں کے لیے کافی تھی۔ یہ صحافی گریگ مورٹینسن کے لیے رطب اللسان ہو گءے۔ مغربی صحافیوں نے تو پھر بھی تھوڑی بھاگ دوڑ کی، پاکستانی صحافیوں نے تو اتنا بھی نہیں کیا۔ پاکستانی صحافی گریگ مورٹینسن کی کتاب پڑھ کر مورٹینسن کے دعووں کو من و عن اپنی تحریروں میں نقل کرنے لگے۔ میں نے ایک دو پاکستانی صحافیوں سے پوچھا کہ کیا آپ نے گریگ مورٹینسن کا بنایا ہوا کوءی اسکول دیکھا ہے؟ کیا آپ نے اس گاءوں کے لوگوں کے انٹرویو کیے ہیں جہاں گریگ مورٹینسن نے اسکول بناءے ہیں؟ میری اس جرح پہ مجھے تنقید کا نشانہ بنایا گیا اور کہا گیا کہ میں منفی سوچ رکھتا ہوں۔ منفی سوچ! ارے، صحافیوں کی پیشہ ور دیانت داری بھی کوءی شے ہے یا نہیں؟ کیا صحافی کا یہی کام ہے کہ جو بات بہت سے لوگ کہہ رہے ہوں اسے من و عن بلا تصدیق لکھ دے؟
صحافی تو اپنی پیشہ ور دیانت داری میں ناکام رہے ہی اس عمل میں پاکستانی حکومت نے بھی اپنا مذاق اڑانے کا خوب اہتمام کیا۔ جب مغربی ذراءع کے ذریعے گریگ مورٹینسن کی مقبولیت کی خبر پاکستانی حکومت کو پہنچی تو یقینا کسی سیانے نے ایوان صدر کو شرم دلاءی کہ سرکار پوری دنیا میں اس آدمی کے کام کا ڈنکا بج رہا ہےاور شور مغربی ممالک میں ہو رہا ہے تو یقینا تصدیق کے بعد ہی ہو رہا ہوگا کیونکہ گورے لوگ تو ہمیشہ سچ بولتے ہیں؛ یہ شخص ہمارے لوگوں کی بھلاءی کے لیے کام کر رہا ہے، اس شخص کی خدمات کا اعتراف نہ کرنا زیادتی ہے۔ چنانچہ پاکستانی حکومت نے گریگ مورٹینسن کو ستارہ پاکستان کا اعزاز دے دیا۔ اس خبر کی اطلاع مغربی ممالک میں پہنچی تو گریگ مورٹینسن کے کام کی اور بھی "تصدیق" ہو گءی کہ گریگ مورٹینسن جس ملک میں کام کررہا ہے وہاں کی حکومت نے اسے اعزاز بخشا ہے تو پھر گریگ مورٹینسن کے دعوے یقینا صحیح ہوں گے۔ اور اس طرح یہ سلسلہ بلا آزادانہ تحقیق کے چلتا رہا۔ مگر گریگ مورٹینسن کے دعووں کی آزادانہ تحقیق کا کام کچھ عرصے کے لیے تو ٹل سکتا تھا، مگر ہمیشہ ہمیشہ کے لیے نہیں۔ وسطی ایشیا انسٹیٹیوٹ سے قطع تعلق کرنے والے ایک شخص غلام پاروی نے انٹرنیٹ پہ گریگ مورٹینسن کے جھوٹ کا پلندہ کھولا۔ سی بی ایس نے اس شخص کو اپنے ساتھ ملایا اور پاکستان جا کر ان جگہوں کا دورہ کیا جہاں گریگ مورٹینسن نے اسکول بنانے کا دعوی کیا تھا، اور پھر ساٹھ منٹ نامی ایک ٹی وی پروگرام میں گریگ مورٹینسن کے کام پہ بھرپور تنقید دنیا کے سامنے پیش کر دی گءی۔ بات سمجھنے کی یہ ہے کہ سی بی ایس کی رپورٹ سے صرف گریگ مورٹینسن کی کہانی کی قلعی ہی نہیں کھلی ہے بلکہ اس رپورٹ سے بہت سے مغربی اور پاکستانی صحافیوں کے کرتوت بھی سامنے آگءے ہیں کہ یہ لوگ بلا تصدیق بات کو آگے بڑھا دیتے ہیں۔ سبق واضح ہے، صحافت میں دیانت داری کے لیے محنت سے کام کرنا ضروری ہے۔ ہم بستر صحافی، صحافی نہیں۔

حشمت سہیل، ایک خطرناک شاعر

2011-04-12T14:13:00.000-07:00

حشمت سہیل کی کتاب کرن کرن تبسم کءی اوصاف کی وجہ سے مزاحیہ شاعری کی اور کتابوں سے منفرد ہے۔ ایک انفراد تو یہ ہے کہ شاعری کی شاید ہی کسی اور کتاب میں آپ اس قدر بڑی تعداد میں نثری مضامین پاءیں گے جتنے حشمت سہیل کی کتاب میں ہیں۔ حشمت سہیل نے ان مضامین کو بہت سوچ سمجھ کر اپنی کتاب میں ترتیب دیا ہے۔ سب سے پہلا مضمون بیگم صاحبہ کا ہے۔ یہ بر محل ہے اور اس کے محل سے اندازہ ہوتا ہے کہ مزاح اپنی جگہ مگر حشمت سہیل ان سنجیدہ نکتوں کی آگہی رکھتے ہیں جو ازدواجی زندگی کی صحت کے ضامن ہیں۔
حشمت سہیل نے اپنی نظم کولسٹرول میں لکھا ہے
مری ہی طرح سے وہ بھی ذرا بیگم سے ڈرتے تھے
نہ دل چاہے مگر بیگم جو کہہ دیں بس وہ کرتے تھے
پھر کرن کرن تبسم کا دوسرا امتیاز ہاتھ سے بناءے حشمت سہیل صاحب کی والدہ اور والد کے اسکیچ ہیں۔ ان خاکوں کو دیکھ کر کتاب پڑھنے والا مستقل قیاس آراءی کرتا رہتا ہے کہ آیا حشمت سہیل کی شکل اپنی والدہ سے زیادہ ملتی ہے یا اپنے والد سے۔
اس کتاب کا تیسرا منفرد پہلو اس میں شامل رنگین تصاویر ہیں۔ یہ تصاویر ہوم لینڈ سیکیورٹی کی آسانی کے لیے ہیں تاکہ جب کبھی حشمت سہیل صاحب سے ان کی شرپسند سرگرمیوں کے متعلق پوچھ گچھ ہو تو نہ صرف یہ کہ تفتیشی افسر کو یہ معلوم ہو کہ حشمت سہیل مرزا غالب کا بہروپ بنا کر پولیس کو چکمہ دے کر فرار ہو سکتے ہیں بلکل تفتیش کا داءرہ وسیع کرنے کے لیے کتاب میں روپذیر تصاویر میں موجود دوسرے احباب کو بھی قابو میں کیا جاءے کہ یہ سب لوگ حشمت سہیل کے جراءم میں یقینا معاون رہے ہوں گے۔
اور پھر کتاب کا چوتھا اور سب سے خطرناک وصف اس کے اندر موجود حشمت سہیل کی شاعری کے نمونے ہیں جو دراصل دہشت گردی کی ایک شکل ہیں۔ اس شاعری کو کتابی شکل میں چھاپنے کا اصل مقصد یہ ہے کہ آپ اسے پڑھ کر اس قدر زور سے ہنسیں کہ آپ کی سانس رک جاءے اور آپ وہیں گر کر مر جاءیں۔

قصہ مختصر یہ کہ حشمت سہیل ایک خطرناک شاعر ہے اور اس کی کتاب کرن کرن تبسم مزاح کا وہ منبع ہے جس سے نکلی ہر کرن محفل میں تبسم بکھیرنے کی ہی طاقت نہیں رکھتی، بلکہ یہ شعاعیں جان لیوا ثابت ہو سکتی ہیں۔

انصاف نہیں ہوا

2011-03-21T08:05:00.000-07:00

انصاف نہیں ہوا

مستقل سننے میں آتا ہے کہ پاکستان کی مذہبی جماعتیں قابو سے باہر ہیں، وہ ایسا کر سکتی ہیں، ویسا کر سکتی ہیں، بہت اودھم مچا سکتی ہیں، ملک کو تباہی سے دو چار کر سکتی ہیں۔ مگر ایک دفعہ پھر مذہبی جماعتوں کا ہوا بے بنیاد ثابت ہوا۔ امریکی حکومت نہایت صفاءی سے ریمنڈ ڈیوس کو پاکستانی جیل سے نکال کر لے گءی اور کوءی خاص شور شرابا نہ ہوا۔ خیال تھا کہ رے ڈیوس کو پاکستان سے چھڑا کر لے جانے پہ ایک طوفان اٹھے گا اور مذہبی جماعتیں پاکستانی حکومت کا ناطقہ بند کر دیں گی۔ مگر ایسا کچھ نہ ہوا۔ اور وجہ یہ تھی کہ امریکی حکومت نے اس رہاءی کے سلسلے میں تیاری اچھی کی تھی۔
تیاری کا پہلا حصہ تو سیاسی طور پہ میدان ہموار کرنا تھا۔ پی پی پی تو حکومت میں ہے ہی، لگتا ہے کہ امریکی انتظامیہ نے مسلم لیگ نون اور ایم کیو ایم کو بھی قابو میں کیا کہ جب ریمنڈ ڈیوس کو چھڑا کر لے جایا جاءے اور مذہبی جماعتیں جمعے کے روز ہڑتال کی کال دیں تو ایسی کسی ہڑتال کی تاءید نہ کرنا۔ واضح رہے کہ مذہبی جماعتیں ہمیشہ جمعے کے روز ہڑتال کی کال دیتی ہیں کیونکہ جمعے کی نماز کے اجتماعات بڑے ہوتے ہیں اور پھر مسجد میں جمع ہوءے ان لوگوں کو جلوس کی شکل میں کہیں لے کر جانا نسبتا آسان ہوتا ہے۔ امریکہ کی حکمت عملی کامیاب رہی۔ بدھ کے روز ریمنڈ ڈیوس کو سرعت سے پاکستان سے نکالنے پہ مذہبی جماعتیں غصے سے تلملا گءیں اور توقع کے عین مطابق انہوں نے جمعے کے روز ہڑتال کی کال دی۔ اس ہڑتال میں ان کی تاءید عمران خان کی تحریک انصاف کے علاوہ کسی بڑی سیاسی جماعت نے نہیں کی۔ چنانچہ جمعے کے روز کچھ نہ ہوا اور چند افراد کا سارا غصہ ٹاءیں ٹاءیں فش ہو گیا۔ امریکی انتظامیہ کے لیے مسلم لیگ نون اور ایم کیو ایم کو قابو کرنا آسان کیوں تھا؟ اس لیے کیونکہ جن جماعتوں کے مالی اور افرادی اثاثے مغربی حکومتوں کے رحم و کرم کے محتاج ہوں انہیں قابو میں کرنا کونسا مشکل کام ہے؟
پھر امریکی حکمت عملی کا دوسرا حصہ بھی کامیاب رہا۔ اور وہ حصہ ریمنڈ ڈیوس کی رہاءی کے لیے شرعی قانون کا سہارا لینا تھا۔ میں شرعی قوانین کے بارے میں واجبی علم رکھتا ہوں مگر یوں سمجھ میں آتا ہے کہ ان قوانین کے تحت خون بہا ادا کر کے قتل معاف کروایا جا سکتا ہے۔ امریکی حکومت نے پاکستانی حکومت کے توسط سے مقتولین کے ورثا کو دیت ادا کی اور اپنا آدمی چھڑا کر لے گءی۔ اور یوں مذہبی جماعتوں کو شریعت کی مار ماری گءی۔ اب اگر مذہبی جماعتیں مظاہرے اور ہڑتالیں کرتی ہیں تو دراصل وہ شریعت کے خلاف مظاہرہ کر رہی ہیں۔
مگر آج کی دنیا میں اپنے آپ کو دوسروں سے زیادہ سیانا دکھانے کی کوشش کرنے کی بھی الگ قیمت ہے۔ امریکی حکومت چالاکی سے ریمنڈ ڈیوس کو پاکستانی جیل سے چھڑا کر لے جانے میں تو کامیاب ہو گءی مگر اس پورے عمل میں لوگوں کے ذہنوں کو صاف نہ کر پاءی۔ عام آدمی کےذہن میں اس کیس سے متعلق جو شکوک و شبہات تھے وہ اپنی جگہ قاءم رہے۔ ریمنڈ ڈیوس کی پاکستان میں گرفتاری کے فورا بعد امریکی وزارت خارجہ نے کہا تھا کہ ریمنڈ ڈیوس کو سفارتی استثنا حاصل ہے اس لیے پاکستانی حکومت ڈیوس کو فورا چھوڑے؛ امریکہ ریمنڈ ڈیوس کو اپنی تحویل میں لینے کے بعد ڈیوس پہ خود مقدمہ چلا کر معاملے کی تہ تک پہنچے گا کہ جنوری ستاءیس کو کیا ہوا تھا۔ اب ریمنڈ ڈیوس امریکہ کی تحویل میں آگیا ہے، کیا ڈیوس پہ اب امریکہ میں مقدمہ چلے گا؟ کوءی شخص اگر امریکی حکومت کی طرف سے ریمنڈ ڈیوس پہ مقدمہ داءر ہوتا دیکھنے کا خواب دیکھ رہا ہے تو وہ شخص یقینا احمقوں کی جنت میں رہتا ہے۔ ستاءیس جنوری کے واقعے میں صرف ریمنڈ ڈیوس کے ہاتھوں دو قتل نہیں ہوءے تھے، ریمنڈ ڈیوس کی مدد کے لیے آنے والی امریکی قونصل خانے کی گاڑی نے بھی ایک موٹرساءیکل سوار کو ہلاک کیا تھا۔ قونصل خانے کی گاڑی چلانے والے اس ڈراءیور کو چپ چاپ پاکستان سے نکال کر امریکہ پہنچا دیا گیا۔ اس ڈراءیور پہ غفلت سے ایک شخص کو ہلاک کرنے کا مقدمہ چلانا تو درکنار ہمیں اور آپ کو آج تک اس ڈراءیور کا نام بھی نہیں بتایا گیا۔
قصہ مختصر یہ کہ ریمنڈ ڈیوس کے معاملے میں انصاف نہیں ہوا ہے۔ آپ کا اور میرا جیسا ایک عام آدمی تو صرف یہ جاننا چاہتا ہے کہ ستاءیس جنوری کے روز کیا ہوا تھا۔ اس بات کا عین امکان ہے کہ عدالتی کارواءی میں امریکی حکومت کا موقف صحیح ثابت ہو کہ فیضان اور فہیم ریمنڈ ڈیوس کو پستول کے زور پہ لوٹنا چاہتے تھے یا اسے اغوا کرنا چاہتے تھے اور ریمنڈ ڈیوس نے اپنے دفع میں ان دونوں کو قتل کیا۔ مگر اس بات کا سب پہ واضح ہونا ضروری ہے تاکہ ریمنڈ ڈیوس کی بے گناہی دنیا پہ ثابت ہو جاءے۔ یوں بالا بالا خون بہا ادا کر کے ایک شخص کو قانون کے چنگل سے چھڑا کر لے جانا امریکی حکومت کی طویل مدتی ساکھ کے لیے اچھا نہیں ہے۔
ریمنڈ ڈیوس کو پاکستان سے تو نکال لیا گیا مگر اس کیس میں انصاف حاصل کرنے کے راستے ابھی باقی ہیں۔ عام قوانین پاکستان شریعت کے حساب سے وضع نہیں ہیں۔ ان قوانین میں چوری کی سزا قطع ید نہیں ہے بلکہ جیل ہے۔ اگر خون بہا حاصل کرنے پہ مقتولین کے ورثا نے پاکستانی عدالت سے اپنا مقدمہ واپس لے بھی لیا ہے تو شہریوں کی ایک جماعت اپنے طور پہ عدالت کا دروازہ کھٹکھٹا سکتی ہے اور اس مقدمے کو دوبارہ سے کھول سکتی ہے۔ انصاف حاصل کرنے کا ایک دوسرا راستہ امریکہ میں ہے۔ یہاں امریکہ میں بھی شہریوں کی ایک جماعت ریمنڈ ڈیوس پہ بیرون ملک قتل کا مقدمہ داءر کر سکتی ہے۔ امریکی حکومت ہماری آپ کی ٹیکس کی رقم ہی سے تو چل رہی ہے۔ کیا ہمیں یہ حق حاصل نہیں ہے کہ جانیں کہ ٹیکس کی مد میں ہم سے لی جانے والی رقم کس طور سے استعمال ہو رہی ہے؟
اخبارات کی خبروں سے معلوم ہوا ہے فیضان اور فہیم کے ورثا کو خون بہا ادا کرنے کے علاوہ انہیں امریکہ میں آباد کرنے کی مراعات بھی دی گءی ہیں۔ اگر ایسا ہے تو امید ہےکہ یہ ورثا اتنی جراءت کا مظاہرہ کریں گے کہ امریکہ پہنچ کر ریمنڈ ڈیوس پہ نءے سرے سے ایک مقدمہ داءر کریں جو اب کی دفعہ امریکی عدالت میں چلے گا اور دنیا کے سامنے مزنگ لاہور میں جنوری ستاءیس کو ہونے والے واقعات کی تفصیلات کھل کر سامنے آ جاءیں گی۔

تصویر بشکریہ اے ایف پی

ریاست اور فرد

2011-03-21T00:30:00.000-07:00

ریاست اور فرد

موجودہ دنیا ایک بندھی، جڑی ہوءی دنیا ہے۔ اس دور میں دنیا کے بیشتر لوگ دوسرے ملکوں میں رہنے والے لوگوں کے طور طریقوں کے بارے میں جانتے ہیں۔ اس عہد میں کسی ناکام ریاست میں رہنے والے لوگ یا کسی ایسی جگہ رہنے والے لوگ جہاں کا نظام ہموار طریقے سے نہیں چل رہا ، جھنجھلاہٹ کا شکار ہو جاتے ہیں۔ آخر وہ ایک اعلی معیار زندگی کے حق دار کیوں نہیں ہیں؟ ان کے معاشرے میں بجلی، پانی، تواناءی، اور ٹریفک کا نظام اچھے طریقے سے کیوں کام نہیں کرتا؟ ان کے ملک کا نظام جاپان یا ناروے کے نظام کی طرح فعال کیوں نہیں ہے؟ وہ مستقل ایسے سوالات کرتے ہیں۔ ایسی جگہوں پہ بیشتر لوگ ریاست کی ذمہ داری کی بات کرتے ہیں کہ ریاست کو چاہیے کہ وہ رعایا کو ایسی مراعات دے، یوں آسانیاں دے۔ مگر کیا فرد اور ریاست کے اس تعلق میں فرد کی بھی کچھ ذمہ داری ہے؟ کیا ریاست کا بھی کچھ حق فرد پہ ہے؟ بالکل ہے۔ ریاست افراد ہی سے تو بنتی ہے۔ افراد اپنا حق نہیں نبھاءیں گے تو ان افراد کے مجموعے سے ایک ناکام ریاست ہی تو سامنے آءے گی۔ تو آخر کس قسم کے افراد ایک کامیاب ریاست کی ضمانت ہیں؟
بات وہاں سے شروع ہوتی ہے جب انسان نے بستیوں کی صورت میں رہنا سیکھا۔ پھر ضرورت پڑی کہ بستی کا ایک نظام ہو جو چند قوانین کے تابع ہو۔ اور پھر یہ فیصلہ کرنا پڑا کہ ایسے نظام کو کون چلاءے گا۔ اکثر صورتوں میں طاقتور نے خود آگے بڑھ کر نظام اپنے ہاتھ میں لے لیا۔ بادشاہت شروع ہوءی۔ شاہی سلسلے شروع ہوءے۔ جو لوگ پڑھے لکھے نہیں تھے ان کو یہ باور کرانا آسان تھا کہ بادشاہت خون میں ہوتی ہے۔ صرف بادشاہ کی اولاد ہی بادشاہ بننے کی اہل ہوتی ہے۔بہت عرصہ اسی طرح گزر گیا مگر پھر تعلیم عام ہوءی۔ سب کو یہ بات سمجھ میں آنے لگی کہ کسی کے خون میں کسی قسم کی بادشاہت، امارت و غربت شامل نہیں ہے۔ ایک غریب گھرانے کے لڑکے کی پرورش کسی امیر گھر میں کیجیے، وہ وہاں کے طور طریقے اختیار کر لے گا۔ کسی امیر گھرانے کے لڑکے کی پرورش مفلوک الحالی میں کیجیے، وہ غربت کے وہی انداز اختیار کر لے گا۔ بادشاہت کا دور ختم ہوا۔ حکمرانی جمہور کا دور شروع ہوا۔
اب ذمہ داری عام شہریوں پہ آگءی کہ وہ سمجھیں کہ اس معاشرے کو ہمیں تمہیں مل کر چلانا ہے۔ ہمیں اور تمہیں مل کر ہی اپنے درمیان سے چند اشخاص کا انتخاب کرنا ہے جو کچھ عرصے کے لیے اس نظام کے رکھوالے بن جاءیں۔ وہ چنیدہ اشخاص نظام کے رکھوالے تو بن جاءیں مگر اپنے آپ کو نظام کا مالک نہ تصور کریں۔ نظام کے مالک ہم سب ہیں۔ اس نظام پہ کسی کی اجارہ داری نہیں ہے۔ ان منتخب نماءندوں کو تو صرف تھوڑے عرصے کے لیے اس نظام کو چلانے کی امانت سونپی گءی ہے۔
معاشرے کی صورت میں رہنے میں لوگوں کا ایک دوسرے سے جو سماجی معاہدہ ہے وہ لکھاءی میں ہے۔ اسے آءین کہا جاتا ہے۔ تو اگر کوءی شخص پڑھنا ہی نہیں جانتا تو وہ معاشرے کے دوسرے افراد سے اپنے سماجی معاہدے کو کیسے پہچانے گا؟ بادشاہت اور آمریت میں تو ناخواندہ افراد بہت بڑی نعمت ہیں مگر جمہوریت میں ایسے لوگ معاشرے پہ بوجھ ہیں۔
ایک ڈاکٹر کا دفتر ہے۔ دفتر میں داخل ہوں تو دروازے کے ساتھ ایک تختی پہ لکھا ہے، "اپنے نام کا اندراج کاءونٹر پہ پڑے رجسٹر میں کیجیے اور پھر آرام سے تشریف رکھ کر اپنی باری کا انتظار کیجیے۔" فرض کریں کہ ڈاکٹر کا یہ دفتر جنوبی کوریا میں ہے۔ کوریا میں خواندگی کی شرح نناوے فی صد ہے۔ وہاں اس دفتر میں داخل ہونے والے سو لوگوں میں سے نناوے لوگ یہ تختی پڑھ کر سیدھا کاءونٹر پہ جاءیں گے اور اپنا نام لکھ کر بیٹھ جاءیں گے۔ صرف ایک شخص ایسا ہوگا جو دفتر میں داخل ہونے کے بعد حیرت سے ادھر ادھر دیکھے گا۔ اسے معلوم نہ ہو گا کہ کیا کرنا ہے کیونکہ اپنی ناخواندگی کی وجہ سے وہ تختی پڑھنے سے قاصر ہوگا۔ پھر جو لوگ پہلے سے بیٹھے ہوں گے وہ ناخواندہ شخص کو بتاءیں گے کہ اسے کاءونٹر پہ پہلے اپنا نام درج کرنا ہے۔ پھر وہ جاہل اس اندراج کے لیے کسی پڑھے لکھے شخص کا سہارا لے گا۔
اب فرض کریں کہ یہی دفتر پاکستان میں ہو جہاں خواندگی کی شرح مشکل سے چون فی صد ہے۔ اس دفتر میں داخل ہونے والے سو میں سے چھیالیس لوگ حیرت سے ادھر ادھر دیکھیں گے۔ پھر وہ بقیہ چون لوگوں کی مدد حاصل کریں گے کہ وہ پڑھے لکھے لوگ ان کے نام کے اندراج میں ناخواندہ لوگوں کی مدد کریں۔
خواندگی خودکاری یا آٹومیشن کی ایک شکل ہے۔ نءے دور کے معاشرے میں جہاں ریاست کے ہر فرد کو ریاست سے اپنا تعلق اور معاہدہ سمجھنا ہے وہاں ہر شخص کا خواندہ ہونا بہت ضروری ہے۔ کسی بھی منتظم معاشرے کا مکمل انحصار سو فی صد شرح خواندگی پہ نہیں ہے، اور عوامل بھی ہیں جو معاشرے کو فعال بنانے میں مدد کرتے ہیں ہیں مگر سو فی صد خواندگی ان عوامل میں ایک بڑا حصہ ہے۔

تصویر بشکریہ

http://www.r4e.org/education/Organisations/education_awareness_and_community_health_pakistan.htm

خوشحالی کی عالمگیریت

2011-03-21T00:22:00.000-07:00

خوشحالی کی عالمگیریت

آہ، شہباز بھٹی۔ ندامت سے ہمارے سر جھکے جاتے ہیں۔ اب منہ سے مذمت کے کلمات نکالتے ہوءے بھی شرم آتی ہے۔ شہباز بھٹی کے بہیمانہ قتل پہ ہماری مذمت سے کیا ہوجانا ہے؟ ہمارے جیسے لوگوں کے احتجاج، مظاہرے، قرار داد ہاءے مذمت، سب بے معنی ہیں کیونکہ ایک طرف مکار مگر با عمل لوگ ہیں جو باتیں کم کرتے ہیں اور کام زیادہ کرتے ہیں، اور دوسری طرف امن کی وہ معصوم فاختاءیں ہیں جو مستقل باتیں بناتی رہتی ہیں۔ نتیجتا مکار، پرتشدد لوگ جیت رہے ہیں۔
بہت سے لوگوں کا خیال ہے کہ موجودہ عالمی کساد بازاری میں اس جنگ کا بھی دخل ہے جو عراق، افغانستان، اور پاکستان میں زور شور کے ساتھ اور مشرق وسطی اور شمالی افریقہ کے کءی ممالک میں کم شدت کے ساتھ لڑی جا رہی ہے۔ شاید ایسا براہ راست نہیں ہے کیونکہ عالمی معیشت میں مذکورہ ممالک کی کوءی خاص معاشی اہمیت نہیں ہے، مگر بلاواسطہ ایسا ممکن ہے کیونکہ معیشت کا گہرا تعلق لوگوں کی نفسیات سے ہے اور 'دہشت گردی کے خلاف جنگ' دنیا بھر کے لوگوں کی نفسیات پہ منفی طور سے اثر انداز ہو رہی ہے۔
اس ملک کے وہ کرتا دھرتا جو معیشت اور نفسیات کے باہمی تعلق کو سمجھتے ہیں کچھ کچھ عرصے بعد ہمیں معیشت سے متعلق اچھی خبریں سناتے رہتے ہیں۔ ٹی وی بتاتا ہے کہ بے روزگاری کی شرح میں اتنے فی صد کمی واقع ہوگءی ہے، وفاقی حکومت نے اتنے لوگوں کو نوکریاں دی ہیں، وغیرہ، وغیرہ۔ مگر یہ ساری خبریں ذراءع مواصلات پہ ہی چکاچوند کرتی نظر آتی ہیں۔ زمینی حقاءق کچھ اور ہی نقشہ پیش کرتے ہیں۔ اور زمینی حقاءق یہ ہیں کہ ہم سب کی جان پہچان میں ایسے بہت سے لوگ ہیں جو ایک عرصے سے بے روزگار ہیں۔ حقیقت یہ ہے کہ بہت بڑی تعداد میں ایسے لوگ ہیں جو مستقبل کی طرف سے سخت ناامید ہیں۔ ایسے لوگ ہیں جو بہت مشکل سے اپنے گھر کے اوپر قرضے کی ماہانہ رقم دے پا رہے ہیں۔ اچھی تنخواہ دینے والی نوکریاں خال خال نظر آتی ہیں۔ البتہ کم ترین اجرت پہ آپ سے کام کروانے کے لیے بہت سے لوگ تیار ہیں۔
موجودہ عالمی کساد بازاری کا براہ راست تعلق انٹرنیٹ کے انقلاب سے ہے۔ چھاپہ خانہ سنہ چودہ سو انتالیس میں ایجاد ہوا تھا۔ یہ ایک زبردست انقلاب تھا جس نے لکھنے پڑھنے کی ٹیکنالوجی اشرافیہ سے نکال کر عام لوگوں تک پہنچا دی۔ چھاپہ خانے کی ایجاد کے بعد بہت طویل عرصے تک دنیا سیاسی طور پہ لرزتی رہی۔ یورپ میں ساءنسی ایجادات کی لہر،یورپیوں کا مسلمانوں کو اسپانیہ سے نکال باہر کرنا، امریکہ کی جنگ آزادی اور انقلاب فرانس جیسے تمام اہم تاریخی واقعات کا تانہ بانہ چھاپہ خانے کی ایجاد سے جوڑا جا سکتا ہے۔ کتابوں کی ارزانی سے پہلے سوچنے سمجھنے کا کام بادشاہ، مذہبی راہ نما، اور اشرافیہ کے چند لوگوں کی اساس تھا۔ رعایا کا کام سر جھکا کر کام کرنا اور بادشاہ اور مذہبی راہ نما کی اطاعت کرنا تھا۔ خیالات خیالات کو جنم دیتے ہیں۔ لکھنا پڑھنا عام ہوا تو عام لوگ بھی سوچنے سمجھنے لگے۔ عوام نے سب سے پہلے بادشاہت کو چیلنج کیا۔ بادشاہ کا گریبان پکڑ کر پوچھا کہ تم کہاں سے ہمارے سر پہ سوار ہو گءے، ہم خود بادشاہ بننے کے اہل ہیں۔ جس جگہ بہت بڑی تعداد میں لوگ اپنے آپ کو بادشاہت کا اہل سمجھیں وہاں صرف جمہوریت ہی نظام حکومت بن کر پنپ سکتی ہے۔
قریبا چھ سو سال پہلے چھاپہ خانے نے جس عالم گیر شعور کی بنیاد رکھی، سنہ انیس سو پچانوے میں انٹرنیٹ نے اس شعور کو ایک نءی جہت بخشی۔ انٹرنیٹ نے پوری دنیا کو اچھی طرح باندھ دیا۔ ہم نے اب تک زبان کی عالمگیریت دیکھی ہے کہ کس طرح انگریزی پوری دنیا کی کاروباری زبان بن گءی۔ ہم نے رہن سہن کی عالمگیریت دیکھی ہے کہ کس طرح شہری زندگی، ذاتی گاڑی، اور تیز کھانوں کا تصور پوری دنیا میں پھیل گیا ہے۔ معیشت کی اس عالمی کساد بازاری میں اب ہم خوشحالی کی عالمگیریت دیکھیں گے۔ یعنی اب یہ ممکن نہ ہو پاءے گا کہ دنیا کا ایک خطہ تو بے حد خوشحال ہو اور دوسری جگہ لوگ سیاسی استحکام کے ساتھ بدحالی میں زندگی گزار رہے ہوں۔ کاروبار اور زر خود بخود اس طرف چلیں گے جہاں کم قیمت میں کام کروایا جا سکے۔ جب تک چین اور ہندوستان اور مشرق بعید کے بہت سے ممالک جہاں سیاسی استحکام ہے اس معاشی سطح پہ نہیں آجاتے جہاں جاپان اور مغربی دنیا کے ممالک آج موجود ہیں اس وقت تک عالمی کساد بازاری اسی طرح چلتی رہے گی۔

تصویر بشکریہ
http://www.berkeleydailyplanet.com
جسٹن ڈی فریٹس
Justin DeFreitas

نقل ٹپو انقلابات

2011-03-21T00:12:00.000-07:00

فروری ستاءیس

نقل ٹپو انقلابات

عرب دنیا میں نقل ٹپو انقلابات کا سلسلہ جاری ہے۔ پہلے تیونس میں سیاسی اکھاڑ پچھاڑ ہوءی، پھر مصر کافی عرصہ خبروں کی زینت بنا رہا حتی کہ حسنی مبارک اقتدار سے رخصت ہوءے، اور اب دنیا بھر کی توجہ لیبیا پہ ہے جہاں انقلابیوں اور قذافی کے حامیوں کے درمیان محاذ آراءی جاری ہے۔ ٹی وی دیکھنے والے ناظرین کی آسانی کے لیے یہ انقلابات ایک کے بعد ایک یوں روپذیر ہو رہے ہیں کہ آپ کو بیک وقت کءی ممالک کے انقلابات پہ توجہ دینے کی زحمت نہ کرنی پڑے، بلکہ آپ ایک وقت میں ایک ملک کے انقلاب پہ پوری توجہ مبذول کریں۔ جب وہ انقلاب اپنے منطقی انجام تک پہنچ جاءے گا تو پھر دوسرے ملک کا انقلاب شروع ہوگا۔
چودہ سو سال پہلے عربی زبان جزیرہ نما عرب کے مشرقی علاقے تک محدود تھی۔ بلاد الشام یعنی جزیرہ نما عرب کا وہ علاقہ جو بحیرہ روم سے لگتا ہے، میں عبرانی، آرامی اور دوسری زبانیں بولی جاتی تھیں۔ اسلام کے آنے کے بعد حجاز سے فوجیں نکلیں اور پورے جزیرہ نما عرب پہ قبضے کے بعد شمالی افریقہ کے مغربی کنارے تک پہنچ گءیں۔ اس پورے علاقے کی زبان عربی ہوگءی۔ اور اب چودہ سو سال بعد تیز ترین مواصلات نے ایک زبان بولنے والے اس وسیع علاقے کے تمام لوگوں کو ایک دوسرے سے ملا دیا۔ الجزیرہ ٹی وی اس پوری عرب دنیا میں دیکھا جاتا ہے۔ اور اسی برق رفتار مواصلات کی وجہ سے نقل ٹپو انقلابات کی راہ کھلی۔ تیونس کے انقلاب کا تعلق غیر جمہوری حکومت سے عوام کی مایوسی کے ساتھ عالمی معیشت کی کساد بازاری سے تھا۔ پھر ایک دفعہ تیونس سے انقلاب کا سلسلہ شروع ہو ا تو وہ عرب دنیا کے دوسرے علاقوں تک پھیل گیا۔ اس پورے علاقے میں مطلق العنان حکمراں کثرت سے پاءے جاتے ہیں۔ اب بہت سے لوگ امید لگاءے بیٹھے ہیں کہ نقل ٹپو انقلابات کی یہ لہر سعودی عرب اور خلیجی ریاستوں تک بھی پہنچے گی اور حجاز اور خلیج فارس میں بھی حکومتیں بدل جاءیں گی۔ ایسا ہونے کا امکان دو وجوہات کی وجہ سے کم نظر آتا ہے۔ اول یہ کہ زیر غور ممالک میں سے بیشتر بہت خوشحال ہیں۔ پیٹ بھرے لوگوں کو مظاہرے اور احتجاج کے لیے چوراہے پہ لانا آسان کام نہیں ہے۔ دوءم یہ کہ ان ممالک میں بہت بڑی تعداد میں ایسے غیرملکی رہتے ہیں جو کام کرنے کے لیے یہاں آءے ہوءے ہیں۔ مثلا عرب امارات میں غیر ملکی افراد آبادی کا اسی فی صد ہیں۔ ان بے چارے غیر ملکیوں کو اپنے اقامے کے لالے پڑے رہتے ہیں، یہ کسی مظاہرے کے لیے کیوں سامنے آءیں گے؟ ہاں اگر شیخ ان غیر ملکیوں کو مظاہرین پہ ڈنڈے برسانے کے لیے کہے گا تو یہ لوگ کوءی چوں چراں کیے بغیر یہ کام فورا کریں گے۔ جیسا کہ بحرین کے پاکستانی پولیس والے مظاہرین کے ساتھ کر رہے ہیں۔
اب رہا سوال یہ کہ ان پے درپے انقلابات سے جو سیاسی اکھاڑ پچھاڑ ہو رہی ہے اس میں عوام کا بھی کچھ بھلا ہوگا یا نہیں، تو یہ معاملہ واقعی غور طلب ہے۔ آمریت ختم ہو کر جمہوریت آجاءے، یہ بات تو دل کو لگتی ہے مگر عالمی معیشت کی دگرگوں حالت کے دوران لوگوں کے پسند کے راہ نما برسر اقتدار آنے کے بعد کیا تیر مار لیں گے، یہ سمجھ میں نہیں آتا۔ دو ہزار آٹھ کے امریکی انتخابات میں اوباما بھاری اکثریت سے کامیاب ہوءے مگر کیا برسر اقتدار آنے کے بعد انہوں نے گرتی ہوءی امریکی معیشت کو تھام لیا؟ ایسا نظر نہیں آتا۔ تیونس، مصر، اور لیبیا کے لوگوں کی مایوسی اس وقت عروج پہ ہو گی جب تمام تگ و دو کے بعد واقع ہونے والی حکومت کی تبدیلی ان کے معاشی حالات میں واضح تبدیلی نہیں لاءے گی۔ تو پھر لوگوں کے معاشی حالات میں تبدیلی کیسے آءے گی؟ اس موضوع پہ ہم اگلے کالم میں بات کریں گے۔

تصویر بشکریہ اے پی

خدا کا گھر اور قبضہ مافیا

2011-02-21T13:18:00.000-08:00

چند دن پہلے امریکہ کے کسی دور دراز علاقے سے ایک فون آیا۔ فون کرنے والے کو نہ جانے کس نے میرا نام اور فون نمبر دے دیا تھا۔ فون کرنے والے نے مدعا بیان کیا کہ اس کے فون کرنے کا مقصد مجھ سے ایک مسجد اور کمیونٹی سینٹر کی تعمیر کے سلسلے میں چندہ اکھٹا کرنا تھا۔
"کیا اس کمیونٹی سینٹر میں بچوں کو ساءنس کی تعلیم دی جاءے گی؟" میں نے پوچھا۔
"کیا مطلب؟" فون کرنے والے نے کسی قدر تعجب سے پوچھا۔
"مطلب یہ ہے کہ یہ مسجد اور کمیونٹی سینٹر کس نوعیت کے ہوں گے؟ یہاں کس برانڈ کا اسلام پڑھایا جاءے گا؟ کیا یہاں بچوں کو ستار بجانا سکھایا جاءے گا؟ کیا دیگر آلات موسیقی کی تعلیم دی جاءے گی؟ کیا فوٹوگرافی کی کلاسیں ہوں گی؟ کیا مصوری سکھاءی جاءے گی؟"
میرے ان سوالات نے اس شخص کو واضح طور پہ پریشان کر دیا تھا۔
"یہ آپ کس قسم کی باتیں کر رہے ہیں؟" اس نے جواب میں صرف اتنا کہا۔
"بھاءی، میں آپ سے بالکل سیدھی سچی باتیں کر رہا ہوں۔ میں کسی ایسی مسجد، کسی ایسے اسلامی کمیونٹی سینٹر کی مالی اعانت نہیں کرنا چاہتا جو میرے اسلام کو حقارت سے دیکھے۔ جس کا انتظام تنگ نظر لوگ سنبھال لیں۔ میں دھڑلے سے موسیقی سنتا ہوں، خوب تصویریں کھینچتا ہوں، اور فلمیں بھی بناتا ہوں، اور ان سب باتوں کے ساتھ اپنے آپ کو خدا کا محبوب بندہ سمجھتا ہوں۔ اب اگر کوءی شخص اپنے تنگ نظر خیالات کے ساتھ میرے اس انداز زندگی کو قبول کرنے کو تیار نہیں ہے، اور الٹا مجھے حقارت کی نظر سے دیکھتا ہے تو کیا مجھے پاگل کتے نے کاٹا ہے کہ میں اس شخص کو مذہبی معاملات میں اپنا سربراہ مانوں اور مذہبی قیادت کے حصول میں اس کی مدد کروں؟"
اس قسم کی کھری کھری باتیں شاید اس شخص کو کسی اور جگہ سے سننے کو نہیں ملی تھیں۔
"مجھے ان باتوں سے سروکار نہیں کہ مسجد اور کمیونٹی سینٹر میں کیا ہوگا۔ اللہ کی راہ میں ایک مسجد بن رہی ہے اور ہم سب کو اس کار خیر میں حصہ لینا چاہیے۔ یہ ثواب کا کام ہے۔" اس نے توجیہہ پیش کی۔
"بھاءی، اللہ کی راہ میں ایک مسجد تو بن رہی ہے اور مسجد یقینا اللہ کا گھر ہے مگر آخر کار اللہ کے اس گھر کا انتظام کسی انسان کو ہی چلانا ہے تو میری دلچسپی یہ جاننے میں ہے کہ اللہ کے اس گھر پہ کن خیالات کے لوگ قبضہ کریں گے۔ اس مسجد کا چودھری کون بن کر بیٹھےگا؟ اگر آپ مجھ سے کسی اسکول کے لیے چندہ مانگیں تو کیا مجھے یہ جاننے کا کوءی حق نہیں ہے کہ اسکول کو کن خطوط پہ چلایا جاءے گا، وہاں کس قسم کی تعلیم دی جاءے گی؟ مجھے یقینا یہ معلوم کرنے کا حق ہے۔ بالکل اسی طرح مجھے یہ معلوم کرنے کا حق ہے کہ کیا آپ جو مسجد اور کمیونٹی سینٹر بنانے جا رہے ہیں وہاں مسلمانوں کو کوڑوں، سنگ ساری، قطع ید اور گردن زنی کے خیالات میں الجھا لیا جاءے گا یا یہ مسجد اعلان کرے گی کہ سلمان تاثیر کا قاتل ممتاز قادری مسلمانوں کے نام پہ ایک سیاہ دھبہ ہے۔"
میں نے کچھ ٹہر کر اس شخص کو بات کرنے کا موقع دیا مگر دوسری طرف مکمل خاموشی رہی۔
اچھا، آپ دوسری باتیں چھوڑیں۔ یہ بتاءیں کہ کیا آپ مسجد کی انتظامیہ میں شامل ہوں گے؟" میں نے پوچھا۔
اس آدمی نے کچھ سوچ کر اثبات میں جواب دیا۔
"کیا آپ موسیقی کو حرام سمجھتے ہیں؟"
"جی ہاں" اس نے کھل کر کہا۔
"بس، یہ بات طے ہو گءی کہ آپ کو اس گھر سے ایسے کسی اسلامی کمیونٹی سینٹر کے لیے چندہ نہیں مل سکتا جس کی انتظامیہ میں آپ کے خیالات جیسے لوگ شامل ہوں۔"
دوسری طرف کچھ دیر کے لیے خاموشی رہی۔ مگر آدمی ڈھیٹ تھا۔ اس نے کہا،
"اچھا، اگر آپ ثواب کے اس کام میں شریک نہ ہونا چاہیں تو آپ کی مرضی ۔ لیکن کیا آپ مجھے اپنا ای میل پتہ دیں گے؟ اگر میں آپ کو مسجد کی تعمیر کے سلسلے میں ایک ای میل بھیجوں تو کیا آپ براءے مہربانی اسے آگے اپنے دوستوں تک بڑھا دیں گے؟"
"ہرگز نہیں۔" میں نے دو ٹوک جواب دیا۔ "میرا خیال ہے کہ آپ میرے مکالمے کی سنجیدگی کو نہیں سمجھ پاءے ہیں۔ میں ایسا کوءی کام نہیں کروں گا جس سے اسلام میں فساد پھیلانے والے لوگ آگے آءیں یا انہیں پھلنے پھولنے کا موقع ملے۔ اگر میں نے کسی طرح ان لوگوں کی اعانت کی اور انہیں اوپر آنے کا موقع دیا تو کل یہی لوگ مجھے مارنے، میرا گھر جلانے آءیں گے۔ تو میں کیوں چاہوں گا کہ طاقت حاصل کرنے میں آج ان لوگوں کی مدد کروں جو مستقبل میں اسی طاقت کے ذریعے میرا بیڑا غرق کر دیں؟"
دوسری طرف جلدی سے فون رکھ دیا گیا۔

تصویر بشکریہ:
http://www.arounddublinblog.com/

یہ کالا قانون از خود توہین رسالت ہے

2011-01-11T19:55:00.000-08:00

تعزیرات پاکستان میں قوانین اپنے شمار سے جگہ پاتے ہیں، مثلا تعزیرات پاکستان سیکشن ایک سو پانچ، دو سو دس، وغیرہ۔ وقت گزرنے کے ساتھ کسی بھی قانون کو اس کے شمار کے بجاءے ایسے نام سے یاد کیا جانے لگتا ہے جو ظاہر کرتا ہے کہ وہ قانون کس جرم کی مد میں تشکیل دیا گیا تھا۔ تعزیرات پاکستان سیکشن دو سو پچانوے ج ایک ایسا قانون ہے جسے عرف عام میں توہین رسالت قانون کہا جاتا ہے۔ شاید کچھ لوگ ایسے ہوں جو تعزیرات پاکستان سیکشن دو سو پچانوے ج کو توہین رسالت قانون اس خیال سے کہتے ہوں کہ اس قانون کے ذریعے بظاہر ان لوگوں کی سرکوبی کی جا سکتی ہے جو توہین رسالت کے مرتکب ہوں، مگر میرے جیسے بہت سے لوگ توہین رسالت قانون کو اس کے اس نام سے اس لیے پکارتے ہیں کیونکہ یہ قانون از خود توہین رسالت ہے۔ وہ برگزیدہ ہستی جسے ہم رحمت اللعالمین کے لقب سے یاد کرتے ہیں، یہ قانون اس پاک ہستی کے نام پہ پاکستانی معاشرے میں فتنہ پیدا کرنے کے لیے استعمال کیا جاتا ہے۔ یہ قانون لوگوں کو ڈرانے دھمکانے کے لیے، ان کی جاءداد و مال پہ قبضہ کرنے کے لیے استعمال کیا جاتا ہے۔ پاکستان میں اس قانون کو جن مقاصد کے لیے استعمال کیا جاتا ہے انہیں دیکھتے ہوءے تعزیرات پاکستان سیکشن دو سو پچانوے ج کو توہین رسالت قانون کے بجاءے طریقہ استحصال اقلیت قانون کہا جاءے تو شاید زیادہ مناسب ہو۔

آج سے چودہ سو سال پہلے کا زمانہ اور تھا اور آج کا وقت کچھ اور ہے۔ آج سے چودہ سو سال پہلے لوگ چھوٹی چھوٹی آبادیوں میں قبیلوں کی صورت میں رہتے تھے اور ہر قبیلہ اپنے لوگوں کی حفاظت کا کام خود کرتا تھا۔ معاشرتی ڈھانچہ کسی مرکزی نظام حکومت یا قانونی نظام کا متحمل نہ ہوسکتا تھا۔ معاشروں میں تعزیرات کسی کتابی شکل میں نہ تھے کہ ملزم کو پکڑنے کے بعد قرار واقعی سزا مل سکے۔ پولیس کا نظام نہ تھا۔ لوگ اپنے طور پہ ملزم کو پکڑ کر قبیلے کے بڑے کے سپرد کردیتے تھے، پھر وہ شخص اپنی عقل و حکمت سے جرم کی سزا مقرر کرتا تھا۔ اس بات کا امکان ہوتا تھا کہ اگر مجرم کو پکڑ کر زید کے حوالے کیا جاءے تو زید ملزم کو بری کر دے، اور اگر اسی ملزم کو بکر کے حوالے کیا جاءے تو بکر اپنی حکمت سے ملزم کو پھانسی چڑھا دے۔ آج کی دنیا میں لوگ ایسے معاشروں میں رہتے ہیں جہاں قوانین تعزیرات کی کتابی شکل میں ہوتے ہیں۔ پولیس کا نظام موجود ہے۔ ملزم کو پولیس کے حوالے کیا جاتا ہے، پھر ایک عدالتی کارواءی ہوتی ہے جس میں اچھی طرح چھان پھٹک ہوتی ہے کہ آیا ملزم پہ لگایا جانے والا الزام درست ہے یا نہیں۔ اگر الزام درست ہے تو تعزیرات پڑھ کر ملزم کو قرار واقعی سزا دی جاتی ہے۔ بہت سے ترقی پذیر ممالک کی طرح پاکستان میں بھی اور دوسرے نظاموں کی طرح عدالت کا نظام بہت اچھے طریقے سے کام نہیں کرتا مگر ذمہ دار شہری اس صورت میں نظام کو بہتر بنانے کے لیے کام کرتے ہیں، قانون اپنے ہاتھ میں نہیں لے لیتے۔ ممتاز قادری ایک گمراہ مسلمان ہے، اور ایک مجرم ہے۔ ممتاز قادری کا جرم یہ ہے کہ وہ اطمینان سے ایک ایسے معاشرے میں رہنا چاہتا ہے جہاں قانون کی بالادستی ہو تاکہ کوءی چپکے سے آکر ممتاز قادری کو مار کر نہ چلا جاءے لیکن اگر ممتاز قادری کو کوءی بات بری لگے تو ممتاز قادری سرکار کی طرف سے دی جانے والی بندوق اٹھا کر اسے چلانے میں عار نہیں کرتا۔ ممتاز قادری نے ماوراءے قانون ایسا جرم کیا ہے جو تمام جراءم میں سب سے زیادہ گھناءونا ہے یعنی کسی انسان کی جان لینا۔ ممتاز قادری ایک گھٹیا انسان ہے کہ اس نے اس شخص کی جان لی کہ جس کی جان کی حفاظت پہ ممتاز قادری خود معمور تھا۔

سلمان تاثیر ایک بہترین انسان تھے کہ انہوں نے معاشرے کے کمزور طبقات کے حق میں آواز اٹھاءی تھی، کہ انہوں نے ببانگ دہل ایک کالے قانون کو کالا قانون کہا تھا۔ اب سلمان تاثیر کے پیغام حق سے وفاداری کا یہی طریقہ ہے کہ تعزیرات پاکستان دو سوپچانوے ج کو مستقل کالا قانون ہی کہا جاءے اور اس توہین رسالت قانون کی تنسیخ کی کوششیں تیز تر کر دی جاءیں۔

تصویر بشکریہ:
http://www.amenews.org

پہچان

2010-11-19T20:35:00.000-08:00

انسان کی پہچان کی کءی نسبتیں ہیں۔ دنیا کے زیادہ تر لوگ اپنی پہچان ایسے واسطوں سے رکھتے ہیں جن پہ ان کا کوءی اختیار نہیں ہوتا۔ وہ کس ملک میں پیدا ہوءے، وہ کونسی زبان بولنے والوں کے گھر پیدا ہوءے، پیداءشی طور پہ ان کا مذہب کیا ہے، ان کی رنگ و نسل کیا ہے، پہچان کے یہ وہ واسطے ہیں جو لوگوں کے ماتھوں پہ مظبوطی سے جڑے ہوتے ہیں۔ دوسرے لوگ پہچان کے ان ہی حوالوں سے فوری فیصلہ کرتے ہیں کہ کوءی شخص کیسے سلوک کا مستحق ہے۔ جب آپ پہلی دفعہ کسی شخص سے ملتے ہیں تو اس کے منہ کھولنے سے پہلے آپ اس کا جاءزہ لیتے ہیں۔ اس سرسری جاءزے سے آپ غیر شعوری طور پہ اس شخص کے بارے میں ایک راءے قاءم کرتے ہیں۔ آپ کی یہ فوری راءے آپ کے ذہن میں بسے تعصبات کی روشنی میں ہوتی ہے۔ اگر اس حلیے و شکل کے لوگ آپ کو پہلے دس بار ملے اور ہر دفعہ وہ لوگ بے ایمان ثابت ہوءے تو آپ اس نءے شخص کے بارے میں بالکل ایسی ہی خراب راءے رکھیں گے۔ حالانکہ اس بات کا بہت بڑا امکان موجود ہے کہ آپ کو اس حلیے و شکل کے ملنے والے دس لوگ اس گروہ کی یکسر غلط عکاسی کرتے ہوں۔
ایک وقت تھا کہ لوگوں کے ذہن میں بسے تعصبات ان کے اپنے ذاتی تجربات سے وجود میں آتے تھے۔ وقت بدل گیا ہے۔ اب انٹرنیٹ، ٹی وی، ریڈیو، اور اخبارات آپ کے تعصبات ہموار کرتے ہیں۔ میڈیا سے موصول ہونے والی طاقتور لہریں یہ تعین کرتی ہیں کہ لوگوں کے کسی گروہ کو کس نظر سے دیکھا جاءے گا۔
میرے ایک عزیز بچکانہ ماہر قلب (پیڈیاٹرک کارڈیالوجسٹ) ہیں۔ وہ سعودی عرب میں کام کرتے ہیں اور جراحی سے پیداءشی قلبی خرابیاں رفع کرتے ہیں۔ کچھ روز پہلے وہ کسی کام سے میرے پاس یہاں سان فرانسسکو بے ایریا آءے ہوءے تھے۔ ان کے واپس سعودی عرب پہنچنے پہ میں نے ان سے فون پہ بات کی تو ان کی زبانی ایک حیرت انگیز واقعہ سنا۔ یہ واقعہ ان ہی کے الفاظ میں سنیے۔ "جہاز فینکس سے شکاگو کے لیے اڑا تو میں حسب عادت فورا ہی سو گیا۔ میں غنودگی میں تھا کہ مجھے آواز آءی کہ، 'فورا اے ای ڈی (آٹو میٹک ایکسٹرنل ڈی فیبریلیٹر) لاءو۔' اے ای ڈی وہ آلہ ہے جو دل کی دھڑکن درست کرنے کے کام آتا ہے۔ میں چھلانگ لگا کر اپنی جگہ سے کھڑا ہوگیا۔ آواز کی سمت دیکھا تو کیا دیکھتا ہوں کہ ایک شخص اپنی نشست میں تیڑھا لیٹا ہوا ہے اور ایک عورت اس کے ساتھ کھڑی ہے۔ معلوم ہوا کہ اس شخص کو دل کا دورہ پڑا ہے اور عورت نے اپنی نشاندہی ایک نرس کے طور پہ کی ہے۔ میں اس نشست تک پہنچا اور اپنا تعارف کرایا کہ میں دل کا ڈاکٹر ہوں۔ میں نے اور لوگوں کی مدد سے مریض کو زمین پہ لٹایا اور اس کا سی پی آر شروع کیا۔ کچھ دیر کی کوشش کے بعد مریض کا دل پھر دھڑکنا شروع ہوگیا اور مریض نے آنکھیں کھول دیں۔ مریض، اس کے ساتھ سفر کرنے والی اس کی لڑکی، نرس اور دوسرے لوگ میرے شکر گزار تھے۔ میں نے جہاز کی ایمرجنسی کٹ میں موجود چند دواءیں مریض کو دیں۔ جہاز کے عملے نے مجھ سے پوچھا کہ آیا جہاز اپنے معمول سے شکاگو تک جاءے۔ میں نے مریض کو دوا تو دے دی تھی مگر مجھے معلوم تھا کہ جہاز میں وہ دواءیں نہیں تھیں جو مریض کو واقعی دی جانی چاہیے تھیں، اور اس بات کا امکان تھا کہ مریض کو دل کا دوسرا دورہ پڑے۔ میں نے جہاز کے عملے کو مشورہ دیا کہ جہاز کو جلد از جلد اتار لیا جاءے تا کہ مریض کو اسپتال لے جا کر اس کی صحیح طور پہ دیکھ بھال کی جا سکے۔ جہاز کے عملے نے میرے مشورے پہ عمل کیا اور جہاز ایل با کر کی، نیو میکسیکو میں اتار لیا گیا۔ مریض کو ایمبولینس میں ڈال کر قریبی اسپتال لے جایا گیا۔ پھر وہاں ایک اور عجیب واقعہ ہوا۔ ایک یورپی نژاد امریکی مسافر میرے پاس آیا، اس نے مجھ سے صاف اردو میں پوچھا، 'کیا آپ پاکستانی ہیں؟' میں نے کسی قدر تعجب سے اس کی طرف دیکھا اور اثبات میں اس کے سول کا جواب دیا۔ اس شخص نے اپنا تعارف کرایا کہ وہ شاءن ہیومینٹی کا ٹاڈ شے ہے۔ واضح رہے کہ شاءن ہیومینٹی نامی امریکی فلاحی ادارے نے حالیہ پاکستان سیلاب کے بعد مصبت زدہ لوگوں کی بہت مدد کی ہے۔ میرا جواب سن کر ٹاڈ شے نے وہاں اور لوگوں کے سامنے تقریر شروع کر دی کہ 'دیکھو، یہ ایک پاکستانی مسلمان ہے اور اس نے ایک شخص کی جان بچاءی ہے۔ تم لوگ پاکستان کے بارے میں کیا جانتے ہو؟ یہی کہ وہاں بم دھماکے ہوتے رہتے ہیں اور خود کش حملہ آور معصوم لوگوں کو مارتے رہتے ہیں؟ یہ شخص اس بات کی مثال ہے کہ پاکستانی بھی تمھاری طرح ہیں اور دل میں انسانیت کا درد رکھتے ہیں۔ تم نے خود دیکھا کہ یہ شخص کس طرح دوڑ کر آیا اور اس نے ایک آدمی کی جان بچا لی۔' میں ٹاڈ شے کی یہ تقریر سن کر سب کے سامنے شرمندہ ہو رہا تھا کہ آخر ایسی کیا بات ہوگءی، میں نے کونسا تیر مار دیا، میں ڈاکٹر ہوں، لوگوں کی جان نہیں بچاءوں گا تو کیا کروں گا۔ اور ٹاڈ شے نے اسی تقریر پہ اکتفا نہیں کیا، اس نے سی این این میں اپنی جان پہچان کے لوگوں کو فون کر دیا۔ چنانچہ جب جہاز ایل با کر کی سے شکاگو پہنچا تو سی این این کا عملہ میرے استقبال کے لیے وہاں موجود تھا۔ وہاں میرا انٹرویو ہوا۔"
تو یہ تھی ہمارے عزیز کی داستان۔ اوریہ ہے آج کے مسلمان کی راءج پہچان۔ کہ مسلمان اوروں کو مارنے کے درپے ہیں۔ اور اس درمیان کوءی باریش مسلمان کسی کی جان بچا لے تو لوگ حیرت سے اسے دیکھتے ہیں کہ یہ آپ نے کیا کیا، آپ سے اس طرح کی تو کوءی توقع نہیں تھی۔

تصویر بشکریہ
http://www.nhlbi.nih.gov

ایف بی آءی کے کالے دھندے

2010-11-01T12:09:00.000-07:00

نو گیارہ کے واقعے کو نو برس بیت چکے ہیں مگر اس افسوس ناک تاریخی واقعے کے بعد امریکی انتظامیہ امریکی مسلمانوں کو جس شک کی نظر سے دیکھنے لگی تھی اس رویے میں اب تک کوءی تبدیلی نظر نہیں آءی ہے۔ اس کے برعکس وقت گزرنے کے ساتھ ساتھ یہ ترچھی نظر کڑی ہوتی جا رہی ہے۔ کچھ کچھ عرصے میں ایک خبر اخبارات کی زینت بنتی ہے جس میں بتایا جاتا ہے کہ فلاں امریکی مسلمان دہشت گردی کی بڑی کارواءی کرنے والا تھا مگر عین موقع پہ گرفتار کر لیا گیا۔ ایسی کسی خبر کو ذرا غور سے پڑھیے تو معلوم ہوتا ہے کہ یہ گرفتاری ایک فراڈ ہے جو دراصل دام گیری یا انٹریپمینٹ کے زمرے میں آنی چاہیے۔ اس دام گیری کا نیا ترین شکار ورجینیا سے تعلق رکھنے والا پاکستانی نژاد فاروق احمد ہے۔ فاروق احمد پہ الزام ہے کہ اس نے واشنگٹن ڈی سی کی میٹرو میں بم رکھنے کی نیت سے میٹرو اسٹیشن کی ایک ویڈیو بناءی تھی۔ اس خبر کی تفصیل میں جاءیے تو معلوم ہوگا کہ جو لوگ فاروق احمد کی مدد سے واشنگٹن میٹرو میں بم رکھنا چاہتے تھے وہ دراصل القاعدہ کے بھیس میں ایف بی آءی ایجنٹ تھے۔ با الفاظ دیگر ایف بی آءی کے اہلکار واشنگٹن میٹرو میں بم رکھنے کا منصوبہ لے کر فاروق احمد کے پاس گءے۔ فاروق احمد نہ جانے کس طرح ان کے جال میں آگیا اور اس منصوبے میں شرکت کرنے پہ آمادہ ہوگیا۔ فاروق احمد نے یہ نہ جانتے ہوءے کہ وہ ایف بی آءی اہل کاروں سے بات کررہا ہے اپنے "مسلمان بھاءیوں" کے کہنے پہ میٹرو اسٹیشن کی ویڈیو بناءی اور ان کے حوالے کردی۔ اور اب فاروق احمد کو یہ کہہ کر گرفتار کیا گیا ہے کہ اس نے میٹرو میں بم دھماکہ کرنے کی تیاری میں ویڈیو بناءی تھی۔ ایسوسی ایٹڈ پریس کی اس خبر میں لکھا ہے کہ اس طرح دہشت گردی کا ایک گھناءونا منصوبہ ناکام بنا دیا گیا۔ اس جملے کے اندرونی تضاد پہ ہنسی آتی ہے۔ گویا ایف بی آءی نے دہشت گردی کا ایک ایسا منصوبہ ناکام بنا دیا جو ایف بی آءی نے خود ہی تیار کیا تھا۔ فاروق احمد جیسے لوگوں کی گرفتاری سے ایف بی آءی بالخصوص اور امریکی انتظامیہ بالعموم یہ ثابت کرنا چاہتی ہے کہ امریکی مسلمانوں میں ایسے لوگ موجود ہیں جو القاعدہ کے لیے ہمدردی رکھتے ہیں۔ اس لیے ضروری ہے کہ وہ، یعنی ایف بی آءی کے اہلکار، ایسی امریکی مسلمان کالی بھیڑوں کو القاعدہ کے اہل کار کا بھیس بدل کر گرفتار کر لیں اس سے پہلے کہ القاعدہ کے اصل اہل کار ان لوگوں کی خدمات حاصل کریں۔ اس منطق میں بے انتہا جھول ہے۔ لوگوں کو اس طرح کے دام میں پھنسا کر گرفتار کرنا انصاف ہرگز نہیں ہے۔ القاعدہ اگر واقعی اتنی طاقتور اور منظم ہوتی کہ اپنے اہل کاروں کو امریکہ بھیج کر یہاں کے مسلمانوں کو دہشت گردی کے لیے اکسا سکتی تو امریکہ بھیجے جانے والے یہ اہل کار خود ہی دہشت گردی کی واردات کیوں نہ کر جاتے؟ ہمیں یہ بات نہیں معلوم کہ فاروق احمد کو اس جال میں پھنسانے والے لوگوں نے کس کس طرح فاروق احمد کو اپنے منصوبے میں شامل کرنے کے لیے تیار کیا ہوگا۔ اسے کس کس طرح ورغلایا گیا ہوگا کہ امریکہ دنیا بھر کے مسلمانوں پہ ظلم کررہا ہے اور اس ظلم کا بدلہ لینا بہت ضروری ہے۔ عین ممکن ہے فاروق احمد نے حجت کی ہو کہ ظلم کا بدلہ تو لیا جاءے مگر معصوم امریکی شہریوں کو کیوں قتل کیا جاءے۔ اور اس حجت کے جواب میں بھیس بدل کر آنے والے ایف بی آءی اہل کاروں نے فاروق احمد کو کہا ہو کہ امریکہ بھی تو افغانستان اور عراق میں معصوم مسلمان شہریوں کو قتل کر رہا ہے۔ اور اسی قسم کی خرافات سن کر فاروق احمد ان لوگوں کے جال میں آگیا ہو۔
یوں لگتا ہے کہ نو گیارہ کے واقعے کے فورا بعد ایف بی آءی سمیت دوسرے حساس اداروں کو پہلے آڑے ہاتھوں لیا گیا اور پھر انہیں کھلی چھوٹ دے دی گءی کہ وہ جو چاہے کریں بس یہ یقین دہانی کریں کہ آءندہ امریکی مٹی پہ نو گیارہ جیسا واقعہ نہ ہونے پاءے۔ ان سیکیورٹی اداروں نے فیصلہ کیا کہ ایسی یقین دہانی کا صرف ایک طریقہ ہے کہ لوگوں کو ڈرا کر رکھا جاءے۔ ہر مسجد میں جاسوس چھوڑے جاءیں جو بھیس بدل کر لوگوں کو پہلے دہشت گردی کے لیے اکساءیں اور پھر جو اس نرغے میں آجاءے اسے گرفتار کر لیا جاءے تاکہ دوسرے اور بھی ڈر جاءیں اور اس قسم کا کوءی خیال دل میں بھی نہ لاءیں۔
اور اس طرح ان اداروں نے خراب معاشی حالات میں اپنی نوکری بھی پکی کر لی ہے۔ عام امریکی کے لیے پیغام ہے کہ وہ بجٹ کی کٹوتی کے لیے ان اداروں کی طرف آنکھ اٹھا کر بھی نہ دیکھے۔ اگر ان اداروں کے بجٹ میں کمی کی گءی تو پورے امریکہ میں جگہ جگہ بم دھماکے ہونے لگیں گے۔

تصویر بشکریہ
http://www.guardian.co.uk
Luis Alvarez/AP

انسان اور اس کے پیراہن

2010-11-01T11:51:00.000-07:00

پچھلی جمعرات کو ایک عجیب واقعہ ہوا۔ جامعہ سان ہوزے اسٹیٹ میں شام کے وقت کشمیر میں حریت پسندی کی تحریکوں پہ ایک پروگرام تھا۔ مقررہ یاسمین قریشی تھیں جن کا تعلق دہلی سے ہے۔ یاسمین انسانی حقوق کے موضوعات پہ لکھتی رہی ہیں۔ یاسمین قریشی نے پچھلے سال سری نگر اور اس کے آس پاس کے علاقوں کا دورہ کیا تھا اور جمعرات کو ان کی تقریر اسی متعلق تھی کہ وادی کشمیر میں تاریخی طور پہ حریت پسندی کی لہر کن ادوار سے گزری ہے اور آج کل کشمیری کس طرح سوچتے ہیں۔ پروگرام منعقد کرنے والوں کے علم میں یہ بات نہ تھی کہ انتہا پسند ہندو جماعتوں نے اپنے کارکنوں سے اس پروگرام میں شرکت کرنے کی اپیل کی تھی۔ تقریر کے بعد سوال و جواب کا سلسلہ شروع ہوا تو ایک شخص نے یاسمین قریشی کو سخت سست کہا اور کہا کہ مقررہ جیسے ہندوستانی مسلمانوں کی وجہ ہی سے ہندو ہندوستانی مسلمانوں سے نفرت کرتے ہیں۔ پھر دوسرے شرکا نے بھی یاسمین قریشی کی تقریر پہ خوب تنقید کی اور ان پہ الزام لگایا کہ ان کے اعداد و شمار غلط تھے اور انہوں نے اپنی تقریر میں غلط بیانی سے کام لیا۔ اس بارے میں کسی قسم کا شک نہ تھا کہ مقررہ پہ ایسی کڑی مگر بے سروپا تنقید کرنے والے لوگوں کا تعلق کس گروہ سے تھا۔ اس پروگرام میں یہ بات واضح ہوءی کہ ہندوستانی جمہوریت اور ریاست کتنے بڑے مساءل کا شکار ہے۔ کہ مذہب کا دیو جمہوری روایت کا گلا گھونٹنے کے درپے ہے۔ ہندوستانی ہندوءوں کا خیال ہے کہ وہ ہندوستان کے اصل رکھوالے ہیں۔ یہ لوگ جتنا زیادہ سینہ تان کر اس ملک کے نگہبان بنتے ہیں دوسرے عقاءد سے تعلق رکھنے والے لوگ اس ملک سے اس قدر ہی زیادہ متنفر ہوتے جاتے ہیں۔
ہم ایک عجیب دو ر میں زندہ ہیں کہ جب لوگوں کے مذہبی اختلافات ان کے درمیان تفرقے کا سب سے بڑا ذریعہ بن گءے ہیں۔ میں اکثر اپنے آپ سے سوال کرتا ہوں کہ وہ ذہنی رجحانات جو انسان کو کسی جانور سے ممیز کرتے ہیں ان میں مذہبی خیالات کا تناسب کیا ہے۔ اس بات کو یوں بھی سمجھا جا سکتا ہے کہ صرف انسان ہی مذہبی رجحانات کا حامل ہوتا ہے۔ بکریاں، گھوڑے، اور دوسرے جانور کسی مذہب سے تعلق نہیں رکھتے۔ کسی بھی مذہب سے تعلق رکھنے والا شخص انسان ضرور ہوتا ہے مگر ہر انسان ایک مذہب سے تعلق نہیں رکھتا۔ لوگ اپنا مذہب بدل بھی لیتے ہیں۔
کچھ عرصے پہلے کی بات ہے کسی نے مجھ سے کہا تھا کہ اس کی نظر میں اس کی دینی اقدار اسی کی انسانی اقدار سے بڑھ کر ہیں۔ وہ شخص کلمہ گو تھا۔ میں نے اس شخص کی بات یوں سمجھی کہ اس کا کہنا تھا کہ وہ پہلے مسلمان ہے اور پھر انسان۔ میں نے بحث کی کہ ایسا کیوں کر ممکن ہے۔ مذہب، زبان، طور طریقے، تمدن، اخلاقی اقدار تو محض ایک نسل گہری ہوتی ہیں۔ ایک بچے کو اس کے ماں باپ سے جدا کر کے ایک دوسرے ماحول میں لے جاءیے تو وہ اپنے پرانے ماحول اور معاشرے سے قطعی بے گانہ ہو کر اپنے نءے ماحول اور معاشرے کے حساب سے ڈھل جاءے گا۔ وہ اپنے نءے اطراف کی اقدار اپنا لے گا۔ جو مذہب اسے اپنے نءے ماحول میں ملے گا اسے وہ اختیار کر لے گا۔
ایک چالیس سالہ چینی کو امریکہ میں لا کر بسا دیجیے وہ ہمیشہ ایک مخصوص لہجے ہی سے انگریزی بولے گا جس کو سمجھنا دوسرے امریکیوں کے لیے آسان نہ ہوگا مگر چین میں پیدا ہونے والے ایک ششماہے کو امریکی ماحول میں لا کر اس کی یہاں پرورش کیجیے وہ بالکل راءج انداز سے انگریزی بولے گا۔ مسلمان گھرانے میں پیدا ہونے ایک بچے کو عیساءیوں کے گھر بڑا ہونے دیجیے وہ بالکل عیساءی اقدار اپنا لے گا۔
چنانچہ یہ بات ہم سب پہ واضح ہونی چاہیے کہ ہماری انسانی اقدار ہماری مذہبی اور معاشرتی اقدار سے زیادہ گہری ہیں۔ اور یہی انسانی اقدار ہمارے دوسرے سطحءی اختلاف کے باوجود ہمیں ایک دوسرے کے قریب لانے کی سکت رکھتی ہیں۔
اندر سے انسان تو انسان ہے۔ اس کی ضروریات باقی انسانوں جیسی ہی ہیں۔ اسے بھوک لگتی ہے، پیاس لگتی ہے۔ وہ سردی گرمی سے بچنے کے لیے تن ڈھانپنا چاہتا ہے۔ وہ سکون سے رہنا چاہتا ہے، اپنے آس پاس کے لوگوں سے پیار کرتا ہے، اور اپنی نسل آگے بڑھانا چاہتا ہے۔ یہ ہیں وہ بنیادی انسانی اقدار جو ہمارے درمیان مشترک ہیں۔ ہمارے وجود کے ان گہرے اور پاءدار حقاءق کے اوپر مذہب، لسان، اور تمدن کا ملمع تو بہت ہلکا ہے۔ پھر اس قلعی کو زندگی اور موت کا مسءلہ بنا لینا کہاں کی عقل مندی ہے؟

کشمیر میں آزادی کی بلند ہوتی صداءیں

2010-11-01T11:42:00.000-07:00

لوگوں کا ایک دوسرے کے ساتھ ایک معاشرے میں رہنا ایک قدیم عمل ہے۔ اور جب کبھی بہت سارے لوگ ایک ساتھ رہیں تو سوال اٹھتا ہے کہ ان کے مشترکہ معاملات کو کس کے حکم سے چلایا جاءے۔ کون یہ فیصلہ کرے کہ کونسا عمل ٹھیک ہے اور کونسا لاءق سزا؟ لوگوں کی ایسی ایک جماعت جو پورے معاشرے کے لیے ایسے فیصلے کرے حکومت کہلاتی ہے۔ تاریخی طور پہ حکومت کا سربراہ ایک مطلق العنان شخص ہوتا تھا جو کبھی معمولی مشاورت سے اور اکثر عقل کل بنا امور ریاست چلایا کرتا تھا۔ ایسے شخص کو کہیں بادشاہ، کہیں سلطان، کہیں راجہ، اور کہیں ناءب خدا کہا جاتا تھا۔ ایسا مطلق العنان سربراہ مملکت سلطان آءین ہوا کرتا تھا۔ مملکت کا قانون اس کے تابع تھا۔ وہ جسے چاہے سزا دے جسے چاہے معاف کردے۔
پھر زمانہ آگے بڑھا، چھاپہ خانہ ایجاد ہوا اور ایسے عوام کو جن میں بہت سارے پڑھے لکھے لوگ شامل ہوں شاہی نظام تلے قابو میں رکھنا مشکل ہوگیا۔ سلطانی جمہور کا زمانہ آیا۔ آءین، ملک کے ہر فرد سے بلند تر قرار پایا۔ یہ طے پایا کہ معاشرے میں قانون کی بالادستی ہوگی۔ اعلی سے اعلی عہدے پہ فاءز شخص قانون کے تابع ہوگا۔ اور قوانین جمہور کی مرضی سے بنیں گے۔ امور مملکت چلانے کے معاملے میں عوام کی مرضی جمہوری نظام سے حاصل کی جاءے گی۔ جمہوری نظام حکومت و نظام تشکیل قوانین یا عام فہم زبان میں جمہوریت وہ طریقہ ہے جس میں ریاست کا ہر فرد ووٹ کے ذریعے ایسے نماءندے منتخب کرتا ہے جو قانون سازی کا کام کرتے ہیں اور حکومت کی باگ دوڑ سنبھالتے ہیں۔ اس طریقہ حکومت میں احتساب کا سب سے موثر اور اکثر حالات میں واحد ذریعہ انتخابات ہوتے ہیں۔ اگر منتخب نماءندے چننے کے معاملے میں لوگوں سے غلطی ہوگءی ہے تو وہ اگلے انتخابات میں اس غلطی کو نہیں دہراءیں گے اور دوبارہ ان لوگوں کو منتخب نہیں کریں گے جنہوں نے اپنے طرز عمل سے انہیں مایوس کیا ہے۔

تو اگر جمہوریت ایسا ہی صاف شفاف دھلا دھلایا سوچا سمجھا نظام حکومت ہے تو پھر کءی ممالک میں جمہوریت ناکام کیوں نظر آتی ہے؟ اور بالخصوص وہ کونسے حالات ہیں جب کسی جمہوری ملک میں رہنے والے لوگوں کا ایک گروہ آزادی کا مطالبہ کرتا ہے۔ اور بظاہر یہ بات عجیب معلوم دیتی ہے۔ جب ایک جمہوری نظام میں ہر شخص کی مرضی ہی سے امور مملکت چلاءے جا رہے ہیں تو آخر کوءی شخص کیوں چاہے گا کہ ایسے اچھے نظام سے نکل جاءے؟ مگر عجیب معلوم دینے کے باوجود اضطراب کی ایسی مثالیں بہتیری ہیں۔ پاکستان کے مقابلے میں ہندوستان میں جمہوری روایت مستحکم ہے۔ انگریز کے جانے کے بعد ہندوستان میں قاءم ہونے والا جمہوری نظام بغیر کسی رکاوٹ کے چل رہا ہے۔ اس کے باوجود منی پور، ناگالینڈ، آسام، کشمیر، اور دوسرے کءی علاقے ہندوستان سے آزادی چاہتے ہیں۔

پرانی دنیا میں کءی جگہوں پہ جمہوری نظام کی ناکامی پرانی دنیا کے تنوع آبادی کی وجہ سے ہے۔ جمہوریت اعداد کا کھیل ہے چنانچہ ایسی جگہ جہاں لوگوں کے مختلف گروہ رہتے ہوں جمہوریت گروہی اختلافات کا میدان بن سکتی ہے۔ اکثریتی گروہ اپنی عددی برتری کی وجہ سے حکومت پہ چھا جاتا ہے اور اس بات کا کوءی امکان نہیں رہتا کہ کوءی بھی اقلیتی گروہ شماریات کی یہ جنگ کبھی جیت پاءے گا۔ جب کبھی اقلیتی گروہ ایسی زیادتی اور دھاندلی محسوس کرتا ہے وہ آزادی کا مطالبہ کرتا ہے۔
جمہوری نظام اور سلطانی نظام میں سب سے بڑا فرق یہی ہے کہ جمہوری نظام جمہور یا عوام کی خوشی چاہتا ہے جب کہ سلطانی نظام میں سلطان کی خوشی ساری باتوں پہ مقدم ہے۔ یہ بادشاہوں کا طریقہ کار تھا کہ وہ بڑی سے بڑی ریاست قاءم رکھنے پہ فخر محسوس کرتے تھے۔ کسی بادشاہ کے لیے یہ بات باعث افتخار ہوتی تھی کہ اس کا سکہ کتنی دور تک چلتا ہے۔ کسی بھی جمہوری ملک کا اولین مقصد یہ ہرگز نہیں کہ بڑے سے بڑا علاقہ اس کے زیر اثر آجاءے۔ جمہوری نظام حکومت کا اولین مقصد تو لوگوں کی خوشی ہے۔جمہوریت کا مطلب ہی لوگوں کی آرا کو سننا اور ان کو اہمیت دینا ہے۔ لوگوں کو ڈنڈے کے زور پہ کسی جمہوری مملکت کا حصہ بناءے رکھنا اپنے اندر شدید نظریاتی تضاد رکھتا ہے۔ چنانچہ کسی جمہوری ملک میں جب ایک علاقے کے رہنے والے لوگ آزادی کا مطالبہ کریں تو ان کی بات غور سے سنی جاءے اور اور اگر یہ آواز علاقے کی اکثریت کی آواز ہو تو اسے مانا جاءے اور جمہوری مملکت جمہور کی راءے کا احترام کرتے ہوءے اپنی سرحدات سکیڑے اور مذکورہ علاقے کی آزادی کا مطالبہ تسلیم کرے۔

تصویر بشکریہ
http://ibnlive.in.com

لہو اور تلوار کے نغمات

2010-10-17T21:50:00.000-07:00

وہ ایک لڑکی جو جوان ہے، اچھا ذہن رکھتی ہے، خوب صورت ہے، اور تحریر و تقریر میں بلا کی مہارت رکھتی ہے۔ اور اپنی ہم عمر دوسری اٹھاءیس سالہ لڑکیوں کے مقابلے میں اسے ایک اور برتری حاصل ہے۔ اس لڑکی کے نام کے آخر میں بھٹو آتا ہے۔ فاطمہ بھٹو ذوالفقار علی بھٹو کی پوتی ہے اور حال میں شاءع ہونے والی اپنی تیسری کتاب لہو اور تلوار کے نغمات (سونگز آف بلڈ اینڈ سورڈ) کی ترویج کے لیے امریکہ کا دورہ کر رہی ہے۔ میں فاطمہ بھٹو کو سننے کے لیے اسٹینفرڈ پہنچا تو یہ سوچتا ہوا ہال کی طرف چلا کہ وہاں گھسنے کے لیے ایک طویل قطار لگی ہوگی۔ مگر ایسا نہ تھا۔ اور مجمع کم ہونے کی وجہ جامعہ اسٹینفرڈ کے اعلانات تھے جو اس تقریر کی تشہیر میں کیے گءے تھے۔ اعلان کیا گیا تھا کہ تقریب میں صرف اسٹینفرڈ کے طلبا اور ممبران اسٹاف کا داخلہ ممکن ہوگا۔ فاطمہ بھٹو نے اپنی تقریر میں بھٹو خاندان کے حوالے سے پاکستان کی مختصر تاریخ بیان کی۔ ان کی باتوں سے واضح تھا کہ وہ سیاست میں خاندانی سلسلوں کی سیاست سے خوش نہیں ہیں۔
لہو اور تلوار کے نغمات ایک ضخیم کتاب ہے جس میں فاطمہ بھٹو نے بہت سی ایسی شخصیات کا انٹرویو کیا ہے جن کا واسطہ فاطمہ بھٹو کے دادا یا باپ سے پڑا تھا۔ یہ بات واضح ہے کہ فاطمہ کو اپنے بھٹو نام کی وجہ سے ان لوگوں تک رساءی حاصل کرنا آسان رہا ورنہ اٹھاءیس سالہ بہت سے صحافی بڑے لوگوں کا انٹرویو کر نے کے لیے جوتیاں چٹخانے پھرتے ہیں۔
بہت سے پاکستانیوں کو اس بات پہ بہت فخر ہے کہ انہوں نے بے نظیر بھٹو یعنی ایک عورت کو اپنا وزیر اعظم منتخب کیا تھا جب کہ امریکہ میں کبھی کوءی عورت صدر نہ بن پاءی۔ بات سمجھنے کی یہ ہے کہ بے نظیر بھٹو کو لوگوں نے اس لیے نہیں ووٹ دیا کہ وہ اپنے طور پہ ایک پڑھی لکھی سمجھ دار عورت تھی بلکہ لوگوں نے بے نظیر کو اس لیے منتخب کیا کیونکہ اس کا باپ ایک مشہور آدمی تھا۔ مشرق میں عورتوں کو معاشرے میں ان کا جاءز مقام دینے کے سلسلے میں بے نظیر کے وزیر اعظم بناءے جانے کی مثال اتنی ہی غیر اہم ہے جتنی اندرا گاندھی کے وزیر اعظم ہونے کی مثال۔ اور یہ سلسلہ دنیا میں بہت دور تک نظر آتا ہے۔ بنگلہ دیش میں شیخ حسینہ اپنے باپ کی وجہ سے اور خالدہ ضیا اپنے شوہر کی وجہ سے کرسی اقتدار تک پہنچ پاءیں۔ سری مابو بندرا نائکے اپنے شوہر کی وجہ سے سری لنکا کی وزیر اعظم بنیں۔ فلپائن میں گلوریا مکاپگل ارویو اپنے باپ کی وجہ سے ایوان صدر تک پہنچیں۔ پاکستانی یا دیگر مشرقی معاشروں کے انصاف کے تو ہم جب قاءل ہوں گے جب ہمیں میگی تھیچر یا اینجلا مرکل جیسی خواتین آگے آگے نظر آءیں گی جو کسی مرد کے نام کے سہارے کے بغیر اپنے بل بوتے پہ آگے پہنچی ہوں اور معاشرے نے انہیں وسعت ذہن کے ساتھ اپنے بل بوتے پہ آگے آنے کی سہولت دی ہو۔ سچ تو یہ ہے کہ پاکستانی معاشرے میں عورت کے ساتھ سلوک کی بہتر مثال بے نظیر بھٹو نہیں بلکہ ماءی مختاراں ہے۔ وہ پاکستانی عورت جس کی پشت پناہی طاقت ور مرد نہ کررہا ہو، بازار میں ننگی دوڑاءی جاتی ہے اور اس کے ساتھ شرم ناک سلوک کیا جاتا ہے۔ پاکستانی معاشرے میں یہ ہے عورت کی وہ حقیقت جس پہ ہمارا سر شرمندگی سے جھک جاتا ہے اور دل میں نامنظور، نامنظور کی ایک ہوک اٹھتی ہے۔

فاطمہ بھٹو کی اسٹینفرڈ میں تقریر پہ انگریزی میں ایک خبر یہاں موجود ہے:

http://pakistanlink.org/Community/2010/Oct10/15/03.HTM

صاف رنگ کے لوگ، آپ کے چندے کے صحیح حقدار

2010-10-17T20:23:00.000-07:00

آج کل یوایس اردو نیوز کے لیے ہفتہ واری کالم لکھ رہا ہوں۔ یہ کالم دو ہفتے قبل لکھا گیا تھا۔

پچھلے ہفتے کے کالم میں فلاحی کام کرنے والوں کی ستاءش کے معاملے میں دنیا والوں کی نسل پرستی کا حال بیان کیا تھا؛ اس دفعہ امریکی فلاحی میدان کے ایک اور گھناءونے رخ کو کھول کر بیان کرنا چاہوں گا۔
ذرا غور کیجیے تو آپ کو نظر آءے گا کہ فلاح میں ان غریبوں کی مدد کو ترجیح دی جاتی ہے جو مغربی دنیا کے راءج خوب صورتی کے معیار کے مطابق قبول صورت ہوں۔ دوسرے الفاظ میں امریکہ میں چندہ جمع کرتے وقت کالے غریب لوگوں کے مقابلے میں گورے غریب لوگ آپ کی ہمدردی کے زیادہ مستحق سمجھے جاتے ہیں۔ غریبوں، محتاجوں کے لیے عطیات جمع کرتے ہوءے قبول صورت غریب لوگوں کی تصاویر دکھاءی جاتی ہیں۔ دنیا والوں کو ایسے غریب بچوں پہ ترس آتا ہے جن کے گال سرخ و سفید ہوں۔ کالے کلوٹے بچوں سے بھلا کون ہمدردی کرے گا؟ حالیہ پاکستانی سیلاب میں سب سے زیادہ تباہی سندھ میں ہوءی ہے مگر تصویروں میں شمالی علاقے کے لوگوں کو دکھایا جاتا ہے کیونکہ پاکستان جیسے گرم ملک میں "قبول صورت" لوگ تو صرف ٹھنڈے علاقوں میں مل سکتے ہیں۔
چنانچہ سینٹرل ایشیا انسٹی ٹیوٹ کی دکان بھی اسی لیے چمکتی ہے کیونکہ وہ ایسے علاقوں میں کام کر رہی ہے جہاں کے غریب لوگوں کی شکلیں مغربی دنیا کے لیے قابل قبول ہیں۔ گندے اور پھٹے پرانے کپڑے پہنے ایسے گورے بچے جنہیں دیکھ کر لوگ کہیں، "ہاءو کیوٹ" اور پھر فورا ایک بڑا چیک کاٹ کر چندہ جمع کرنے والے فلاحی ادارے کو تھما دیں۔
دوسرے امریکی فلاح میں ایسی نسل پرستی کو قبول کریں تو کریں ہم دیسی امریکیوں کو اس جال میں پھنسنے سے انکار کردینا چاہیے۔ ہمیں اچھی طرح سمجھنا چاہیے کہ غربت اور افلاس کا اصل چہرہ بہت گھناءونا ہے۔ غربت اور افلاس کے چہرے پہ امارت اور فارغ البالی کی چمک اور سرخی تلاش کرنا بے وقوفی ہے۔ ہر غریب اور مفلس ہماری ہمدردی کا یکساں مستحق ہے چاہے اس کی کھال کا رنگ کیسا ہی کیوں نہ ہو، چاہے وہ کسی بھی نسل سے کیوں نہ تعلق رکھتا ہو۔ اور غریبوں سے ہمدردی میں ہمیں اپنے اوپر کسی قسم کا فخر کرنے کی ہرگز ضرورت نہیں ہے۔ یہ بس محض ایک اتفاق ہے کہ ہم غربت کے چنگل سے باہر ہیں۔ ورنہ کسی قسم کی بھی امارت، کسی بھی قسم کی سفید پوشی سے افلاس تک کا فاصلہ بہت زیادہ نہیں ہے۔ ابھی ذرا حالات پلٹیں اور ہم بے دست و پا ہوجاءیں، دوسروں کے محتاج ہو جاءیں۔ اور اپنی اس کمزور حالت میں ہم یہ نہ چاہیں گے کہ دوسرے ہماری شکل دیکھ کر یا ہماری کھال کا رنگ دیکھ کر ہمارا ہاتھ تھامنے یا نہ تھامنے کا فیصلہ کریں۔
میں گریگ مورٹینسن کی حالیہ تقریب میں بیٹھا یکے بعد دیگرے اسکرین پہ "قبول صورت" غریب بچوں کی تصاویر دیکھ رہا تھا۔ اور بچوں کے ساتھ ہی ایک ایسے چھوٹے بچے کو بھی دکھا گیا جس کے متعلق بتایا گیا کہ وہ افغانستان میں ایک موٹر میکینک کی دکان پہ کام کرتا ہے۔ ایک نظر میں وہ بچہ کالا نظر آتا تھا مگر تھوڑا سا غور کریں تو معاملہ واضح ہوتا تھا کہ دراصل میکینک کی دکان پہ کام کرنے کی وجہ سے اس گورے سے بچے کے منہ پہ کالک لگی ہوءی ہے۔ پاکستان کے بہت سے موٹر میکینکوں کے پاس بہت سے دس گیارہ سالہ لڑکے کام کرتے ہوں گے مگر رحم کے قابل ایک گوری رنگت کا لڑکا ہی سمجھا گیا۔ پیغام یہ تھا کہ اس معصوم گورے لڑکے کو دیکھیے، اس کے منہ پہ لگی کالک آپ کے گراں قدر عطیے کی طلبگار ہے؛ خواتین و حضرات، آپ کے چندے کا ہلکا سا چھینٹا اس لڑکے کے منہ پہ پڑے گا تو کالک اتر جاءے گی اور بالکل آپ کا جیسا صاف ستھرا، دھلا دھلایا، گورا لڑکا سامنے نکل کر آجاءے گا۔
فلاح میں نسل پرستی کا یہ پوشیدہ پیغام ہمیں بالکل قبول نہیں۔

تصویر بشکریہ
http://www.worldvisionreport.org

-------------------

پاکستانی حقاءق، امریکی تصورات

2010-10-02T23:15:00.000-07:00

پاکستان میں ایک عام شخص سے پوچھیے کہ پاکستان کا سب سے بڑا مسئلہ کیا ہے۔ اس بات کا بہت زیادہ امکان ہے کہ آپ کو جواب ملے کہ پاکستان کا سب سے بڑا مسئلہ خراب حکومت ہے۔ یہی سوال امریکہ میں پوچھیے کہ پاکستان کا سب سے بڑا مسئلہ کیا ہے تو عین ممکن ہے کہ جواب آءے کہ شدت پسندی اور مذہبی جنون پاکستان کے سب سے بڑے مسئلے ہیں۔ پاکستانیوں سے پوچھیے کہ پچھلے دس سالوں میں کس فلاحی ادارے نے انہیں سب سے زیادہ اسکول بنا کر دیے ہیں، لوگ بلاشبہ کہیں گے کہ ٹی سی ایف نے شعبہ تعلیم میں سب سے زیادہ کام کیا ہے۔ یہی سوال امریکہ میں پوچھیے تو آپ کو معلوم ہوگا کہ پاکستان میں تعلیم کے سلسلے میں کاوش کے میدان میں امریکی عوام سینٹرل ایشیا انسٹی ٹیوٹ کے علاوہ کسی ادارے کو نہیں جانتے۔ پاکستانیوں سے پوچھیے کہ کس شخص کا احسان ان پہ سب سے زیادہ ہے کہ جس نے اپنی زندگی ان کی فلاح کے لیے وقف کر دی ہے، اور پاکستانی چاہیں گے کہ اس شخص کو اس کی بے لوث خدمت کے صلے میں امن کا نوبیل انعام دیا جاءے۔ اس سوال کے جواب میں پاکستان کے بیشتر لوگ عبدالستار ایدھی کی طرف اشارہ کریں گے۔ یہی سوال امریکہ میں پوچھیے تو لوگ آپ کو بتاءیں گے کہ پاکستان میں اپنے فلاحی کاموں کی وجہ سے گریک مورٹینسن صحیح معنوں میں نوبیل انعام کے حق دار ہیں۔ یہ ہیں پاکستانی حقاءق اور یہ ہیں امریکی تصورات۔ اور ان خام امریکی تصورات کے پیچھے ہاتھ ہے طاقتور امریکی میڈیا کا۔ اس کے پیچھے طاقت تیس کروڑ تعلیم یافتہ لوگوں کی ہے۔ یہ امریکی میڈیا ہے جو دنیا کو بتاتا ہے کہ اس وقت سب سے اہم خبر کیا ہے اور کونسا موضوع دنیا بھر کے لوگوں کی اولین ترجیح کا حق دار ہے۔ پھر دنیا بھر کے چھوٹے چھوٹے ممالک کے خبررساں ادارے اس خبر کے پیچھے لگ جاتے ہیں۔
یہ ساری باتیں میں سنیچر کی رات ایک ایسی تقریب میں بیٹھا سوچ رہا تھا جس میں ایک ہزار سے اوپر لوگ شریک تھے۔ یہ لوگ گریگ مورٹینسن کو سننے اور ان کے فلاحی ادارے سینٹرل ایشیا انسٹیٹیوٹ کو چندہ دینے آءے تھے۔ حاضرین پہ ایک نظر دوڑا کر اندازہ ہوتا تھا کہ ان میں اکثریت یورپی نژاد امریکییوں، جنہیں عوام زبان میں سفید فام کہا جاتا ہے، کی تھی۔ یہ غالبا وہ امریکی تھے جو عراق اور افغانستان میں امریکی جنگ سے تنگ ہیں اور امن کا کوءی بہتر راستہ دیکھنا چاہتے ہیں۔ ان کی بے چین ذہنی حالت میں امریکی میڈیا انہیں ان امریکیوں کے بارے میں بتاتا ہے جو امن کے میدان میں ان ہی علاقوں میں کام کر رہے ہیں جہاں امریکی فوج بم برسا کر لوگوں کو سیدھا کرنا چاہتی ہے۔ امریکی عوام کے لیے ان کے یہ پرامن ہم رنگ و نسل بھاءی و بہن نہایت قابل قبول ہیں۔ اول تو امریکی میڈیا نے صحیح معنوں میں عبدالستار ایدھی کو دریافت ہی نہیں کیا ہے، لیکن فرض کریں کہ اگر امریکی ذراءع ابلاغ نے ایدھی کو پہچان کر انہیں امریکی عوام کے سامنے پیش بھی کیا ہوتا تو خود فیصلہ کیجیے کہ امریکی عوام کے لیے یہ بوڑھا آدمی کتنا قابل قبول ہوتا۔ یہ شخص تو یورپی نژاد امریکیوں کا ہم رنگ و نسل نہیں ہے۔ یہ تو اچھی انگریزی بھی نہیں بولتا۔ اس کے جھریوں والے چہرے پہ تو ایک داڑھی بھی ہے۔ اس کی شکل تو طالبان سے ملتی ہے، پھر یہ بھلا کوءی اچھا کام کیسے کر سکتا ہے؟

گریگ مورٹینسن یقینا ایک بہت عمدہ انسان ہیں اور شمالی علاقہ جات میں مبینہ اسکول بنا کر انہوں نے بہت سے بچوں پہ بڑا احسان کیا ہے مگر پاکستانیوں کو اپنے محسنوں کی ستاءش میں اس نسل پرستی سے کام نہیں لینا چاہیے جو امریکی میڈیا کا خاصہ ہے۔ سو روپے کے کام کے لیے پانچ پیسے کی ستاءش اور پانچ پیسے کے کام کے لیے سو روپے کی ستاءش دیانت ہرگز نہیں ہے۔ لوگوں کے کام کی ستاءش ان کی خدمات کے تناسب سے ہونی چاہیے نہ کہ ان کی کھال کے رنگ کی مناسبت سے۔

بدین کی مرغیاں

2010-09-26T00:24:00.001-07:00

غالبا دو سال پہلے کی بات ہے۔ رات کافی ہو چکی تھی مگر نیند میری آنکھوں سے غائب تھی۔ میں انٹرنیٹ پہ ٹامک ٹوئیاں مار رہا تھا اور دنیا کی بڑھتی ہوئی آبادی کے بارے میں سوچ رہا تھا۔ چھ ارب سے اوپر لوگوں کو اچھا معیار زندگی دینا بہت ضروری ہے مگر جدید معیار زندگی کے چونچلوں میں قدرتی ماحول پہ ضرب کتنی کاری ہے؟ اتنے سارے لوگ اگر مغربی دنیا کے ٹکر کا معیار زندگی قاءم کریں تو کتنی فضاءی آلودگی پھیلے گی اور اتنے لوگوں کا کوڑا کہاں جاءے گا؟ اس موضوع پہ انٹرنیٹ پہ تلاش کے دوران مجھے یوسف جینکینز کی کتاب "ہیومینیور" مل گئی۔ اس کتاب کا موضوع ایسا تھا کہ اس نے مجھے فورا ہی جکڑ لیا۔ کتاب کو پڑھتا پڑھتا میں صبح کے اس پہر سویا جب خدا کے نیک بندے شبینہ عبادت کر کے سوتے ہیں۔ یوسف جینکینز کی اس کتاب نے مجھ پہ گہرا اثر کیا اور مجھے ایک نءے راستے پہ سوچنے پہ مجبور کیا۔ جینکینز کی کتاب انسانی فضلے سے متعلق ہے۔ جینکینز کا کہنا ہے کہ تاریخی طور پہ جانوروں کے فضلے کی طرح انسانی فضلے کو بھی کارآمد سمجھا جاتا تھا مگر صنعتی انقلاب کے بعد رفتہ رفتہ آنے والی بہت سی تبدیلیوں میں جب بیت الخلا کا نظام جدید ہوا تو پانی کے آسان نظام نکاسی کے ساتھ فضلہ بھی مسءلہ بنتا گیا۔ یوسف جینکینز کہتا ہے کہ جیسے جیسے انسانی آبادی بڑھتی جاءے گی بیت الخلا کا راءج استعمال درد سر بنتا جاءے گا کیونکہ موجودہ نظام میں پانی کا استعمال کثرت سے ہے اور فضلے کو مسءلہ سمجھا جاتا ہے۔ یوسف جینکینز خود اپنے فضلے کو اپنے باغ میں کھاد کے طور پہ استعمال کرتا ہے اور چاہتا ہے کہ ہم سب بھی ایسا کریں۔

یوسف جینکینز کی کتاب نے مجھے اپنے بچپن کے ایک مشاہدے کے بارے میں سوچنے پہ مجبور کر دیا۔ میرے بچپن کی چند خوشگوار یادوں میں بدین کے ایک گاءوں میں گزارا جانے والا وقت بہت انمول ہے۔ ہمارے ایک عزیز بدین میں کھیتی باڑی کرتے تھے اور ہمیں بہت محبت سے اپنی زمین پہ بلاتے۔ ہم بچوں کو کراچی کی تیززندگی اور دھواں آلود ماحول سے باہر نکل کر بدین جانا بہت اچھا لگتا۔ اپنے ان عزیز کے گھر میں ہماری بےحد خاطر مدارات ہوتی مگر ہمارے لیے بدین کے اس گاءوں میں ایک مشکل مرحلہ صبح بیت الخلا کا استعمال ہوتا۔ اس گاءوں میں فلش ٹاءلٹ کی ٹیکنالوجی نہیں پہنچی تھی۔ فراغت کے لیے کھڈیاں تھیں۔ کہنے کو تو ایک شخص کھڈیوں کی صفاءی پہ معمور تھا مگر ایک عجیب معاملہ تھا کہ گھر کی پلی مرغیاں اس شخص کا کام بہت ہلکا کردیتی تھیں۔ سردیوں کی ایسی صبح جب آپ گھر سے کچھ فاصلے پہ موجود سرد بیت الخلا میں کسی حد تک بے آرام ہوتے آپ کو اندازہ ہوتا کہ دروازے کے باہر مرغیاں بے تابی سے آپ کے باہر نکلنے کا انتظار کر رہی ہیں۔ آپ دروازہ کھول کر باہر نکلتے اور مرغیاں تیزی سے اندر کی طرف جھپٹتیں۔ وہ مرغیاں بھاپ چھوڑتے فضلے کو ذرا سی دیر میں چٹ پٹ کر جاتیں۔ پھر یہی مرغیاں انڈے دیتیں اور ہم ان انڈوں کو رغبت سے کھاتے۔
دنیا کے وساءل پہ آبادی کا جو دباءو بڑھ رہا ہے وہ ہم سے اسی قسم کی سوچ چاہتا ہے کہ ہم اپنے مساءل کو انتہاءی نچلی سطح پہ حل کریں، نہ کہ اپنے چھوٹے چھوٹے انفرادی مساءل کومعاشرے کا بڑا مسءلہ بنا دیں۔ اپنے باورچی خانے کے کوڑے کی کمپوسٹنگ اور اپنے فضلے کا استعمال وہ راستے ہیں جن سے ہم زندگی کے چکر کو ایک چھوٹے داءرے میں مکمل کر سکتے ہیں۔ میں ایک عرصے سے اپنے باورچی خانے کے کوڑے کی کمپوسٹنگ کرتا ہوں اور پورا ارادہ رکھتا ہوں کہ فضلے کو کارآمد بنانے کا کام بھی جلد شروع کروں گا۔

تصویر بشکریہ
http://musegreen.com

علما کی جانب سے لکھے جانے والے ایک خط کے جواب میں

2010-09-08T22:18:00.000-07:00

علما کی جانب سے لکھے جانے والے ایک خط کے جواب میں

علما کی جانب سے لکھے جانے والے خط میں اوباما، فلوریڈا گورنر، اور گینزول کے مے یر سے مداخلت کی اپیل کی گءی ہے۔ صاف واضح ہے کہ نہ صرف یہ کہ ان علما کو امریکی قوانین کی کوءی آگہی نہیں بلکہ ان لوگوں نے کسی وکیل سے مشورہ کرنا بھی مناسب خیال نہیں کیا۔ ان نام نہاد علما کی خدمت میں عرض ہے کہ امریکی منشور کی وہ پہلی ترمیم جو امریکہ میں رہنے والے ہر شخص کو امریکی جھنڈا، امریکی منشور، امریکی صدر کا پتلا جلانے اور انہیں برا بھلا کہنے کی آزادی دیتی ہے وہی ترمیم ہر شخص کو ہر قسم کی مذہبی کتاب نظر آتش کرنے کی بھی آزادی دیتی ہے۔ اس ترمیم کےسامنے اوباما، فلوریڈا کا گورنر، اور گینزول کا مے یر بے بس ہیں۔ مسلمانوں سے گزارش ہے کہ وہ اپنی کھال موٹی کریں، ایسے واقعات کو سرے سے نظر انداز کریں نہ کہ ان پہ اپنا غم و غصہ دکھا کر انہیں عالمی شہرت بخشیں۔
نیازمند
سمندطور

Muslim Shia Council
In the Name of God the Beneficent, the Merciful

AN OFFENSE AGAINST THE HOLY QURAN

* Our letter and appeal to all the believers in North America
* Suggested letter to the officials
* Information and mailing details

OurLetterThe Letter from the Council of Shia Muslim Scholars in North America
---------------------------------------------------------------------------------

In the name of God, the Beneficent, the Merciful

Peace & blessings upon you (Salam Alikum)

On September 11th, a group in Florida is organizing a day to burn the Holy Quran. The Council of Shia Muslim Scholars in North America is sending this letter to:

* The United States President Mr. Barack Obama
* The Governor of the State of Florida Mr. Charlie Crist
* The Mayor of Gainesville, Florida, Mr. Craig Lowe
* Senator of the State of Florida, Mr. Bill Nelson
* Senator of the State of Florida, Mr. George LeMieux

We urge you to please show your support for our position by sending this letter from your own e-mails or home address to the detailed addresses below (please refer to the end of this e-mail for the detailed information.)

In this Holy Month, the month of revelation of the Holy Quran, the least we can all do is defend the Book of God by communicating this position to others.

May God shower with His Mercy and accept your work.
Thank you.

Peace & blessings upon you (Salam Alikum)

OfficialLetterSuggested Letter to the officials in support of the position of the Council
---------------------------------------------------------------------------------

Dear ____________________,

Kind greetings to you.

Surely, you are aware of some of the radical voices calling for burning the Holy Quran on the ninth anniversary of the September 11, 2001 tragedy. This issue is becoming increasingly worrisome to American citizens with each passing day.
We, the Council of Shia Muslim Scholars in North America, with the responsibilities we hold toward our fellow citizens - whether they be Muslims or not - and with that which is entrusted to us by thousands of our adherents from mosques and Islamic centers across the United States, say the following:

Indeed, we thank the majority of our Christian brethren as they have denounced this grave offense against one of the world's major religions. We truly do extend our gratitude to the religious personalities and groups, church officials, and humanitarian organizations that have condemned this attack on more than 1.5 billion Muslims. Still, we write to you because you are responsible for the security and stability of this nation and one of the greatest priorities is to prevent potential harm from reaching American citizens. These proposed irresponsible appeals are no more than attempts at causing sedition that can rip the fabric of the American public by playing on the strings of faction and religion - the connection between a human and his Lord and Creator.

We have complete confidence in your ability to absorb and deal with a situation of this gravity, realizing its repercussions. We also have hope in what the American people have become familiar with in your awareness, boldness and courage. Thus, we anticipate that you will intervene to stop the likes of these provocative and troublesome acts which are targeting people this time by exploiting the garb of faith and posing with sacred robes in the hearts of the faithful.

Sincerely Yours,

_______________________

AddressesAddresses & Information
---------------------------------------------------------------------------------

1. President of the United States:
* The President, The White House, Washington, DC 20500
* http://www.whitehouse.gov/contact
2. Mayor of Gainesville, Florida
* Mayor: Craig Lowe, Gainesville, Florida
* mayor@cityofgainesville.org
* lowesc@cityofgainesville.org
* 200 E University Ave, Gainesville, FL, 32601
3. Governor of the State of Florida
* Governor Charlie Crist (Charlie.Crist@MyFlorida.com)
* Office of Governor Charlie Crist,
o State of Florida,
o The Capitol, 400 S. Monroe St.,
o Tallahassee, FL 32399-0001
4. Senators of the State of Florida
* Senator: Bill Nelson
o 716 HART SENATE OFFICE BUILDING WASHINGTON DC 20510
o Tel: (202) 224-5274
o Fax: (202) 224-5274
o Web Form: billnelson.senate.gov/contact/index.cfm
* Senator: George S. LeMieux
o 356 RUSSELL SENATE OFFICE BUILDING WASHINGTON DC 20510
o Tel: (202) 224-3041
o Fax: (202) 224-3041
o Web Form: lemieux.senate.gov/public/?p=EmailSenatorLeMieux

اردو کے ذومعنی الفاظ

2010-08-28T14:39:00.000-07:00

ڈاکٹر سید فراست علی صاحب میرے محترم استاد ہیں۔ ڈاکٹر فراست نے مجھے جامعہ این ای ڈی میں بہت محبت، بہت شفقت، اور بہت محنت سے پڑھایا تھا۔ ہر وہ شخص جو میرا استاد رہا ہے میرے لیے قابل صد احترام ہے۔ میرے اساتذہ وہ قابل عزت شخصیات ہیں جنہوں نے میری ذہنی گرہیں کھولی ہیں اور مجھے چیزوں کو غور سے دیکھنا اور ان کے بارے میں سوچنا سکھایا ہے۔
ڈاکٹر سید فراست علی صاحب سے میری حالیہ ملاقات شکاگو میں این ای ڈی کنوینشن کے دوران ہوءی۔ اسی ملاقات میں ڈاکٹر فراست علی نے مجھے اپنے ایک دوست کے بارے میں بتایا جو مختلف زبانوں میں استعمال ہونے والے ذو معنی الفاظ کی فہرست بنا رہے ہیں۔ ڈاکٹر فراست علی نے مجھے ذو معنی اردو الفاظ کی فہرست بنانے کا حکم دیا۔
اردو میں یقینا سینکڑوں ذومعنی الفاظ ہوں گے۔ ایسے الفاظ کی ایک مختصر فہرست درج ذیل ہے۔ یہ وہ الفاظ ہیں جو ڈاکٹر فراست سے ملاقات کے فورا بعد ذہن میں آءے۔ اگر موقع ملا تو اس فہرست میں مزید ذومعنی الفاظ جمع کروں گا۔ قارءین اگر اس سلسلے میں مدد کر سکیں تو ان کی عنایت ہوگی۔

لوٹا
واضح معنی کے علاوہ معنی
ایک ایسا شخص جو مسجد کے لوٹے کی طرح کبھی کسی کے ساتھ ہوتا ہے اور کبھی کسی اور کے ساتھ۔

ہیرا
واضح معنی کے علاوہ معنی
عمدہ اوصاف والا شخص

گدھا
واضح معنی کے علاوہ معنی
کند ذہن شخص

لٹو
واضح معنی کے علاوہ معنی
استعمال: کسی پہ لٹو ہوجانا یعنی کسی پہ فریفتہ ہونا

چکنا گھڑا
واضح معنی کے علاوہ معنی
ایک ایسا شخص جس پہ کسی بات کا کوءی اثر نہ ہو، ایک ڈھیٹ شخص

مٹکا
واضح معنی کے علاوہ معنی
پیٹ، توند

چمچہ
واضح معنی کے علاوہ معنی
کسی اہم شخص کے ساتھ چلنے یا اس کی ہاں میں ہاں ملانے والا شخص

گائے
واضح معنی کے علاوہ معنی
استعمال: اللہ میاں کی گائے
سیدھا سادھا شخص

کھمبا ووٹ
واضح معنی کے علاوہ معنی
استعمال: کھمبا ووٹ
کسی جماعت سے وفاداری کے ساتھ، بغیر سوچے سمجھے ووٹ دینے والا شخص

غازی علم دین نہ شہید تھا نہ غازی

2010-08-23T22:23:00.000-07:00

ایک بظاہر پڑھے لکھے شخص نے مجھے غازی علم دین نامی شخص کے بارے میں بہت فخر سے بتایا تھا۔ واقعہ کچھ اس اس طرح بیان کیا جاتا ہے کہ غازی علم دین نامی ایک شخص کو خبر ملتی ہے کہ کسی غیر مسلم نے ایک تحریر میں ہمارے پیارے نبی کی تذلیل کرنے کی کوشش ہے۔ علم دین جو بظاہر نبی کا عاشق ہے، طیش میں اٹھتا ہے اور مبینہ گستاخ رسول کو جان سے مار دیتا ہے۔ انگریز کی حکومت ہے۔ غازی علم دین گرفتار ہوتا ہے، اس پہ قتل کا مقدمہ چلتا ہے، اور اسے پھانسی کی سزا ہوتی ہے۔ بہت سے لوگوں کی نظر میں غازی علم دین نامی یہ شخص بہت عظیم ہے اور شہادت کے عہدے پہ فاءز ہے کیونکہ اس نے بظاہر ناموس رسول کے لیے اپنی جان کی قربانی دی ہے۔ دراصل غازی علم دین اسلام کا نادان دوست ہے،اس شخص کا جذبات کی رو میں بہہ کر کسی آدمی کو مار دینے کا عمل انسانیت کے نام پہ عموما اور مسلمانوں کے نام پہ بالخصوص ایک سیاہ دھبا ہے۔
یہ واقعہ بیان کرتے ہوءے میں نے ' ہمارے پیارے نبی کی تذلیل کرنے کی کوشش' کا کلمہ اس لیے استعمال کیا ہے کیونکہ ہمارے نبی اور عموما انبیا کا تو خیر الگ مقام ہے، اور بڑے لوگ بھی اپنی عزت یا تذلیل کے لیے دوسروں کی تحریر کے محتاج نہیں ہوتے۔ لوگ اپنے کاموں سے اپنا اونچا یا نیچا مقام بناتے ہیں، کسی کی اپنے بارے میں تحریر یا تقریر سے نہیں۔ یہ بات تو ہمیں قرآن بھی بتاتا ہے کہ عزت یا ذلت دینے والی ہستی تو صرف اللہ کی ہے۔
غازی علم دین نامی اس گمراہ شخص نے کس عظیم ہستی کی ناموس کی حفاظت کی؟ وہ عظیم آدمی کہ دشمن اس کا مذاق اڑاتے ہوں، اس پہ پھبتیاں کستے ہوں، اور وہ ان لوگوں کی بات کا ذرا برا نہ مناءے اور ان کے لیے دعا کرتا ہوا آگے بڑھ جاءے۔ وہ شخص کہ جس پہ مہینوں کسی گھر سے کچرا پھینکا جاتا ہو اور ایک دن اس عمل میں خلل آجاءے تو وہ مذکورہ گھر کا دروازہ کھٹکھٹا کر روز کچرا پھینکنے والی عورت کی خیریت معلوم کرے۔ اس عظیم شخص کی ناموس کا محافظ علم دین نامی یہ کمتر انسان ہو سکتا ہے؟ ذرا سوچیے کہ اگر علم دین کو ہمارے پیارے نبی کے سامنے پیش کیا جاتا تو ہمارے نبی اس بے وقوف شخص سے کیا کہتے۔ وہ یقینا کچھ پیار سے اور کچھ غصے سے اس جاہل آدمی کو سمجھاتے کہ ایک عظیم پیغام اور اس کے پیمبر کی ناموس کی حفاظت کا سب سے اچھا طریقہ یہ ہے کہ اس پیغام کے ماننے والے لوگ ہوش مند ہوں اور بہترین شہری بن کر دکھاءیں۔ وہ جذبات میں آکر خود انتظامیہ، خود عدالت، اور خود جلاد نہ بن جاءیں۔
مگر کیا کیجیے کہ آج ہمارے دین کا علم اس علم دین جیسے دوسرے بے وقوفوں کے ہاتھوں ہی میں نظر آتا ہے۔ وہ لوگ جو ناموس رسالت کے چیمپءین بن کر سڑکوں پہ نکلتے ہیں اور بے گناہ لوگوں کی املاک کو آگ لگا دیتے ہیں۔ وہ لوگ جو ہم پہ ہونے والے تمسخر کا سبب ہیں۔ جن کی وجہ سے ہماری ہنسی اڑاءی جاتی ہے اور اسلام کی ایک مسخ شکل دنیا کے سامنے پیش ہوتی ہے۔
پاکستان میں غازی علم دین کے 'کارنامے' اور اس جیسے دوسرے احمقانہ واقعات کو فخر سے بیان کیا جاتا ہے۔ بہت سی وجوہات میں شاید ایک وجہ یہ بھی ہے جس سے معاشرے میں تحمل اور رواداری ختم ہو رہی ہے۔ لوگ فوری انصاف کی خواہش رکھتے ہیں چاہے اس عمل میں کسی بے گناہ کی جان ہی کیوں نہ چلی جاءے۔ چند روز قبل سیالکوٹ میں دو بھاءیوں کا قتل بھی ایسا ہی واقعہ ہے۔ یہ جنگل کے قانون کا ایک نمونہ ہے۔ بس ایک ٹولہ ہے جو جذبات میں بہہ رہا ہے۔ جس پہ جو چاہے الزام لگاءے اور فوری طور پہ ڈنڈوں سے سزا دے۔
میں نے گزری جولاءی کا بڑا حصہ کراچی میں گزارا۔ وہاں اپنے ایک پرانے شاگرد سے ملاقات ہوءی۔ اس نوجوان نے کسی قدر فخر سے کچھ عرصہ پہلے کا وہ واقعہ سنایا جب کسی محلے کے لوگوں نے مبینہ ڈاکوءوں کو پکڑ کر ان کے کپڑوں میں آگ لگا دی تھی۔ یہ لوگ جھلس کر مر گءے۔ میں نے اس واقعے پہ افسوس کا اظہار کیا تو اس نوجوان کو حیرت ہوءی۔ اس کا کہنا تھا کہ لوگ موجودہ عدالتی نظام سے مایوس ہیں۔ وہ دیکھتے ہیں کہ جراءم پیشہ لوگ پکڑے جاتے ہیں مگر پھر کچھ ہی عرصے میں رہا ہو جاتے ہیں۔ اس ناانصافی کو دیکھتے ہوءے لوگ خود اپنے ہاتھوں جراءم پیشہ افراد کو سزا دینا چاہتے ہیں۔ میں نے سمجھایا کہ اس بات کا کیا ثبوت ہے کہ جس شخص کو مجرم کہا جارہا ہے اس نے واقعی جرم کیا ہے؟ یہ بھی تو ممکن ہے کہ اس شخص کی شناخت میں کچھ لوگ غلطی پہ ہوں، یا پھر ان لوگوں کی اس شخص سے دشمنی ہو اور وہ اس پہ الزام لگا کر اپنا ذاتی عناد نکال رہے ہوں۔
پاکستان میں اسلام کا چیمپءن بننا ایک منافع بخش کاروبار بن گیا ہے۔ وہاں ایسے بھی واقعات سننے میں آءے ہیں کہ ایک شخص نے کسی غیر مسلم کی جاءداد پہ قبضہ کرنے کے لیے اس پہ الزام لگایا کہ اس غیر مسلم نے قرآن کی بے حرمتی کی ہے۔ ملزم داخل حوالات ہوا اور اس شخص نے اطمینان سے بے گناہ کی جاءداد پہ قبضہ کر لیا۔
کسی بھی مہذب معاشرے میں پولیس اور عدلیہ کا نظام ایک ٹولے کے ہاتھوں میں نہیں سونپا جا سکتا۔ انصاف یہ ہے کہ ایک عدالت بیٹھے جس میں ہر فریق کی بات تحمل سے سنی جاءے اور پوری عدالتی کارواءی ہونے پہ سوچ سمجھ کر مقدمے کا فیصلہ دیا جاءے۔ اس تحریر کو پڑھنے والا وہ کونسا شخص ہے جو واقعی ایسے معاشرے میں رہنا چاہتا ہو جہاں جنگل کا قانون راءج ہو، جہاں 'فراہمی انصاف' ماوراءے عدالت ہو؟ جہاں کسی روز کہیں آتے جاتے اچانک چند لوگ اسے پکڑ لیں اور چلا کر دوسروں کو بتاءیں کہ انہوں نے اسے چوری کرتے دیکھا ہے، اور پھر ذرا سی دیر میں وہاں ایک مجمع جمع ہو جاءے، جو اسے مارنا پیٹنا شروع کر دے؟
سیالکوٹ کے واقعے کے مجرم صرف وہ لوگ نہیں ہیں جو ان دو بھاءیوں پہ ڈنڈے برسا رہے تھے۔ وہ تمام لوگ جو مجمع میں شا٘مل تھے اور جن کے خاموش تماشاءی بننے کے عمل سے تشدد کرنے والوں کو شہ مل رہی تھی قابل سزا ہیں۔

تصویر بشکریہ
http://www.msnbc.msn.com

پانی کی قلت اور پھر پانی کا عذاب

2010-08-23T22:17:00.000-07:00

خاموشی سے میرے ساتھ آءیے۔ اس شخص کو دیکھیے۔ یہ کتنا پریشان، کتنا افسردہ بیٹھا ہے۔ یہ ہر وقت اپنے مالی مساءل کا رونا روتا ہے۔ مستقل شکایت کرتا ہے کہ اس کی آمدنی اس کے اخراجات کے مقابلے میں بہت کم ہے۔ اور تنگ دستی کی اس کیفیت میں یہ شخص دنیا کے بہت سے دوسرے لوگوں سے مختلف نہیں ہے۔ مگر ایک اور معاملہ ہے جس کی وجہ سے یہ شخص مالی کسمپرسی کی کیفیت میں اپنے جیسے مفلسوں سے بالکل الگ ہے۔ معاملہ یہ ہے کہ یہ نادار پانچ سال مستقل اپنی غربت کا رونا روتا ہے اور پھر ہر پانچ سال میں ایک دفعہ اس کی لاٹری لگ جاتی ہے۔ لاٹری کے مالی انعام سے یہ شخص اچانک بہت امیر ہو جاتا ہے۔ مگر پھر یہ شخص انعام کی رقم کو اللے تلے ذرا سی دیر میں اڑا دیتا ہے۔ بلکہ جتنا عرصہ دولت اس کے پاس رہتی ہے یہ شخص پریشان ہی رہتا ہے کہ آخر اس کو یہ مال و دھن یوں چھپر پھاڑ کر کیوں مل گیا۔ اور یوں دولت کی کمی بھی اس کے لیے عذاب ہے اور دولت کا مل جانا بھی۔
اس شخص سے ملاقات کرنے اور اس کے حالات جاننے کے بعد آپ اچھی طرح سمجھ گءے ہوں گے کہ میں اس شخص کی کہانی کن موجودہ حالات سے مماثل دکھانے کی کوشش کر رہا ہوں۔ پاکستان میں مختلف صوبے اور ان صوبوں میں رہنے والے تمام لوگ پانی کے مسءلے پہ مستقل ایک دوسرے سے دست و پا رہتے ہیں اور پھر جب زوردار بارش ہوتی ہے تو یہی پانی پورے ملک کے لیے عذاب بن جاتا ہے۔
دبءی سے العین کے بس چلی تو دبءی کی آبادی کو پیچھے چھوڑنے کے کچھ ہی دیر بعد ہم لوگ بیاباں میں آگءے۔ اب ایک پتلی سی سڑک پہ ہماری یہ بس رواں دواں تھی اور سڑک کے دونوں طرف حد نظر صحرا کی تپتی ریت تھی۔ مجھے یہ سوچ کر ہول آرہا تھا کہ اگر بس کا اءیرکنڈیشننگ سسٹم خراب ہوگیا تو ہمارا کیا بنے گا۔ جون کے اس گرم دن ہم چلچلاتی دھوپ کے نیچے ذرا سی دیر میں بھن جاءیں گے۔ جزیرہ نما عرب کا جغرافیہ جنوبی ایشیا کے جغرافیے سے اسی وجہ مختلف ہے۔ جنوبی ایشیا کے شمال میں اونچے اونچے پہاڑی سلسلے ہیں چنانچہ جب گرمیوں میں میدانی علاقے گرم ہوتے ہیں تو ان سے جڑی ہوا گرم ہو کر اوپر اٹھتی ہے؛ پھر اس خالی جگہ کو پر کرنے کے لیے سمندر کے اوپر موجود مرطوب ہوا اس طرف بڑھتی ہے۔ یہ مرطوب ہوا پہاڑوں سے ٹکرا کر رک جاتی ہے اور ٹھنڈی ہونے پہ کہیں برف اور کہیں بارش بن کر برستی ہے۔ جزیرہ نما عرب کے پاس کوءی اونچے اونچے پہاڑ نہیں ہیں۔ وہاں بھی گرمیوں میں صحرا کی گرم ہو کر اوپر اٹھتی ہے اور سمندر سے آنے والی مرطوب ہوا کو جگہ دیتی ہے۔ مگر پھر اونچے پہاڑوں کی رکاوٹ نہ ہونے کی وجہ سے یہ مرطوب ہوا رک کر برستی نہیں ہے بلکہ لوگوں کو پسینہ پسینہ کر آگے نکل جاتی ہے۔ جغرافیے اور موسمی حالات کے اسی فرق کی وجہ سے تاریخی طور پہ جنوبی ایشیا ایک زرخیز اور نتیجتا امیر علاقہ رہا اور جزیرہ نما عرب ایک بنجر اور بدحال علاقہ۔ زرخیزی اور امارت کی وجہ ہی سے نوآبادیاتی نظام کا عذاب جنوبی ایشیا پہ جس زور سے ٹوٹا اس زور سے جزیرہ نما عرب پہ نہیں ٹوٹا۔ مگر پھر پچھلی صدی کے وسط میں تیل کے کنووں کی دریافت سے جزیرہ نما عرب کے دن پھر گءے۔ اب وہ امیر ہیں اور ہم مفلس۔ کسی زمانے میں وہ ہمارے پیسوں پہ پلتے تھے اب ہم دبءی کا ویزا حاصل کرنے کے لیے اور جزیرہ نما عرب میں کام کرنے کے لیے ہاتھ جوڑتے پھرتے ہیں۔ بھارت میں بالخصوص اور جنوبی ایشیا میں بالعموم جس قسم کا آزاد جمہوری نظام ہے، ایسا سیاسی نظام جزیرہ نما عرب میں موجود نہیں ہے۔ مگر کم حیثیت سیاسی نظام ہونے کے باوجود پیسے کی ریل پیل بات بناءے ہوءے ہے۔ سلطان کا کہنا ہے کہ مجھ سے اوپر صرف خدا ہے چنانچہ میں خدا کے علاوہ کسی کو جواب دہ نہیں، جو چاہے کروں، مگر میری رعیت میں جو لوگ ہیں وہ قوانین کی بھرپور پاسداری کریں گے اور بلا چوں چراں میرے راءج کیے نظام کو مانیں گے۔ تو وہ نظام چل رہا۔ بلکہ اس ٹھسے سے چل رہا ہے کہ آزاد جمہوری نظام کے زیرسایہ رہنے والے کروڑوں لوگ سلطان کے اس نظام کا حصہ بننے کو تیار ہیں۔ کیا یہاں سیاسی نظام ہا کو پڑھنے والے طلبا کے لیے کوءی سبق ہے؟ جی ہاں۔ سبق واضح ہے۔ اظہر من الشمس سبق یہ ہے کہ ایک عام آدمی کو اس بات سے کوءی سروکار نہیں ہوتا کہ کسی جگہ کا سیاسی نظام کیا ہے۔ اس کو تو صرف اس بات سے مطلب ہے کہ کیا اس کی جان بچ جاءے گی، کیا اس کے اطراف نظام مخصوص قوانین کے تابع ہوگا، اور کیا اس کے محنت کرنے سے اسے پیٹ بھر کر کھانا مل جاءے گا؟

تصویر بشکریہ
http://www.dailymail.co.uk/